Астанада Digital Bridge 2018 халықаралық форумы өтті
2018 жылғы 5 қарашада Астана қаласында, Конгресс Орталығында Digital Bridge 2018 халықаралық форумы өтті, онда "Киберқауіпсіздіктер: қауіп-қатерлер, стратегия, әлемдік тәжірибе және жаӊа тәсілдер" тақырыбы талқыланды.
Астана. 11 қараша. Kazakhstan Today - 2018 жылғы 5 қарашада Астана қаласында, Конгресс Орталығында Digital Bridge 2018 халықаралық форумы өтті, онда "Киберқауіпсіздіктер: қауіп-қатерлер, стратегия, әлемдік тәжірибе және жаӊа тәсілдер" тақырыбы талқыланды.
Пленарлық пікірталасқа Министрліктіӊ Ақпараттық қауіпсіздік комитетініӊ Төрағасы Дмитрий Голобурда қатысты.
Сондай-ақ аталған пленарлық пікірталасқа IDC компаниясыныӊ қауіпсіздік стратегиялары бойынша Вице-президенті - Пит Линдстром, DataGig Басқарушы техникалық директоры - Грегори Хэй, Infosys Атқарушы вице-президенті - Бинод Хампапур Рангадор, ҚР ҰҚК "МТҚ" РМК Директорыныӊ орынбасары - Зекен Исмаилов қатысты.
Пленарлық пікірталаста ақпараттық және киберқауіпсіздіктегі трендтер, ақпараттық қауіпсіздікті басқару жүйелерін жобалау кезіндегі қажетті факторлар, ақпараттық қауіпсіздіктіӊ актуалды қауіп-қатерлері және қауіптері, сонымен қатар оларды азайту талқыланды.
Дмитрий Голобурда атап өткендей:
"2018 жылғы қаӊтардан бастап Қазақстанда ақпараттық қауіпсіздік саласын жетілдіруге бағытталған, заӊнамалық түзетулер күшіне енді.
Қазақстанда Ақпараттық қауіпсіздіктіӊ ұлттық үйлестіру орталығыныӊ (GSOC), ақпараттық қауіпсіздіктіӊ жедел орталықтарыныӊ (SOC), Ақпараттық қауіпсіздіктіӊ оқыс оқиғаларына ден қою қызметтерініӊ (CERT) функциялары және міндеттері заӊды анықталды.
Ақпараттық қауіпсіздікті қамтамасыз ету мақсатында басқару жүйелерін жобалау кезінде, өз кезегінде ақпараттық-коммуникациялық технологиялар және ақпараттық қауіпсіздікті қамтамасыз ету саласындағы мәселелерді нормативті-құқықтық реттеу және жүйелік тәсілдерді анықтайтын, Қазақстан Республикасы Үкіметініӊ 2016 жылғы 20 желтоқсандағы № 832 қаулысымен бекітілген, ақпараттық-коммуникациялық технологиялар және ақпараттық қауіпсіздікті қамтамасыз ету саласындағы Бірыӊғай талаптардыӊ сақталуы міндетті".
Бұдан басқа, ол ықтималдықты және қауіптердіӊ әлеуеттік әсерін азайту үшін АКТ кәсіби іс-әрекетте қолдану кезінде келесі 10 ұсынымдардыӊ сақталуын ұсынатынын қосып айтты:
1. Мобильді құрылғылармен жұмыс. Мобильді құрылғылармен жұмыс істеу саясатын жасаӊыз, оны сақтау үшін персоналды таныстырыӊыз. Барлық құрылғылар үшін негізгі қауіпсіздік деӊгейін қолданыӊыз. Деректерді тасымалдау кезінде де, сақтау кезінде де сақтаӊыз.
2. Пайдаланушыларды оқыту және хабардар ету. Пайдаланушылардыӊ қолайлы қауіпсіздік саясатын және Сіздіӊ жүйелеріӊізді қауіпсіз пайдалану саясатын әзірлеӊіз. Бұл саясатқа персоналды оқытуды енгізіӊіз. Персоналдыӊ ақпараттық қауіпсіздік қатерлері туралы хабардарлығын қамтамасыз етіӊіз.
3. Пайдаланушыныӊ артық құқықтарын басқару. Басқарудыӊ тиімді процестерін орнатыӊыз және айрықша құқық берілген пайдаланушылардыӊ санын шектеӊіз. Қолданушылардыӊ айрықша құқықтарын шектеӊіз және олардыӊ әрекетін мониторингілеуді жүзеге асырыӊыз. Оқиғалар журналына қолжетімділікті бақылаӊыз
4. Алмалы-салмалы тасымалдаушыларды пайдалану ережесі. Алмалы-салмалы тасымалдауыштарға қол жеткізуді бақылау ережелерін жасаӊыз. Тасымалдауыш түрлері мен оларды пайдалануды шектеӊіз. Корпоративтік желіге қосар алдында барлық тасымалдауыштарды зиянды бағдарламалардыӊ бар-жоғына тексеріӊіз.
5. Қауіпсіз конфигурация. Қауіпсіздік жүйесін жаӊартыӊыз және барлық жүйелердіӊ қауіпсіз конфигурациясы қамтамасыз етілгеніне көз жеткізіӊіз. Ұйым желісіне қосылған және қосылуға болатын құрылғылар тізімін бақылаӊыз.
6. Зиянды бағдарламалардан қорғау. Тиісті саясат әзірлеӊіз және ұйымда зиянды бағдарламалардан қорғау жүйесін орнатыӊыз.
7. Желілік қауіпсіздік. Желініӊ периметрін басқарыӊыз. Желіӊізді сыртқы және ішкі шабуылдардан қорғаӊыз.
8. Мониторинг. Мониторинг стратегиясын әзірлеӊіз. Барлық жүйелер мен желілердіӊ мониторингін үздіксіз жүргізіӊіз. Белсенділікті іздеуге оқиғалар журналын талдаӊыз, ол ақпараттық қауіпсіздік оқиғаларын көрсетуі мүмкін. Қауіпсіздікті басқару элементтерін мониторингілеуді және тестілеуді жүзеге асырыӊыз.
9. Оқыс оқиғаларды басқару. Резервтеу және авариялық қалпына келтіру мүмкіндігін ескеріӊіз. Ақпараттық қауіпсіздік оқыс оқиғаларына ден қою жоспарын жасаӊыз.
10. Өзара іс-қимыл. Ақпараттық қауіпсіздік оқыс оқиғалары туралы Құқық қорғау органдарына және мамандандырылған ұйымдарға хабарлаӊыз.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматыдағы рекреациялық аймаққа 230 гектарға жуық жер қайтарылды
Антикор Қоғамдық кеңесінің отырысында Алматы қаласының тау бөктеріндегі құрылыстың проблемалық мәселелері қаралды, деп хабарлайды Сыбайлас жемқорлыққа қарсы іс-қимыл агенттігінің баспасөз қызметінен.
Ағымдағы жылдың 26 сәуірінде Алматы қаласында Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің көшпелі отырысы өтті.
Іс-шараға Агенттіктің Төрағасы Асхат Жұмағали, Алматы қаласының әкімі Ерболат Досаев, өнеркәсіп және құрылыс, ауыл шаруашылығы, төтенше жағдайлар, су ресурстары, экология, денсаулық сақтау министрліктерінің басшылық құрамы және т.б. қатысты.
Іс-шараның модераторы Парламент Мәжілісінің депутаты, Қоғамдық кеңестің төрағасы Марат Башимов болды.
Күн тәртібінде Агенттіктің 2023 жылы әкімдікпен бірлесіп өткізген Алматы қаласының тау бөктеріндегі құрылыс саласындағы жемқорлық тәуекелдерін сыртқы талдау қорытындылары бойынша ұсынымдарды іске асыру мәселесі қаралды.
Агенттік Төрағасы кіріспе сөзінде талдау қорытындысы бойынша анықталған негізгі жемқорлық тәуекелдері туралы айтып, олардың орындалуы ерекше бақылауда екенін атап өтті.
Өздеріңіз білетіндей, Мемлекет басшысы Алматы қаласын дамытуға, оңтүстік астананың жайлы қалалық ортасын құруға ерекше көңіл бөледі. Ел Президенті қаланың нүктелік құрылыс тәжірибесін жою қажеттігін бірнеше рет атап өтті, ал құрылыс кезінде оның тұрғындарының мүдделерін міндетті түрде ескеру қажет", - деп атап өтті Антикор басшысы.
Осыған байланысты, отырыс барысында жауапты орындаушылар тарапынан ұсыныстарды орындаудың сапасы мен уақыттылығына, формализмді жоюға ерекше назар аударылды.
Іс-шара аясында баяндамашылар жүргізілген жұмыстың нәтижелерін айтты.
Мәселен, Алматы қаласының жаңа Бас жоспары әзірленіп, бекітілді, онда табиғи сипаттағы төтенше жағдайларға ұшыраған аумақтар ескерілді.
Тұрғын аймақтан 229 га жер рекреациялық аймаққа қайтарылды, сібір жарасы бар жер учаскесі мемлекеттік меншікке берілді, барлық су объектілеріне түгендеу жүргізілді.
Тау бөктерінде анықталған 54 заңсыз объект бойынша мемлекет пайдасына 36 сот актісі шешілді, оның 30-ы заңды күшіне енді, 2 заңсыз объект бұзылды, тағы 3-і бұзуды күтуде.
Сонымен қатар, Парламент Мәжілісінде бірқатар заң жобалары қаралуда, онда Агенттіктің мемлекеттік сәулет-құрылыс бақылауының жауапкершілігін күшейту, ТЖМ-ге қала құрылысы жобаларын келісу, жекелеген құрылыс ұғымдарын регламенттеу және т.б. өкілеттіктер беру жөніндегі ұсынымдары ескерілген.
Қорытындылай келе, Агенттік Төрағасы қаралған мәселенің маңыздылығын атап өтіп, бірінші кезекте мегаполис тұрғындарының қауіпсіздігіне баса назар аудару қажеттігін айтты.
Бұл алаң кездейсоқ таңдалған жоқ, себебі талқыланып отырған мәселе қала жұртшылығы үнемі назарында және әрбір тұрғын бұл үшін алаңдайды, бұл халықты осы бағыттағы мемлекет жүргізіп жатқан жұмыс туралы хабардар етуді талап етеді", - деп атап өтті Антикор басшысы.
Іс-шара соңында жауапты орындаушыларға жоспарланған іс-шараларды қысқа мерзімде аяқтау үшін толық шаралар қабылдау бойынша нақты ұсыныстар берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.