Система Orphus

Ақтөбелік көлік прокурорлары вагон-мейрамханалардағы санитарлық нормаларды бұзушылықтарды анықтады

04.05.2010, 15:38 2529

Ақтөбе. 4 мамыр. Kazakhstan Today - Ақтөбелік көлік прокурорлары вагон-мейрамханалардағы санитарлық нормаларды бұзушылықтарды анықтады, деп хабарлайды Kazakhstan Today Батыс өңірлік көлік прокуратурасына сілтеме жасап.

Қадағалаушы органның ақпаратына сәйкес, прокуратура Батыс аймақааралық санитарлық-эпидемиологиялық қадағалау басқармасының мамандарын тарта отырып теміржол көлігінде Ақтөбе -Алматы- Ақтөбе бағытында қатынайтын №24/23 жолаушылар пойызындағы вагон-мейрамханаларға ұжымдық хатқа байланысты тексеру жүргізген. Тексеру барысында санитарлық нормалар мен еңдек заңнамасын бұзушылықтар анықталды.

"Тексеру барысында белгілі болғанындай, тендер нәтижесіне сәйкес вагон-мейрамханаларда жолаушыларға қызмет көрсету құқығы "Жолаушылар тасымалы" АҚ-мен арадағы шарт бойынша жалға алушы "Тулешов" ЖК-ына берілген. Тиісінше, жалға алушыға Қазақстан заңнамаларындағы нормалармен регламенттелген талаптарды сақтау міндеттемелері жүктелген. "Тулешов" ЖК тарапынан келісімнің шарттары лайықты орындалмаған. Сөйтіп, вагон-мейрамханаларда қызмет етушілердің конституциялық құқықтары бұзылған", - деп хабарлайды прокуратурадағылар.

Атап айтсақ, жұмыс беруші ҚР Еңбек кодексін бұза отырып, вагон-мейрамханаларға 30 жұмысшыны еңбек шартына қол қоймастан қабылдаған, тиісті бұйрықтар шығарылмаған, олардың өмірі мен денсаулығы сақтандырылмаған. Жұмысшыларға жалақы да төленбеген.

Сондай-ақ, №63007 вагон-мейрамханадағы тоңазытқыш жабдық тексеру кезінде жұмыс істемей тұрған. Тез бұзылатын өнімдердің сапасы мен қауіпсіздігіне кепілдік беретін мал дәрігерлік куәліктер алынбаған. Сатылатын азық-түлік өнімдеріне СЭС қорытындысы алынбаған.

"Азық-түлік өнімдерін вагон-мейрамханалардың қызметкерлері жол жөнекей станциялардан тиісті құжаттарсыз алынып отырған. Барлық азық-түлік өнімдерінің сәйкестік сертификаты болмаған. Сондай-ақ, Ақтөбе станциясындағы айналым бөлімшесінде азық-түлік өнімдері мен шикізатты сақтауға арналған қоймалар мен вагон-мейрамханалардың жабдықтары болмаған", - делінген прокуратураның хабарламасында.

Тексеру қорытындысы бойынша Ақтөбе көлік прокуратурасы Батыс аймақааралық теміржолдағы мемлекеттік санитарлық-эпидемиологиялық қадағалау басқармасының директорының атына аталған заң бұзушылықтар жойылмайынша, №63007 вагон-мейрамхананы пайдалануды тоқтата тұру туралы таныстыру енгізді. Сондай-ақ, заң бұзушылықты жою жөнінде 4 әкімшілік іс қозғалып, 2 таныстыру жіберілді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны