Алматыда бір бойжеткен өзін ұрлап кетті деп өтірік сахналады
Алматыда бір бойжеткен өзін ұрлап кетті деп өтірік сахналады
Алматы. 10-қаңтар. "Қазақстан Бүгін" - Алматының полицейлері бір бойжеткеннің өзін ұрлады деп жариялауына қатысты жалған бопсалаушылық дерегін ашты, деп хабарлайды "Қазақстан Бүгін" агенттігінің тілшісі Алматы қаласының Ішкі істер департаментінің баспасөз қызметіне сілтеме жасай отырып.
Полицейлердің ақпараттарына сүйенсек, бір апта бұрын "Жұлдыз" ықшамауданындағы үйлердің бірінде тұратын тұрғынының хабар-ошарсыз жоғалып кету туралы осы жоғалған азаматшаның күйеуі арызданған болатын. Осы күні түнде оның ұялы телефонына белгісіз біреу қоңырау шалып, оның әйелін ұрлап әкеткендігі туралы хабарлаған. Оның өмірі мен денсаулығы үшін олар 1 млн теңге талап еткен.
"Ақша бопсалаушылық туралы бізге артынша белгілі болды. Қоңырау шалынған телефонның номері мен оның иесі туралы мәліметтер анықталды",- деп хабарлады ұйымдасқан қылмыспен күрес басқармасының бастығы Валерий Козлов.
Оның айтуынша, бірнеше күн өткеннен кейін кездесу күні белгіленген. Олар ақшаны жол шетінде тұрған "Мицубиси" көлігінің ішіне тастап кетуді талап еткен. Олар ақысына әйелін дін аман қайтаратындықтары туралы уәде еткен. Ақшаны беру оқиғасы ұйымдасқан қылмыспен күрес басқармасы қызметкерлерінің мұқият бақылауымен өткен.
"Талап етілген ақшаны алу үстінде бес жас жігіт ұсталған, олар кейінірек қылмыс жасау туралы бастаманы "құрбанның" өзі көтергендігін мойындаған. Ол өзінің қалталы күйеуінің - жеке кәсіпкерді пайдаланып, одан алдау жолымен ақша алмақ болған",- деп қосты полковник Козлов.
Белгілі болғандай, 3-қаңтарда 18-жасар қыз Талдықорған қаласынан келген өзінің бала кезіндегі досымен кездесіп қалған. Олар тағы да төрт досымен бірлесе отырып қыздың күйеуін алдау туралы ойға келген. Бопсалаушылықпен алынған ақшаны олар Қазақстанның астанасына барып, көңіл көтеруге жұмсамақ болып жоспарлаған.
В. Козловтың айтуынша, ұсталғандардың берген жауаптары қазіргі уақытта мұқият тексерілу үстінде. Бұл көріністің авторының кім екендігі алдын ала анықтау аяқталғаннан кейін белгілі болады. Ұсталған алтаудың үстінен Қазақстан Республикасының Қылмыстық кодексінің 181-бабы бойынша (бопсалаушылық) қылмыстық іс қозғалды. Тергеу жұмыстары жүріп жатыр.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.