28.02.2023, 13:16 16851
Қазақстанда Елорда күніне орай демалыс күні ауыстырылады
Достарға айту
Сенбі, 1 шілде күні, 7 шілде жұманың орнына жұмыс күні болады
Астана. 28 ақпан. KAZAKHSTAN TODAY - ҚР Еңбек және халықты әлеуметтік қорғау министрлігі "2023 жылы демалыс күнін ауыстыру туралы" Үкімет қаулысының жобасын дайындады. Құжат "Ашық НҚА" порталында 15 наурызға дейін жария талқылау үшін жарияланды.
Қаулымен демалыс күнін Елорда күніне орай ауыстыру бекітілді. Естеріңізге сала кетейік, Елорда күні Қазақстанда 6 шілдеде атап өтіледі.
Демалыс күні 2023 жылғы 1 шілде сенбіден 2023 жылғы 7 шілде жұмаға ауыстырылсын", - делінген құжатта.
Сенбі, 1 шілде күні, 7 шілде жұманың орнына жұмыс күні болады. Осылайша, Елорда күніне орай бес күндік жұмыс аптасында қазақстандықтар қатарынан 4 күн - 6, 7, 8, 9 шілдеде демала алады.
Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Бұған дейін қазақстандықтарды 2023 жылы қанша мереке күні күтіп тұрғаны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
15.05.2024, 17:51 7101
Үкіметте Көкшетауда қазандықтарды жаңғыртуға бөлінген 816 млн теңгені игеру бойынша жұмыс жоспарлары тыңдалды
Достарға айту
Қазақстан Премьер-Министрі Олжас Бектенов Ақмола облысына жұмыс сапары барысында жылыту маусымына дайындық жоспарымен және инженерлік құрылыстардың, атап айтқанда, Көкшетау қаласының №2 аудандық қазандығының жай-күйімен танысты, деп хабарлайды Үкіметтің баспасөз қызметінен.
Премьер-Министрге Көкшетау қаласының әкімі Бауыржан Ғайса энергетика кешені инфрақұрылымының жағдайы туралы баяндады. Қазіргі таңда қаладағы жылу желілерінің тозу деңгейі 43%-ды құрайды. Жылыту маусымына дайындық аясында 6 км коммуникацияны жөндеу жоспарланған, бұл жыл қорытындысы бойынша көрсеткішті 41%-ға дейін төмендетуге мүмкіндік береді. Қаланы "Көкшетау Жылу" мемлекеттік коммуналдық кәсіпорны жылумен қамтамасыз етіп отыр. Ұйым балансында 4 қазандық бар.
Биыл Үкімет қаулысына сәйкес, екі жылу көзін - №1 және №2 аудандық қазандықтарды жөндеуге резервтен 816 млн теңге бөлінді. Жазғы уақытта нысандарда қазандық агрегаттарының, конвективтік бөлік пакеттерінің, қыздыру беттерінің және шикі көмір бункерлерінің ақауларын жою жұмыстарын жүргізу жоспарланып отыр.
Олжас Бектенов №2 қазандықтың жағдайын тексерді. Нысан 1998 жылы пайдалануға берілген, қазіргі уақытта 56 мың абонентті жылумен қамтамасыз етіп отыр. Қазандықтың өндірістік шекті қуаты сағатына 300 Гкал-ға жетеді. Жөндеу жұмыстарын жүргізу апаттық жағдайды азайтуға және жылыту маусымында халықты жылумен үздіксіз қамтамасыз етуге мүмкіндік береді.
Осыған дейін атап өткенімдей, қыстың көзі қырауда қиындықты болдырмау үшін жаз айларында барлық күш-жігерді жұмсау керек. Мемлекет басшысы коммуналдық-энергетикалық секторды жаңғырту жұмыстарын жеделдетуді тапсырды. Сапалы әрі үздіксіз жылу беруді қамтамасыз ету - біздің басты міндеттеріміздің бірі. Қаражат бөлінді. Жүктелген жұмысқа барынша жауапкершілікпен қарау керек. Біз өткен тәжірибені ескеріп, жіберілген қателіктерден сабақ алып, ерте бастан белсенді әрекет етуіміз керек", - деп атап өтті Олжас Бектенов.
Бүгінде Көкшетауда қаланың жылу және электр энергиясына деген өсіп келе жатқан қажеттіліктерін қамтамасыз ететін ЖЭО салу жобасы пысықталып жатыр. Оның жылу қуаты сағатына 520 Гкал, электр қуаты 240 МВт-ты құрайтын болады деп жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.05.2024, 17:46 7351
Шығыс Қазақстанда сел жүруі мүмкін қауіпті кезең басталды
Достарға айту
15 мамырдан бастап Шығыс Қазақстанда сел қауіпті кезең басталды. Өңірде Катонқарағай және Зайсан аудандарында, Риддер қаласында және Алтай ауданында орналасқан барлығы 13 сел қауіпті ошақтар бар. Жоғарыда аталған аудандардағы тауларындың басында 11 елді мекенге қауіп төндіретін 144 мореналық көл қалыптасады. Мамандар жыл сайын қауіпсіздік мақсатында көлдер мұздан әлі ашылмаған сәттен бастап және сел қаупі бар жағдайды бақылау үшін олардың мұздан толық ашылуына дейін тексеру жүргізеді, деп хабарлайды Шығыс Қазақстан облысының ТЖД баспасөз қызметінен.
Облыста сырғыма қаупі бар 9 учаске бар. Бұлар негізінен автожолдардағы, өзен бассейндеріндегі таулардың жағалық беткейлері мен құлдилары: Риддер қаласы -Громотуха, Уба; Алтай ауданы - Бұқтырма, Хамир,Черновая ; Катонқарағай ауданы -Бұқтырма; Зайсан ауданы - Кендірлік.
Сел және сырғыма қаупі бар кезеңнің қауіпсіз өтуіне әзірлік мақсатында Төтенше жағдайлар департаменті "Қазселденқорғау" ММ-нің Шығыс Қазақстан аумақтық пайдалану басқармасы филиалымен бірлесіп, сел және сырғыма қаупі бар учаскелерде облыс халықы мен инфрақұрылымының қауіпсіздігі қамтамасыз ету жөніндегі іс-шаралар жоспарын дайындады. Өзен арналары және сел, сырғыма қауіпті учаскелері бойынша жоспарлы жерүсті және аэровизуалды зерттеу кестесі әзірленді. Мореналық көлдерде батиметриялық жұмыстар жоспарланған. Сел қаупі бар учаскелерде 20 ескерту және тыйым салу қалқандары және сырғыма қауіпті учаскелерде 18 қалқан орнатылды, көшкін сел және сырғыма қаупі бар аудандардың жергілікті атқарушы органдарына, объектілері мен құрылыстары ықтимал сел қаупі бар учаскелерде орналасқан кәсіпорын басшыларына, жеке үй иелеріне хабарламалар-ұсынымдар берілді.
Сел, сырғыма жағдайына мониторинг жүргізу үшін 9 маусымдық гидропост және 1 жыл бойғы гидропост жұмыс істейді.
ШҚО ТЖД және ШҚ "Қазселденқорғау" филиалы сел тасқынынан қатерден құтылу арқылы ғана құтылуға болатынын еске салады. Қауіпсіздік мақсатында сел қаупі бар кезеңде тауларға барудан бас тартқан жөн.
Тұрғындарға аймағыңыздағы сырғыма қауіпі ықтимал орындары мен олардың шамамен шекараларын білуі керек.
Төтенше жағдай кезінде 112 нөмірі бойынша хабарласу қажет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.05.2024, 12:33 14391
АӨК-тегі шаруашылықтар бойынша есепке алу деректері қысқа мерзім ішінде жаңартылады
Достарға айту
Үкіметте вице-премьер Серік Жұманғариннің төрағалығымен өткен кеңесте шаруашылықтар бойынша есепке алудың электронды жүйесінде деректерді жаңарту жөніндегі жұмыстың аралық қорытындылары қаралды, деп хабарлайды Үкіметтің баспасөз қызметінен.
Мал мен құс басы бойынша ақпаратты алдын ала талдау нәтижесі деректерге рақымшылық жасау бойынша әкімдіктер жұмысының тиімділігінің төмен екенін көрсетті.
Ауыл шаруашылығы министрі Айдарбек Сапаров кейбір өңірлерде деректерді бұрмалау фактілері бар екенін атап өтті. Жуырда ғана ветеринарлық инспекторлар екі облыстың жекелеген ауылдарын аралап, электронды жүйедегі ақпараттың нақты мал санынан 30-70% айырмашылығын анықтады.
Кеңесте Ірі қара малдың сүтті және аралас тұқымдарының республикалық палатасының атқарушы директоры Азамат Сағынбаев сөз сөйледі. Палатаның мәліметінше, елімізде 2,2-2,5 млн-ға жуық литр сүт өндіріледі, ал ресми статистика бойынша 2023 жылы сүт сауымы 6,3 млн тоннаны құрады.
Шаруашылықтар бойынша есепке алу деректерін сапалы түрде өзектендіру қажет. Бұл мал шаруашылығы мен өсімдік шаруашылығы бойынша статистиканы қалыптастырудың негізгі ақпарат көзі. Оларсыз ауыл шаруашылығын тиімді жоспарлап, дамыту мүмкін емес. Ауыл шаруашылығы министрлігіне әр өңірмен және аудан әкімдерімен шаруашылықтар бойынша есепке алу деректерін дұрыс толтыру мәселесін пысықтауды, ал әкімдіктерге деректерді электронды есепке алу жүйелерінде қысқа мерзім ішінде өзектендіруді тапсырамын", - деп мәлімдеді Серік Жұманғарин.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.05.2024, 12:29 14606
Алматыда тау бөктеріндегі ірі құрылыс нысаны сот шешімімен бұзылды
Сурет: gov.kz
Достарға айту
Қалада Қыз Жібек көшесі, 25 мекенжайдағы таулы жерде заңсыз салынған құрылысты сүру басталды, деп хабарлайды қала құрылысын бақылау басқармасы.
Ауданы шамамен 544 шаршы метр болатын объектіні меншік иесі (жеке тұлға) рұқсат беру құжаттамасынсыз, авторлық және техникалық қадағалауларсыз шаруашылық тәсілмен тұрғызған.
Басқарма меншік иесіне қатысты жоспардан тыс тексеру нәтижелері бойынша ҚР ӘҚБтК-нің 316-бабы 1-бөлігі, 321, 322-бөлігі 1, 463-бөлігі 1-бөлігі бойынша шаралар қабылдады, сондай-ақ жол берілген бұзушылықтарды жоймағаны үшін нұсқама берілді.
Нұсқама талаптарын орындамағаны үшін меншік иесі ҚР ӘҚБтК 462-бабы 3-бөлігі бойынша әкімшілік жауапкершілікке тартылады.
Айта кетерлігі, 2023 жылғы 9 маусымда Медеу аудандық сотының шешімімен басқарманың объектіні бұзуға қатысты талап арызы қанағаттандырылды, содан кейін меншік иесінің аппеляциялық шағымы бойынша сот талқылаулары жүргізілді.
2023 жылғы 21 қыркүйекте Алматы қалалық соты бірінші сатыдағы шешімді өзгеріссіз қалдырды.
Сүру бүгін сот орындаушыларының қатысуымен басталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
15.05.2024, 12:18 15031
Мопедтер көлік құралына жатқызылып, оларды тіркеуден өткізу міндеттеледі
Достарға айту
Мопедтер көлік құралына жатқызылып, оларды тіркеуден өткізу міндеттеледі, деп хабарлайды ҚР Парламент мәжілісінің баспасөз қызметінен.
Мәжіліс "Жол жүрісі туралы" заңға және Әкімшілік құқық бұзушылық туралы кодекске көлік құралдарының жекелеген түрлерінің жүруін ұйымдастыру және жол қауіпсіздігін цифрландыру мәселелері бойынша заңнамалық түзетулерді екінші оқылымда қабылдады.
Негізгі заңда шағын электрлі және көлік құралдарының жекелеген түрлерінің қозғалысын бақылау ұсынылады. Бұл мопедтерді пайдалану мен қозғалыс ережелерін реттеуге көмектеседі. Осыған байланысты қозғалтқыш көлемі 50 текше сантиметрден төмен мопедтер автокөлік құралына жатқызылады. Олар тіркеуден өтіп, мемлекеттік нөмірді алуы қажет.
Сонымен қатар заң жобаларын пысықтау кезінде елге әкелінген мопедтердің көптігіне қатысты тәуекелдер де ескерілді. Осы жұмысты ұйымдастыру кезінде жаппай ажиотажға жол бермеу үшін оларды тіркеудің жаңа талаптары заңға қол қойылған соң 6 айдан кейін күшіне енеді. Бұл уақыт мұндай мопедтерді "заңдастыру" үшін беріледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.05.2024, 17:59 39336
Ақтөбе облысы бойынша Экономикалық тергеп-тексеру департаментінің басшысы қызметіне тағайындалды
Достарға айту
ҚР Президенті Әкімшілігінің келісімі бойынша Агенттік Төрағасының бұйрығымен Абдыханов Қуат Аманбекұлы Қаржылық мониторинг агенттігінің Ақтөбе облысы бойынша Экономикалық тергеп-тексеру департаментінің басшысы қызметіне тағайындалды, деп хабарлайды ҚМА баспасөз қызметінен.
Қуат Абдыханов бұған дейін Орталық аппараттың департамент басшысы қызметін атқарған.
Құқық қорғау және арнаулы мемлекеттік органдар басшылығының Президенттік резерв мүшесі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.05.2024, 17:57 39806
Мемлекет басшысы Цифрлық даму, инновация және аэроғарыш өнеркәсібі министрін қабылдады
Достарға айту
Мемлекет басшысы Цифрлық даму, инновация және аэроғарыш өнеркәсібі министрі Жаслан Мәдиевті қабылдады, деп хабарлайды Ақорданың баспасөз қызметінен.
