Система Orphus

Қарулы Күштерде жекелеген бөлімшелерді күшейту жоспарлануда

28.07.2020, 19:02 6805

Алматы. 28 шілде. Kazakhstan Today - Қарулы Күштерде жекелеген бөлімшелерді күшейту жоспарлануда.

Қорғаныс министрлігінде өткен аптадағы Қазақстан армиясындағы өзекті мәселелер қарастырылатын апта сайынғы аппараттық кеңес өтті.

Қорғаныс ведомствосының басшысы әскерлердің бас қолбасшысы мен қолбасшысына, әскери қызметшілердің тәуліктік нарядқа және жауынгерлік кезекшілікке түсу жиілігін қайта қарауға нұсқау берді. Тым жиі кезекшіліктер, тәуліктік нарядтар, қарауылдар қырағылықты бәсеңдетіп және міндеттерді немқұрайлы орындауға әкеледі.

Мерзімді қызметтегі әскери қызметшілерді әскер қатарына қабылдау жалғасуда. 31 шілдеде шақыру аяқталғанға дейін әскерге шақырылушыларды ПТР әдісімен COVID-19-ға тексеруді жалғастыру қажет.

Әуе қорғанысы күштерінде тактикалық-саптық сабақтар өткізілді. Ұшу экипаждары күндізгі және түнгі жағдайларда ұшуларды орындайды, олармен парашют дайындығы бойынша сабақтар жүргізіледі. Әскери ұшу жоғары оқу орнының курсанттары да кәсіби практикадан өтеді. Болашақ ұшқыштарды тәжірибелі нұсқаушылар даярлайды. Өткен аптада Ақтауда авиациялық базаның жауынгерлік дайындығы тексерілді, оның авиациялық паркі төрт Ми-35М тікұшағымен толықты. Қазіргі уақытта техниканы қабылдау жүзеге асырылуда.

Министр түрлі жағдайларға дер кезінде ден қою үшін авиатехника мен әскери-көлік авиациясының экипаждарын әзірлікте ұстауды тапсырды.

Әскери-теңіз күштері корабльдерінің экипаждары жеке кемемен белгіленген мақсаты бойынша міндеттерді пысықтау жөніндегі курстық есепті орындайды. Курстық тапсырмаларды тапсыру процесі әр кемені дайындау бағдарламасының құрамдас бөлігі болып табылады.

Өңірлік қолбасшылықтардың әскерлерінде арнайы-тактикалық оқу-жаттығулар өткізілді, мамандық бойынша дайындық аяқталуда. Оқу-жаттығудың қорытындысы бойынша бақылау сабақтары ұйымдастырылады.

"2019 жылдың ұқсас кезеңімен салыстырғанда әрбір әскери қызметшінің оқу деңгейін нақты бағалау керек", - деп тапсырды Нұрлан Ермекбаев.

"Оңтүстік" өңірлік қолбасшылығының басқару органдарымен "Алдаспан-2020" жедел-тактикалық командалық-штабтық оқу-жаттығуларға дайындық шеңберінде жиналыс өткізілді.

Төртінші бітімгершілік ротаны БҰҰ-ның Ливандағы миссиясына жіберуге жауапты лауазымды тұлғалардың баяндамалары тыңдалды.

Қарулы Күштер полигондарын жаппай тазалау жұмыстары жалғасуда.

Талқылау армиялық тактикалық атыстың дамуына да әсер етті. Бұған дейін Қорғаныс министрі әскери қызметшілердің түрлі жағдайларда, атап айтқанда қозғалыста, түрегеп тұрып, тізеден, қозғалыстағы нысаналар бойынша ату дағдыларын қалыптастыру мақсатында әскери тактикалық ату бойынша жаттығуларды жауынгерлік даярлық бағдарламасына енгізу туралы тапсырма берген болатын.

Қорғаныс ведомствосының басшылығымен әскери қызметшілер арасында алғашқы жарыстар өткізуді тапсырылды. Осыған байланысты әскери тактикалық ату федерациясын құру туралы, жеке құрамның жаттығу процесін ұйымдастыру үшін, Қарулы Күштерде көпфункционалды атыс орталығын құру жөнінде ұсыныстар енгізу туралы нұсқау берілді.

Қорғаныс ведомствосының басшысы жалпы қауіпсіздік мәселелеріндегі Қарулы күштердің әрбір әскери қызметшісі мен қызметшілерінің жауапкершілігін атап өтті. Қалған жеке құрамның денсаулығына қауіп төндірмей, емдеу курстарын және толық сауыққанға дейін оқшаулауды сақтау керек.

Министр инфрақұрылымды сапалы қалыптастырумен және медицина мамандарының санын арттырумен медициналық қызмет бөлімшелерін дамыту жоспарын әзірлеу міндетін қойды.

2020 жылдың сәуірінде Радиациялық, химиялық, биологиялық қорғау және экологиялық қауіпсіздік департаменті құрылды. Бүгінгі жағдай Қарулы Күштерде әскери уақытта да, бейбіт уақытта да, түрлі сипаттағы ТЖ-да міндеттерді орындауға қабілетті "қос мақсаттағы" құрамдауыштардың болуы қажеттігін көрсетті. Осы әскерлердің құрылымы мен құрамы қазіргі заманғы талаптарға және перспективалық міндеттерге сәйкес келуге тиіс.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны