АСТАНА. 22-желтоқсан. Kazakhstan Today. Ақмола облысының Степногорск аумағында лаңкестік топ жойылды. Бұл туралы бүгін өткен баспасөз мәслихатында ҚР ҰҚК-нің ресми өкілі Кенжеболат Бекназаров құлағдар етті, деп хабарлайды Kazakhstan Today тілшісі.
"Лаңкестік топтың он бір мүшесін ұстау операциясы ағымдағы жылдың 16-қарашасында іске асырылды",- деді К.Бекназаров.
ҰҚК өкілінің ақпаратына сәйкес, "Степногорск жамааты" атты топтың мүшелері экстремистік сипаттағы зорлық-зомбылық әрекеттерге дайындалып жатқан". "Ұсталғандардың тұрғылықты жерлеріндегі тінтулер кезінде қару-жарақтар мен оқ-дәрілер, қолдан жасалған жарылғыш құрылғылар, үлкен көлемде жарылғыш заттар мен экстремистік сипаттағы баспа өнімдері табылды",- деді ол.
ҚР ҰҚК-нің мәліметтерінше, "топ мүшелері бірқатар операциялар өткізіп, жекелеген банктер мен инкассаторларға шабуылдар жасамақшы болған".
К. Бекназаровтың хабарлауынша ұсталғандар өз кінәларын мойындап отыр. Олардың әрекеттерінің негізгі мақсаты "Степногорск қаласының әкімшілік ғимараттарын, бірінші кезекте құқық қорғау құрылымдарының ғимараттарын қирату" болған. "Бұл әрекеттерін жүзеге асыру үшін оларға, әрине ақша қажет болған, осыған байланысты олар инкассаторларға шабуыл жасау жоспарын құрған. Онда олардың инкассатор машинасын қайда, қалай ұстаудың нақты сызбасы, күні, уақыты нақты көрсетілген", - деді ҰҚК өкілі.
Сондай-ақ, "топқа негізінен біздің облыстың жас, жұмыссыз тұрғандары кірген, оларды топқа тартушы әртүрлі коммерциялық сипаттағы ұсыныстармен қызықтарған", деді ол.
ҰҚК ақпарат көзі агенттік тілшісіне қазіргі уақытта осы топты құруға және оның мүшелерін тартуға шетелдік эмиссарлардың қатысы болу мүмкіндігі тексеріліп жатқанын құпия түрде хабарлады. "Құрықталған кейбір тұлғалардың мойындауынша, оларды осы топқа тартушыларға шет елден үнемі телефон қоңыраулары түсіп тұрған", - деді ақпарат көзі.
К.Бекназаровтың хабарлауынша, сонымен бірге 2006-жылы Ұлттық қауіпсіздік мекемелері Қазақстанда іс-қызметіне тыйым салынған "Хизб-ут-Тахрир" ұйымының жеті бөлімшесінің жұмысын тоқтатты. "Осының нәтижесінде үлкен көлемде басылып шыққан әдебиеттер мен баспахана жабдықтары тәркіленді". Атап айтсақ, 25 мыңнан астам үнпарақтар мен 700 дана экстремистік әдебиет тәркіленді. "Операцияның нәтижесінде елімізге экстремистік әдебиеттер мен шетелдерден қаржы жіберілетін жолдар жабылды",- деді К.Бекназаров.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ақмола облысының аумағыда лаңкестік топ жойылды (толықтырылған нұсқа)
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.