Президентке ведомствоның қазіргі қызметі мен жұмыс жоспары жөнінде баяндалды. Жаслан Мәдиевтің айтуынша, мемлекеттік басқаруды және басқа да салаларды цифрлық трансформациялау үшін институционалдық база қалыптасқан. Реинжиниринг міндеттемесі заң жүзінде бекітіліп, 600-ден астам бизнес-процесс қайта қаралған. Сондай-ақ GovTech платформалық тәсілі арқылы цифрлық трансформациялау үдерісі басталған.
Қасым-Жомарт Тоқаевқа жасанды интеллектіні енгізу, сондай-ақ AI-driven government экожүйесін қалыптастыру жолдары жөнінде мәлімет берілді.
Сонымен қатар Мемлекет басшысына отандық IT-компаниялардың экспорт нарықтарына шығу перспективасы туралы баяндалды.
Кездесу соңында Президент мемлекеттік басқару ісін сапалы түрде цифрландыру, халықаралық IT-алпауыттармен ынтымақтастықты жандандыру және экономиканың түрлі секторында жасанды интеллектіні одан әрі дамыту жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
14.05.2024, 17:41 40146
Шығыс Қазақстан облысының прокурорлары жалған вакцинацияның 365 фактісін анықтады
Достарға айту
2023 жылдың басынан бері елімізде қызылша ауруының өршуі тіркелді. Бұл жағдай ЮНИСЕФ есебінде (әлемде Қазақстан Республикасы қызылшамен ең көп ауыратын ел деп саналады) атап өтілді.
Қазақстан Республикасының Бас санитарлық дәрігерінің қаулыларымен қызылша бойынша жағдайды жақсарту үшін бірқатар санитарлық-эпидемиологиялық және санитарлық-профилактикалық іс-шаралар қабылданды.
Мұндай инфекцияның алдын алудың тиімді әдісі облыс тұрғындарына вакцина егу болып табылады.
Бұл ретте халыққа вакцина егу мәселелері бойынша жүргізілген тексеру барысында халыққа жалған екпе егудің 365 фактісі, екпе алудан медициналық көрсетіліммен негізсіз бас тартудың 55 фактісі анықталды. Сонымен қатар, медициналық мекемелер санитарлық-эпидемиологиялық талаптарды бұзудың 11 түріне жол берген, деп хабарлайды Шығыс Қазақстан облысының прокуратурасының баспасөз қызметінен.
Қадағалау актісі бойынша заң бұзушылықтарды жою және лауазымды тұлғаларды заңда белгіленген жауапкершілікке тарту бойынша шаралар қабылдануда.
Қызылша ауруының өршуіне жол бермеу үшін азаматтарды екпе шараларына белсенді қатысуға шақырамыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
15.05.2024, 12:18Мопедтер көлік құралына жатқызылып, оларды тіркеуден өткізу міндеттеледі 15.05.2024, 12:29 15081Алматыда тау бөктеріндегі ірі құрылыс нысаны сот шешімімен бұзылды15.05.2024, 12:33 14866АӨК-тегі шаруашылықтар бойынша есепке алу деректері қысқа мерзім ішінде жаңартылады15.05.2024, 17:46 7826Шығыс Қазақстанда сел жүруі мүмкін қауіпті кезең басталды15.05.2024, 17:51 7576Үкіметте Көкшетауда қазандықтарды жаңғыртуға бөлінген 816 млн теңгені игеру бойынша жұмыс жоспарлары тыңдалды
10.05.2024, 13:16 98541Ағымдағы жылы елімізде 1,5 млн га жерге егін егілді10.05.2024, 13:14 98471Жаңадан тағайындалған Цифрлық даму министрі ант берді10.05.2024, 13:12 98336Шымкент және Қызылорда әуежайларында жаңа жолаушылар терминалдарының құрылысы аяқталуға жақын10.05.2024, 13:05 98136Қазақстанда 2025 жылы әлеуметтік қызметкерлердің дағдылары мен құзыреттеріне қойылатын талаптар өзгереді10.05.2024, 13:02 92806Су тасқынынан зардап шеккен шағын және орта бизнес қандай өтемақы ала алатындығы белгілі болды
24.04.2024, 18:17 157156Елімізде су тасқынынан зардап шеккен азаматтарға қандай әлеуметтік қолдау көрсетілуде24.04.2024, 18:12 155451Бектенов Атырау облысында су басу қаупін азайту үшін қабылданып жатқан шаралардың барысын тексерді24.04.2024, 18:04 152436Тоқаев ҚХА сессиясын онлайн-форматта өткізу туралы шешім қабылдады18.04.2024, 11:47 149591ҚР-да көп тұтынылатын алкоголь түрлерінің өндірісі биыл азайды22.04.2024, 16:42 131856Энергетикалық сектордың жер қойнауын пайдаланушыларының сатып алуларындағы қазақстандық қамту үлесі 61%-ды құрады