А. Дауылбаев пен Йе Фенг жемқорлыққа қарсы күрес жайын талқылады
Астанада Бас Прокурор Асхат Дауылбаевтың Жемқорлыққа қарсы органдарының халықаралық қауымдастығының Бас хатшысы, Қытай Халық Республикасы Жоғарғы Халық прокуратурасының Қудалау комитетінің мүшесі Йе Фенгпен кездесуі өтті.
Алматы. 27 маусым. Kazakhstan today. Астанада Бас Прокурор Асхат Дауылбаевтың Жемқорлыққа қарсы органдарының халықаралық қауымдастығының Бас хатшысы, Қытай Халық Республикасы Жоғарғы Халық прокуратурасының Қудалау комитетінің мүшесі Йе Фенгпен кездесуі өтті.
Бас Прокурор қонақты прокуратура органдары қызметінің басым бағыттары, Қазақстанның сыбайлас жемқорлықпен күрес саласында қолданып отырған нақты шаралары жөнінде хабардар етті. Ол сыбайлас жемқорлыққа қарсы күресті мемлекеттік саясаттың басым бағыттарының бірі екенін атап көрсетті. Елімізде сыбайлас жемқорлыққа қарсы заңнаманы жетілдіру бойынша ауқымды жұмыстары жүргізілуде, сыбайлас жемқорлық көріністеріне қарсы тұруға бағытталған шаралар қабылдануда, деп Бас прокуратураның баспасөз қызметі хабарлады.
Тараптар сыбайлас жемқорлыққа тосқауыл қоюдың өзекті мәселелері бойынша пікір алмасты. Йе Фенг болып өткен кездесуді маңызды ретінде қарастыратынын айтып, жемқорлықпен күрес саласындағы белсенді өзара ықпалдастыққа ризашылығын білдірді.
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.