Система Orphus

Тоқаев Ресей елшісін "Достық" орденімен марапаттады

21.01.2021 9235
Тоқаев Ресей елшісін "Достық" орденімен марапаттады
Нұр-Сұлтан. 21 қаңтар. Kazakhstan Today - Бүгін Нұр-Сұлтанда Ресей Федерациясының Қазақстан Республикасындағы Төтенше және Өкілетті Елшісі Алексей Бородавкинді ІІ дәрежелі "Достық" орденімен марапаттау рәсімі өтті, деп хабарлайды Kazakhstan Today Ақорданың баспасөз қызметіне сілтеме жасап.
 
Марапаттау рәсімі барысында Қасым-Жомарт Тоқаев екі ел арасындағы одақтастық қатынастарды, сондай-ақ, достық пен ынтымақтастықты нығайту ісіне елеулі еңбек сіңіргені үшін Ресей Федерациясының елшісі Алексей Бородавкинге Қазақстанның жоғары мемлекеттік наградасын табыстап отырғанын атап өтті.
 

Сіз халықаралық қатынастар мәселелері бойынша білікті маман ретінде дипломатиялық орталарда танымалсыз. Ресей Федерациясының Қазақстандағы Төтенше және Өкілетті елшісі ретінде мемлекеттеріміз арасындағы достықтың тұрақты болуына, мәңгілік сипат алуына зор күш салып келесіз. Сіздің атқарған үлкен әрі ауқымды жұмысыңыз үшін ризашылық білдіреміз. Сонымен қатар, Сіз жақында ғана жеке өміріңіздегі елеулі мерейтойлық датаны атап өттіңіз. Бұл – керемет мерейтой. Аталған марапат та осы айтулы оқиғаға орай беріліп отыр", – деді Мемлекет басшысы.

 
Алексей Бородавкин Қазақстан мен Ресей арасындағы одақтастық қатынастар мен интеграциялық байланыстарды дамытуға және нығайтуға қосқан үлесін жоғары бағалағаны үшін Қасым-Жомарт Тоқаевқа алғыс айтты.
 

Мен бұл марапатты елдеріміз арасындағы байланыстарды дамытуға жеке өзімнің ғана емес, сондай-ақ, Қазақстан бағытында еңбек етіп жатқан барлық ресейлік дипломаттардың, ең алдымен, Елшіліктегі әріптестерімнің қосқан үлесіне берілген баға деп санаймын. Құрметті Қасым-Жомарт Кемелұлы, біздің одақтастық, интеграциялық байланыстарымызды одан әрі жоғары әрі сапалы деңгейге көтеру үшін бар күш-жігерімді жұмсай беретінімді нық сеніммен айтамын", – деді Алексей Бородавкин.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны