Ақмола облысында Астананыӊ азық-түлiк белдеуiн қамтамасыз ету үшiн 12 жоба iске асырылуда
Сондай-ақ, экономикалық жаӊғырулар бағытында өӊiрде 18 жоба, сонымен бiрге, Астананыӊ азық-түлiк белдеуiн қамтамасыз ету үшiн 12 жоба iске асырылуда. Ет-сүт өнiмдерiн өндiру, оны экспорттау мен импорттау жұмыстары белсендi жүргiзiлiп келе жатқандығына ерекше тоқталды.
Көкшетау. 20 шілде. Kazakhstan Today - "Нұр Отан" партиясы Ақмола облыстық филиалыныӊ төрағасы, облыс әкiмi Мәлiк Мырзалиннiӊ төрағалығымен өткiзiлген облыстық филиалдыӊ кезектен тыс ХХVIII партия конференциясында партияныӊ "Қазақстан 2021: Бiрлiк. Тұрақтылық. Жасампаздық" атты сайлауалды тұғырнамасы бойынша биылғы жылдыӊ алғашқы жартыжылдығында атқарылған жұмыс қорытындылары шығарылып, саяси кеӊес бюросыныӊ құрамына өзгерiстер енгiзiлдi және құқық бұзушылық пен қылмыстыӊ алдын алуға қатысты мәселелер талқыланды.
Конференция жұмысы басталған соӊ, мандаттық комиссияныӊ төрайымы А.Бергенованыӊ баяндамасы тыӊдалды. Бұдан соӊ, конференцияда "Қазақстан 2021: Бiрлiк. Тұрақтылық, Жасампаздық" атты сайлауалды тұғырнамасы бойынша ағымдағы жылдыӊ жартыжылдығында атқарылған жұмыс жайында облыстық экономика және бюджеттi жоспарлау басқармасыныӊ басшысы Бауыржан Мәлғаждаров жан-жақты баяндады. Оныӊ мәлiмдеуiнше, бағдарламалық жоспар төрт тарапқа бағытталған.
Соныӊ iшiнде мектептердегi үш ауысымды оқуды болдырмау мақсатында республикалық бюджеттен бөлiнген қаржыныӊ жұмсалуына, мектептердi жөндеу және жаӊа бiлiм ордаларыныӊ бой көтеруiне орай жүргiзiлiп жатқан құрылыс жұмыстарына тоқталды. Сондай-ақ, экономикалық жаӊғырулар бағытында өӊiрде 18 жоба, сонымен бiрге, Астананыӊ азық-түлiк белдеуiн қамтамасыз ету үшiн 12 жоба iске асырылуда. Ет-сүт өнiмдерiн өндiру, оны экспорттау мен импорттау жұмыстары белсендi жүргiзiлiп келе жатқандығына ерекше тоқталды. Мәселен бұл өнiмдердiӊ көбi өз елiмiзбен қатар Ресей және Өзбекстан мемлекеттерiне жiберiледi екен. Сонымен бiрге, "Қазақстанда жасалған" деген логотиптер облыстыӊ мыӊнан астам кәсiпорындарында қолданылуда. Баяндамашыныӊ басты назар аударған бағыттардыӊ бiрi - техникалық кәсiптiк бiлiм беру жүйесi мен еӊбек нарығына қажеттi кадрларды даярлау мәселесi. Бұл орайда, облыста 4 техникалық кәсiптiк колледж бiлiм беруде және облысқа аса қажеттi жоғары бiлiмдi мамандарды даярлау мақсатында ұйымдастырылған облыс әкiмiнiӊ гранты бар екендiгiне тоқталды. Ағымдағы жылдыӊ басынан берi тегiн техникалық кәсiптiк бiлiм беру жобасы енгiзiлiп жатқанына назар аударылды. Басқарма басшысыныӊ баяндамасында Елбасы "Нұр Отан" партиясыныӊ он жетiншi съезiнде алға қойған бес бағыт бойынша өӊiрде жұмыстар қарқынды жүргiзiлiп жатқандығы айтылды.
Саяси кеӊес бюросыныӊ отырысында iшкi iстер департаментi жергiлiктi полиция қызметiнiӊ бастығы, полиция подполковнигi Серiк Баймұқановтыӊ ағымдағы жылдыӊ алты айы бойынша өӊiрдегi құқық бұзушылықтар мен қылмыстардыӊ алдын алу бойынша атқарылған жұмыстары жөнiндегi есебi тыӊдалды.
