"Ақ жол" партиясы елбасының атына Қазақстан кәсіпкерінің күнін белгілеу бастамасымен хат жолдады
"Қазақстанда ресми түрде жаңа кәсіп -кәсіпкер пайда болды, бұл кәсіпкерлерді "алыпсатар" мен "саудагер" есебінде емес, қазіргі Қазақстанның жасампаздары мен қоғамның беделді мүшелері ретінде жаппай қабылдауға оңды әсер етті".
Астана. 14-мамыр. Kazakhstan Today - "Ақ жол" партиясы елбасының атына Қазақстан кәсіпкерінің күнін белгілеу бастамасымен хат жолдады, деп хабарлайды Kazakhstan Today агенттігінің тілшісі.
"Қазақстанның "Ақ жол" демократиялық партиясы жеке бизнес пен кәсіпкерлікті тұрақты түрде қолдап отырғаныңыз үшін Сізге өзінің шексіз құрметі мен алғысын білдіреді",- деп басталған елбасына жолданған хатта.
"Сіз біздің еліміздегі нарықтық реформалардың басты ұйымдастырушысы, қазақстандық экономикалық ғажайыптың авторы болып табылатыныңыз баршаға мәлім. Сіз іске асырған экономикалық реформалар қоғамның әлеуметтік құрылымындағы ғаламдық өзгерістерге әкелді, солардың тумасы мен заңды нәтижесіндей болып, Сіздің тұрақты қамқорлығыңызбен отандық кәсіпкерлік дамуда. Биылғы жылдың 4 шілдесінде елімізде жеке бизнес пен іскерлік бастаманы дамыту үшін алғышарттарды жасаған "Жеке кәсіпкерлікті қорғау және қолдау туралы" Заңына Сіздің, Қазақстан Республикасының Президенті Н.И.Назарбаевтың қол қойғанына 20 жыл (1992 ж.) толады. Сол күннен бастап Қазақстанда ресми түрде жаңа кәсіп -кәсіпкер пайда болды, бұл кәсіпкерлерді "алыпсатар" мен "саудагер" есебінде емес, қазіргі Қазақстанның жасампаздары мен қоғамның беделді мүшелері ретінде жаппай қабылдауға оңды әсер етті",- деп атап көрсетілген құжатта.
"Отандық кәсіпкерлер қазақстандық әлеуметтік-экономикалық үлгіде маңызы аз емес рөл атқарады, Мемлекет басшысының аса маңызды бастамаларының сенімді жақтастары болып табылады. Олар өнеркәсіптің, ауыл шаруашылығы, сауда мен қызмет көрсетудің барлық салаларында жемісті еңбек етуде; экономикадағы тұрақтылық пен прогрессивті өзгерістердің әлеуметтік тірегі болып қызмет етеді, мемлекеттің қоғамдық-саяси өміріне белсенді қатысады. Сондықтан, біздің ойымызша, Кәсіпкерлердің кәсіби күнін белгілеу жолымен кәсіпкерлік қызметтің әлеуметтік-экономикалық маңыздылығын жаңа деңгейде мемлекеттік танудың қажеттілігі пайда болды",- деп жазады Ақ жолдықтар.
"Осы мәселе бойынша 2009-2011ж.ж. отандық бизнес қауымдастығының атынан "Атамекен" Одағы бастамашылдық та жасаған, бәлкім салалық кәсіби мерекелер бар болғандықтан ба, нәтижеге қол жеткізілмеді. Алайда, өмірге енген салалық кәсіби мерекелер жеке кәсіпкерлер белсенді жұмыс жасайтын экономика секторларының әралуандылығын қамти алмайды. Мәселен, Сіздің тапсырмаңыз бойынша іске асып жатқан Үдемелі инновациялық-индустриалдық дамыту бағдарламасының (ҮИИДБ) арқасында бұрын отандық экономикаға тән емес жаңа секторлар пайда болуда. Мысалы, тек соңғы жылдары автомобиль жасауда, теміржол машиналарын жасауда, баламалы энергетикада, құрылыс материалдарының жаңа түрлері өндірісінде кәсіпорындар құрылды; бір ай бұрын ғана қазақстандық құрастырумен алғашқы жеңіл ұшақтар аспанға көтерілді және т.б. Осы кәсіпорындар көбінесе шағын және орта бизнесте, әр жеке жағдайда еңбекпен қамтылғандардың азғантай санымен ұсынылған, бұл оларды экономиканың дербес салаларына бөлуге мүмкіндік бермейді",- деп айтылған елбасына жолданған хатта.
"Сонымен қатар, елде 260 мыңдай жеке кәсіпорын тіркелді, сондағы еңбекпен қамтылғандардың жиынтық саны 2,5 млн. адамнан асады. Мұның сыртында, жеке кәсіпкерлердің өздерінен басқа 300 мыңға дейін жалдамалы қызметкерлерді жұмыспен қамтамасыз ететін 900 мың шамасында ЖК жұмыс істейді. Тағы 300 мыңнан астам біздің отандастарымыз экономиканың аграрлық секторында жеке шаруалар қожалықтарында еңбек етеді. Сондықтан кәсіпкерлердің кәсіби мерекесін енгізудің жүздеген мың қазақстандықтар үшін шынында да өзекті және үлкен моралдық мағынасы бар",- деп санайды ҚДП.
"Жоғарыда баяндалғанды негізге ала отырып, сонымен қатар 1992 жылы шыққан "Жеке кәсіпкерлікті қорғау және қолдау туралы" ҚР Заңына қол қоюыңыздың 20 жылдығының құрметіне орай, 4 шілдеде (аталған Заңға Сіз қол қойған күн) - қазақстандық бизнес пен жеке кәсіпкерліктің кәсіби мерекесі - Қазақстан кәсіпкерінің күнін белгілеуге жәрдемдесуіңізді сұраймыз",- деп қортындыланған "Ақ жол" ҚДП төрағасы Азат Перуашевтің қолы қойылған хатта.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.