Амандық Баталов ресми сапармен Ташкент қаласына барды
Облыс өкілдері Өзбекстанныӊ бірқатар қалаларында болып, Алматы облысыныӊ инвестициялық мүмкіндіктерін таныстырады деп күтілуде.
Талдықорған. 16 сәуір. Kazakhstan Today - Алматы облысыныӊ делегациясын бастаған облыс әкімі Амандық Баталов ресми сапармен Ташкент қаласына барды. Ислам Каримов атындағы халықаралық әуежайда қонақтарды Қазақстан Республикасыныӊ Өзбекстандағы Төтенше және Өкілетті елшісі ЕрікӨтембаев қарсы алды, - деп хабарлайды Алматы облысы әкімініӊ баспасөз қызметі.
Қонақтар алдымен Төле би кесенесінде болды. Мұнан соӊ Амандық Баталов "Ташкент трактор зауыты" ААҚ-да болып, "Өзагротехмаш" холдингілік компаниясы шығарған агротехникамен танысты. Алматы облысыныӊ аграрлық бағытын ескере отырып, өзбек кәсіпкерлері трактор техникаларыныӊ ауыл шаруашылығында қолдануға лайықты түрлерініӊ барлығын қамтып көрсетті.
Облыс әкімі Жетісу өлкесінде астық жинау желісін ашу ниетте екенін Өзбекстан вице-премьері Нодир Отажоновпен және "Өзагротехмаш" ШК басқарма төрағасы Мұрат Каримовтпен болған екіжақты кездесуінде айтты.
"Қазақстан - ЕАЭО-ға қатысушы елдердіӊ бірі. Сонымен қатар біздіӊ өӊір -ҚХР-ныӊ ауқымды нарығына апаратын қақпа. Біз сіздерді барлық инфрақұрылымы тартылған "Талдықорған" индустриалды аймағынан жинақтау цехын ашуға шақырамыз. Бұл орайда айта кетерлігі, ТМД-дағы бірден-бір құрғақ порт та біздіӊ облыста орналасқан. Бұл өнімдеріӊізді өзге елдерге қысқа мерзімде жеткізуге мүмкіндік береді", - деп атап өтті Амандық Баталов.
Вице-премьер Нодир Отажонов Өзбекстанда техника шығару көлемі артып келе жатқандықтан облыс әкімініӊ бұл ұсынысықызығушылық туғызғанын айтты. Мәселен, холдинг өткен жылы 1,5 мыӊ бірлік техника шығарса, биылғы жылы бұл көрсеткіш 6 мыӊға жетпек. Н. Отажоновтыӊ пікірінше, бұл сыртқы нарыққа шығудыӊ да қажеттігін көрсетіп отыр. Ол үшін өзбек тарапы жақын арада нарық мүмкіндіктерін бағалап көру үшін Алматы облысына өз өкілдерін жіберуге ниетті екендіктерін айтті.
"Бізде Қазақстанмен бірігіп жүзеге асырғымыз келетін жобалар өте көп. Бүгін Алматы облысыныӊ әкімі тарапынан айтылған нақты ұсыныс сол жобалардыӊ іс жүзінде жүзеге асырылуына ықпалын тигізуі мүмкін", - деді Өзбекстан вице-премьері.
Алматы облысыныӊ және Өзбекстанныӊ инвестициялық әлеуеті Қазақстанныӊ Өзбекстандағы елшілігініӊ қолдауымен ұйымдастырылған бауырлас елдіӊ іскерлік компанияларымен болған кездесуде жалғасын тапты.
"2018 жылды Президенттеріміз "Өзбекстанныӊ Қазақстандағы жылы" деп жариялады, бұл өз кезегінде бауырлас екі мемлекеттіӊ өзара байланысын жаӊа деӊгейге көтеретініне сенімдіміз. Алматы облысы - Қазақстан Республикасындағы табиғи байлығы мол, инвестициялық климаты қолайлы аймақтарыныӊ бірі. Осы кездесулер арқылы екі жақтыӊ кәсіпкерлері өзара тиімді серіктестік қатынастарын дамытудыӊ жаӊа бағыттарын ашады деген үміттеміз. Осы ретте облыстыӊ Өзбекстанмен сыртқы тауар айналысы 2017 жылы 36 млн. АҚШ долларын құрағанын атап өту керек.
Алматы облысынан Өзбекстанға шығарылған экспорт 15,8 млн. АҚШ доллары болса, импорт - 20,2 млн. АҚШ долларына жеткен.
Өзбекстаннан бізге минералды тыӊайтқыштар, моторлы көлік құралдары, жеміс-жидектер, басқа да ауыл шаруашылығы өнімдері жеткізіледі. Екі ел арасындағы бауырластық, көршілік қарым-қатынастардыӊ жарқын мысалдары экономика, ғылым мен мәдениет салаларында да бар. Бүгінгі кездесу Алматы облысы мен Өзбекстан Республикасыныӊ көпқырлы байланыстарын одан әрі нығайтып, кеӊейтеді деген сенімдемін", - деді Амандық Баталов.
