Қазақстанда жеке тұлғаларға мүлік салығын төлеу мерзімі ауыстырылды
1 қазанға дейін төлем жасай алмаған азаматтар бүгін салығын өтей алады. Өсімпұлды есептеу ағымдағы жылдың 4 қазанынан басталады.
АСТАНА. 3 ҚАЗАН - Жеке тұлғалардың мүлкіне салынатын салықты төлеу мерзімі "1 қазан" демалыс күніне сәйкес келгендіктен, төлеу мерзімі 2022 жылғы 3 қазанға ауыстырылады. Бұл туралы Мемлекеттік кірістер комитетінде хабарлады, деп хабарлайды KAZAKHSTAN TODAY.
Сондықтан, 1 қазанға дейін төлем жасай алмаған азаматтар бүгін салығын өтей алады. Өсімпұлды есептеу ағымдағы жылдың 4 қазанынан басталады", - деп хабарлады Мемлекеттік кірістер комитеті.
Комитеттің мәліметінше, есептелген салық сомасын "kgd.gov.kz" сайтында және "E-salyq Azamat" мобильді қосымшасында "Алдағы төлемдер" сервисінен, сондай-ақ банктердің Homebank және Kaspi.kz (мемлекеттік қызметтер – салық – көлік және мүлік салығы- ЖСН теру) мобильді қосымшаларында білуге болады.
Салық бойынша берешектің бар не жоқ екенін "e-Salyq Azamat" (AppStore, PlayMarket) мобильді қосымшасы→Электрондық сервистер→Салық және әлеуметтік төлемдер бойынша берешек сервисі→ЖСН енгізу арқылы тексеруге болады.
Бұған дейін МКК кірістер мен мүлік туралы декларацияны тапсыру мерзімдерін еске салғаны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыда мемлекеттік қажеттіліктер үшін тағы 10 жер учаскесі алынады
Алматыда мемлекеттік қажеттіліктер үшін тағы 10 жер учаскесін мәжбүрлеп иеліктен шығару туралы қаулы шығарылды, деп хабарлайды агенттік тілшісі.
Қаулының қосымшасына сәйкес, Алматы қаласының Алатау ауданында Рысқұлов даңғылынан қала шекарасына дейін Тілендиев көшесін ұзарту мақсатында мемлекеттік қажеттіліктер үшін 10 жер учаскесін немесе өзге де жылжымайтын мүлікті мәжбүрлеп иеліктен шығару басталсын", - делінген құжатта.
Мәжбүрлеп иеліктен шығару күні 2028 жылғы 31 желтоқсан болып белгіленді.
Сонымен қатар, мемлекеттік қажеттіліктер үшін жер учаскелерін мәжбүрлеп иеліктен шығару туралы тағы бір қаулы жарияланды.
Құжатқа сәйкес, Алматының Түрксіб ауданында кәріз сорғы станциясын салу үшін үш жер учаскесі мемлекет қажетіне алынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан "Славян базары" халықаралық өнер фестивалінде екі жүлде иеленді
Сурет: Gov.kz
Қазақстандық әншілер Ақерке Амалят пен Жасмина Түзелова XXXV "Витебскідегі Славян базары" халықаралық өнер фестивалі аясында өткен ән байқауларында жүлдегер атанды, деп хабарлайды ҚР Қазақстан Республикасының Мәдениет және ақпарат министрлігінен.
Ақерке Амалят "Витебск-2026" XXXV халықаралық эстрадалық ән орындаушылар байқауында І орынды жеңіп алды. Екі күнге созылған байқау қорытындысы бойынша өнерпаз 134 ұпай жинады. Биылғы додаға 19 елдің орындаушылары қатысты.
Қазақстан қоржынына тағы бір жүлдені 13 жастағы Жасмина Түзелова салды. Жас өнерпаз "Витебск-2026" XXIII халықаралық балалар ән байқауында ІІ дәрежелі диплом иегері атанып, жоғары деңгейдегі дайындығын көрсетті.
Жасмина Түзелова авторлық ән жазуға арналған арнайы сертификатқа да ие болды. Бұл марапатты халықаралық қазылар алқасының мүшесі, латвиялық композитор Гайтис Лазданс тағайындады. Эстрадалық ән орындаушылардың халықаралық байқаулары дәстүрлі түрде "Витебскідегі Славян базары" фестивалі аясында өткізіліп, әр елден келген жас өнерпаздардың басын қосатын беделді алаңға айналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда жалған банкноттар шығаруды жалғастыруда
Қазақстан Ұлттық Банкі мен екінші деңгейлі банктер 2026 жылғы бірінші жартыжылдықта 259 400 теңгенің 57 жалған ақша белгісін (49 банкнота және 8 монета) анықтады. Бұл 2025 жылғы осы кезеңмен салыстырғанда, 68,4%-ға аз (96 жалған ақша белгісі), деп хабарлайды банктің баспасөз қызметінен.
Көбіне номиналы 2 000 теңгелік банкноталар қолдан жасалған - 22 дана, анықталған жалған ақшалардың жалпы санының - 38,6%-ы. Одан кейінгі орында номиналы 10 000 теңгелік банкнота тұр - 16 дана (28,1%), 5 000 теңгелік банкнотада - 11 дана (19,3%), қалған 14% - монеталар.
Қазақстан Ұлттық Банкі әлеуметтік желілер мен мессенджерлерде ұлттық валютаның сыртқы белгілеріне ұқсайтын және "ПРАЗДНУЕМ ВМЕСТЕ!", "НЕ ЯВЛЯЕТСЯ ПЛАТЕЖНЫМ СРЕДСТВОМ" деген бөгде жазулары бар баспа өнімдерін сатып алуға болатыны туралы жарнамалар да бар екенін ескертеді.
Осыған байланысты, қолма-қол ақшаны пайдаланған кезде банкнотадағы жазуларға айрықша назар аударып, олардың түпнұсқалығын мұқият тексеріп алған жөн.
Майда жазулар өте бұлдыр болады және үлкейтіп қарағанда оқып тануға келмейді. Жалған банкнотада сутамғы белгісі болмайды. Патч элементінің көлемі жоқ және жай бояумен басып шығарылады. Ал одан сәулелердің жан-жаққа таралуы секілді голографиялық эффектіні де, номинал бейнесінің ою-өрнекке ауысу құбылысын да байқай алмайсыз. Қорғаныш жіптің динамикалық және түс ауыстыратын әсері жоқ, жарыққа тосып қарағанда біртұтас емес екеніне көз жеткізуге болады."- деп жазады хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Павлодар облысында дауылды жел үйлер мен электр желілеріне зақым келтірді
Павлодар облысының Успен ауданындағы Қонырөзек ауылында жаңбырмен бірге соққан қатты жел тұрғын үйлер мен электр беру желілеріне зақым келтірді. Жергілікті тұрғындардың айтуынша, қолайсыз ауа райы басталар алдында олар "Торнадоға" ұқсас құйынның соққанын байқаған, деп жазады Павлодар-онлайн.
Ауыл тұрғындарының айтуынша, екпінді жел үйлердің шатырларын жұлып, ағаштарды құлатып, электр және телефон сымдарын үзген. Бірнеше тұрғын үйге айтарлықтай зақым келген. Табиғат апатынан кейін ауылдың бір бөлігі электр жарығынсыз қалды.
Қонырөзек ауылдық округі әкімдігінің мәліметінше, табиғат құбылысы елді мекеннің тек бір бөлігін қамтыған. Қазіргі уақытта келтірілген шығын көлемі бағалануда, оқиға орнында Төтенше жағдайлар департаментінің қызметкерлері мен аудан басшылығы жұмыс істеп жатыр. Электрмен жабдықтауды мүмкіндігінше тезірек қалпына келтіру шаралары қабылдануда.
Әкімдіктің хабарлауынша, ауыр зардап шеккендер жоқ. Тұрғын үйлерден бөлек, жергілікті мәдениет үйінің шатыры шамамен 30%-ға зақымданған.
Айта кетейік, бұл Павлодар облысында 19 шілдеде секундына 20 метрге дейін жеткен дауылды жел мен бұршақ салдарынан өңірде екі көпқабатты және 47 жеке тұрғын үйдің шатырлары, әлеуметтік нысандар зақымданып, 11 елді мекен жарықсыз қалған болатын. Табиғат апатынан қаза тапқандар мен зардап шеккендер тіркелген жоқ. Қазіргі уақытта бірқатар елді мекенде қалпына келтіру жұмыстары жалғасып жатыр.
Облыс әкімдігінің мәліметінше, ең көп зардап шеккен Ақсу қаласына қарасты Қалқаман кенті мен Екібастұз қаласының Құдайкөл ауылында тіркелген. Мұнда екі көпқабатты және 47 жеке тұрғын үйдің шатырлары, сондай-ақ әлеуметтік нысандардың қасбеттері мен терезелері бүлінген. Көпқабатты тұрғын үйлердің бірінде бөлмеаралық қалқалар құлаған. Сонымен қатар, қолайсыз ауа райы салдарынан ЕЭК-тің 220 кВ кернеулі Қалқаман - Құдайкөл электр желісіндегі сегіз тірек зақымданған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елімізде жүргізушлер үшін 25 тамыздан бастап не өзгермек
2026 жылдың 25 тамызынан бастап Қазақстанда "Жол жүрісі туралы" заңға енгізілген өзгерістер күшіне енеді. Ішкі істер министрлігі жаңа нормалардың міндетті медициналық тексеруден өтуге, жол қозғалысы қағидалары бойынша білімді қайта тексеруге және көлік құралын мас күйінде басқарғаны үшін жауапкершілікке қатыс бар екендігін түсіндірді.
Тиісті өзгертулерге сәйкес, 65 жастан асқан жүргізушілер мен мүгедектігі бар жүргізушілер екі жылда бір рет міндетті медициналық тексеруден өтуі қажет. Міндетті медициналық тексеруден өткені туралы мәліметтер Денсаулық сақтау министрлігі мен Ішкі істер министрлігі арасында автоматты түрде алмасады. Егер мемлекеттік ақпараттық жүйеде жүргізушінің медициналық тексеруден өткені және көлік құралын басқаруға қарсы көрсетілімдерінің жоқтығы расталмаса, көлік құралын басқару құқығы тоқтатылады. Бұл талап тек 65 жастан асқан жүргізушілер мен мүгедектігі бар жүргізушілерге ғана қатысты екенін ерекше атап өтеміз.