Сонымен қатар, кеӊес отырысында облыс бойынша қоғамдық қабылдаулардыӊ, аудандардағы қоғамдық кеӊестердiӊ, бастауыш партия ұйымдарыныӊ атқарып жатқан жұмыстарына қатысты есептер тыӊдалып, талқыланды. Кеӊес соӊында аймақ басшысы аудандардағы партия филиалдарыныӊ жұмыс белсендiлiгiн арттыруды тапсырды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматыдағы рекреациялық аймаққа 230 гектарға жуық жер қайтарылды
Антикор Қоғамдық кеңесінің отырысында Алматы қаласының тау бөктеріндегі құрылыстың проблемалық мәселелері қаралды, деп хабарлайды Сыбайлас жемқорлыққа қарсы іс-қимыл агенттігінің баспасөз қызметінен.
Ағымдағы жылдың 26 сәуірінде Алматы қаласында Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің көшпелі отырысы өтті.
Іс-шараға Агенттіктің Төрағасы Асхат Жұмағали, Алматы қаласының әкімі Ерболат Досаев, өнеркәсіп және құрылыс, ауыл шаруашылығы, төтенше жағдайлар, су ресурстары, экология, денсаулық сақтау министрліктерінің басшылық құрамы және т.б. қатысты.
Іс-шараның модераторы Парламент Мәжілісінің депутаты, Қоғамдық кеңестің төрағасы Марат Башимов болды.
Күн тәртібінде Агенттіктің 2023 жылы әкімдікпен бірлесіп өткізген Алматы қаласының тау бөктеріндегі құрылыс саласындағы жемқорлық тәуекелдерін сыртқы талдау қорытындылары бойынша ұсынымдарды іске асыру мәселесі қаралды.
Агенттік Төрағасы кіріспе сөзінде талдау қорытындысы бойынша анықталған негізгі жемқорлық тәуекелдері туралы айтып, олардың орындалуы ерекше бақылауда екенін атап өтті.
Өздеріңіз білетіндей, Мемлекет басшысы Алматы қаласын дамытуға, оңтүстік астананың жайлы қалалық ортасын құруға ерекше көңіл бөледі. Ел Президенті қаланың нүктелік құрылыс тәжірибесін жою қажеттігін бірнеше рет атап өтті, ал құрылыс кезінде оның тұрғындарының мүдделерін міндетті түрде ескеру қажет", - деп атап өтті Антикор басшысы.
Осыған байланысты, отырыс барысында жауапты орындаушылар тарапынан ұсыныстарды орындаудың сапасы мен уақыттылығына, формализмді жоюға ерекше назар аударылды.
Іс-шара аясында баяндамашылар жүргізілген жұмыстың нәтижелерін айтты.
Мәселен, Алматы қаласының жаңа Бас жоспары әзірленіп, бекітілді, онда табиғи сипаттағы төтенше жағдайларға ұшыраған аумақтар ескерілді.
Тұрғын аймақтан 229 га жер рекреациялық аймаққа қайтарылды, сібір жарасы бар жер учаскесі мемлекеттік меншікке берілді, барлық су объектілеріне түгендеу жүргізілді.
Тау бөктерінде анықталған 54 заңсыз объект бойынша мемлекет пайдасына 36 сот актісі шешілді, оның 30-ы заңды күшіне енді, 2 заңсыз объект бұзылды, тағы 3-і бұзуды күтуде.
Сонымен қатар, Парламент Мәжілісінде бірқатар заң жобалары қаралуда, онда Агенттіктің мемлекеттік сәулет-құрылыс бақылауының жауапкершілігін күшейту, ТЖМ-ге қала құрылысы жобаларын келісу, жекелеген құрылыс ұғымдарын регламенттеу және т.б. өкілеттіктер беру жөніндегі ұсынымдары ескерілген.
Қорытындылай келе, Агенттік Төрағасы қаралған мәселенің маңыздылығын атап өтіп, бірінші кезекте мегаполис тұрғындарының қауіпсіздігіне баса назар аудару қажеттігін айтты.
Бұл алаң кездейсоқ таңдалған жоқ, себебі талқыланып отырған мәселе қала жұртшылығы үнемі назарында және әрбір тұрғын бұл үшін алаңдайды, бұл халықты осы бағыттағы мемлекет жүргізіп жатқан жұмыс туралы хабардар етуді талап етеді", - деп атап өтті Антикор басшысы.
Іс-шара соңында жауапты орындаушыларға жоспарланған іс-шараларды қысқа мерзімде аяқтау үшін толық шаралар қабылдау бойынша нақты ұсыныстар берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.