Алматы облысы делегациясыныӊ бұл сапарында "Түркістан" концерт залында жетісулық өнерпаздардыӊ концерті дүркіреп өтті. 900 орындық зал, көрермендерге лық толды.Концерттік бағдарламамен қатар ташкенттік тұрғындарға қолөнершілердіӊ бұйымдары мен қылқалам шеберлерініӊ туындылары, сондай-ақ Алматы облысыныӊ туристік потенциалын танытатын көрме ұсынылды.
Бір жарым сағатқа созылған концертте сөз алған Өзбекстанныӊ Мәдениет министрініӊ бірінші орынбасары Озодбек Назарбеков өнерде шекара жоқ екенін, Жетісу әртістерініӊ жоғары кәсіби деӊгейде өнер көрсетіп, өӊірдіӊ рухани байлығын паш ете білгенін атап өтті.
Алматы облысыныӊ делегациясы Өзбекстандағы сапары жексенбіге дейін жалғасады. Облыс өкілдері Өзбекстанныӊ бірқатар қалаларында болып, Алматы облысыныӊ инвестициялық мүмкіндіктерін таныстырады деп күтілуде.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматыдағы рекреациялық аймаққа 230 гектарға жуық жер қайтарылды
Антикор Қоғамдық кеңесінің отырысында Алматы қаласының тау бөктеріндегі құрылыстың проблемалық мәселелері қаралды, деп хабарлайды Сыбайлас жемқорлыққа қарсы іс-қимыл агенттігінің баспасөз қызметінен.
Ағымдағы жылдың 26 сәуірінде Алматы қаласында Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің көшпелі отырысы өтті.
Іс-шараға Агенттіктің Төрағасы Асхат Жұмағали, Алматы қаласының әкімі Ерболат Досаев, өнеркәсіп және құрылыс, ауыл шаруашылығы, төтенше жағдайлар, су ресурстары, экология, денсаулық сақтау министрліктерінің басшылық құрамы және т.б. қатысты.
Іс-шараның модераторы Парламент Мәжілісінің депутаты, Қоғамдық кеңестің төрағасы Марат Башимов болды.
Күн тәртібінде Агенттіктің 2023 жылы әкімдікпен бірлесіп өткізген Алматы қаласының тау бөктеріндегі құрылыс саласындағы жемқорлық тәуекелдерін сыртқы талдау қорытындылары бойынша ұсынымдарды іске асыру мәселесі қаралды.
Агенттік Төрағасы кіріспе сөзінде талдау қорытындысы бойынша анықталған негізгі жемқорлық тәуекелдері туралы айтып, олардың орындалуы ерекше бақылауда екенін атап өтті.
Өздеріңіз білетіндей, Мемлекет басшысы Алматы қаласын дамытуға, оңтүстік астананың жайлы қалалық ортасын құруға ерекше көңіл бөледі. Ел Президенті қаланың нүктелік құрылыс тәжірибесін жою қажеттігін бірнеше рет атап өтті, ал құрылыс кезінде оның тұрғындарының мүдделерін міндетті түрде ескеру қажет", - деп атап өтті Антикор басшысы.
Осыған байланысты, отырыс барысында жауапты орындаушылар тарапынан ұсыныстарды орындаудың сапасы мен уақыттылығына, формализмді жоюға ерекше назар аударылды.
Іс-шара аясында баяндамашылар жүргізілген жұмыстың нәтижелерін айтты.
Мәселен, Алматы қаласының жаңа Бас жоспары әзірленіп, бекітілді, онда табиғи сипаттағы төтенше жағдайларға ұшыраған аумақтар ескерілді.
Тұрғын аймақтан 229 га жер рекреациялық аймаққа қайтарылды, сібір жарасы бар жер учаскесі мемлекеттік меншікке берілді, барлық су объектілеріне түгендеу жүргізілді.
Тау бөктерінде анықталған 54 заңсыз объект бойынша мемлекет пайдасына 36 сот актісі шешілді, оның 30-ы заңды күшіне енді, 2 заңсыз объект бұзылды, тағы 3-і бұзуды күтуде.
Сонымен қатар, Парламент Мәжілісінде бірқатар заң жобалары қаралуда, онда Агенттіктің мемлекеттік сәулет-құрылыс бақылауының жауапкершілігін күшейту, ТЖМ-ге қала құрылысы жобаларын келісу, жекелеген құрылыс ұғымдарын регламенттеу және т.б. өкілеттіктер беру жөніндегі ұсынымдары ескерілген.
Қорытындылай келе, Агенттік Төрағасы қаралған мәселенің маңыздылығын атап өтіп, бірінші кезекте мегаполис тұрғындарының қауіпсіздігіне баса назар аудару қажеттігін айтты.
Бұл алаң кездейсоқ таңдалған жоқ, себебі талқыланып отырған мәселе қала жұртшылығы үнемі назарында және әрбір тұрғын бұл үшін алаңдайды, бұл халықты осы бағыттағы мемлекет жүргізіп жатқан жұмыс туралы хабардар етуді талап етеді", - деп атап өтті Антикор басшысы.
Іс-шара соңында жауапты орындаушыларға жоспарланған іс-шараларды қысқа мерзімде аяқтау үшін толық шаралар қабылдау бойынша нақты ұсыныстар берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.