Келесі өзгеріс жол жүрісі қағидаларын білу деңгейін қайта тексеруге қатысты. Заңда көзделген жағдайларда жолда жүру қағидаларын өрескел бұзған жүргізушілер қайтадан теориялық емтихан тапсыруға жіберілуі мүмкін. Мысалы, жол қиылысынан өту кезінде апаттық жағдай туғызу, белгіленген жылдамдықты бірнеше рет асыру, маневр жасау, жолақ ауыстыру немесе басып озу қағидаларын қауіпті түрде бұзу сияқты өрескел құқық бұзушылықтар. Бұл талап барлық жүргізушіге емес, тек заңда нақты көзделген жағдайларда ғана қолданылады. Егер жүргізуші дәлелді себепсіз тиісті қаулыны алған күннен бастап екі ай ішінде теориялық емтиханға келмесе, бұл да көлік құралын басқару құқығын тоқтатуға негіз болады.
Сонымен қатар, алкогольдік, есірткілік немесе уытқұмарлық масаң күйде көлік басқарғаны үшін жауапкершілік күшейтілді. Енді қылмыстық іс жәбірленушімен татуласуына байланысты тоқтатылғанның өзінде, құқық бұзушы сегіз жылға көлік құралын басқару құқығынан айырылады.
Ал, егер жүргізуші куәлігі бомаса, оны сегіз жыл бойы алу мүмкін болмайды. Бұл өзгерістердің барлығы жол жүрісі қауіпсіздігін арттыруға, азаматтардың өмірі мен денсаулығын қорғауға бағытталған. Барша жол жүрісіне қатысушыларды жолда жүру қағидаларын қатаң сақтауға шақырамыз. Ал бұл талапқа жататын жүргізушілер міндетті медициналық тексеруден уақытылы өтуі қажет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алакөл көлінде жағалауды қорғайтын бөгет салуға 3 млрд теңге бөлінді
Сурет: Depositphotos
Жетісу облысы Алакөл көлі жағалауын қорғайтын бөгет салу жобасын жүзеге асыруға Үкімет резервінен 3 млрд теңге бөлінді. Тиісті қаулыға ҚР Премьер-министрі Олжас Бектенов қол қойды, деп хабарлайды Үкіметтің баспасөз қызметінен.
Бөлінген қаражат ұзындығы 6 шақырым қорғаныс бөгетін салуға бағытталады, оның 2,5 шақырымы Көктұма ауылына, 3,5 шақырымы Ақши ауылына тиесілі.
Үкімет бұған дейін 2025 жылы 1,7 шақырым учаскеде нығайту, жер қазу, бетон құю жұмыстары жүргізіліп, габион құрылымдарын орнату жұмыстары аяқталғанын еске салады. Жалпы алғанда, құрылыс-монтаждау жұмыстарының шамамен 25%-ы орындалды.
Жобаның жүзеге асырылуы Алакөл жағалауының одан әрі шайылуының алдын алып, көлдегі шөгінділердің табиғи тасымалдануы мен қайта бөліну жүйесін сақтауға мүмкіндік береді.
Қорғаныс инфрақұрылымын қалыптастыру өңірдің туристік әлеуетін дамытуға және демалушылар мен жергілікті тұрғындар үшін жағдай жасауға ықпал етеді.
Соңғы екі жыл ішінде Ақмола, Ақтөбе, Батыс Қазақстан, Қостанай Солтүстік Қазақстан және Павлодар сияқты алты өңірде жалпы ұзындығы 243 шақырым болатын қорғаныс бөгеттері мен құрылыстары салынып, нығайтылды.
Үкімет су және туристік инфрақұрылымды дамытуға, табиғи ресурстарды сақтауға және өңірлердің орнықты әлеуметтік-экономикалық дамуын қамтамасыз етуге бағытталған жобалардың жүзеге асырылуын тұрақты бақылауда ұстап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан президенті бірқатар жаңа елшілерді тағайындады
Президент Қасым-Жомарт Тоқаев Қазақстанның Өзбекстандағы, Ұлыбританиядағы және Румыниядағы жаңа Төтенше және Өкілетті Елшілерін тағайындады. Тиісті жарлықтар Ақорда сайтында жарияланды.
Лұқпанұлы Тоғжанов Қазақстан Республикасының Өзбекстан Республикасындағы Төтенше және Өкілетті Елшісі лауазымына тағайындалды;
Әлібек Әсетұлы Бақаев Қазақстан Республикасының Ұлыбритания және Солтүстік Ирландия Құрама Корольдігіндегі Төтенше және Өкілетті Елшісі болып тағайындалды, ол бұрынғы атқарған лауазымынан босатылды;
Амангелді Ғазезұлы Саинов Қазақстан Республикасының Румыниядағы Төтенше және Өкілетті Елшісі лауазымына тағайындалды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.