"Қазатомөнеркәсіптің" жаңа басшысы тағайындалды
Қазатомөнеркәсіп" ұлттық атом компаниясы АҚ (бұдан әрі - "Қазатомөнеркәсіп", "ҚАӨ" немесе "Компания") 2023 жылғы 28 қыркүйекте Компанияның Директорлар кеңесі Компания басқармасы құрамындағы мынадай өзгерістерді мақұлдағанын хабарлайды.
Ержан Мұқанов мырза 2023 жылғы 2 қазаннан бастап Директорлар кеңесінің мүшесі - Компанияның басқарма төрағасы қызметінен кетеді. Компанияның Директорлар кеңесінің шешімімен "KAZAKH INVEST" басқарма төрағасы қызметін атқарған және 2015-2020 жылдар аралығында Қазатомөнеркәсіптің экономика және қаржы жөніндегі бас директоры болған Мейіржан Юсупов мырза Қазатомөнеркәсіптің жаңа басшысы болып тағайындалды.
Компанияның Директорлар кеңесінің атынан мен Мұқанов мырзаға геосаяси белгісіздік кезеңінде оның тиімді жұмысы мен Компанияны басқарғаны үшін алғысымды білдіремін, - деді Қазатомөнеркәсіптің Директорлар кеңесінің төрағасы Арман Арғынғазин. - Ержан Мұқановтың басшылығымен Қазатомөнеркәсіп өндірістің жоғары тиімділігін көрсетуді жалғастырды және Транскаспий халықаралық көлік бағытын кеңейту оның басшылығымен орындалған маңызды жетістіктердің бірі болып табылады. Директорлар кеңесі Мұқанов мырзаға Компанияның ұзақ мерзімді құндылық жасауға бағытталған стратегиясына көрсеткен адалдығы үшін алғыс білдіреді және оған болашақта барлық жақсылықты тілейді.
Сондай-ақ, Қазатомөнеркәсіптің Директорлар кеңесі Компанияның экономика және қаржы жөніндегі бас директоры Сұлтан Темірбаев мырзаның 2023 жылғы 28 қыркүйектен бастап Қазатомөнеркәсіп басқармасының құрамына кіруін мақұлдады. Осылайша, қазіргі уақытта Қазатомөнеркәсіп басқармасының құрамына мыналар кіреді:
* Мейіржан Юсупов, басқарма төрағасы (2023 жылғы 2 қазаннан бастап);
* Қуаныш Омарбеков, өндіріс жөніндегі бас директор;
* Дастан Көшербаев, коммерция жөніндегі бас директор;
* Сұлтан Темірбаев, экономика және қаржы жөніндегі бас директор;
* Ермек Қуантыров, құқықтық сүйемелдеу және корпоративтік басқару жөніндегі бас директор;
* Әлібек Алдоңғаров, HR және өндірістік қауіпсіздік жөніндегі бас директор;
* Мұхит Мағажанов, сатып алу және жалпы мәселелер жөніндегі бас директор.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Президентке Шығыс Қазақстан облысының әлеуметтік-экономикалық даму нәтижесі туралы мәлімет берілді
Сурет: akorda
Мемлекет басшысына облыстың биылғы 11 айдағы әлеуметтік-экономикалық даму нәтижесі туралы мәлімет берілді, деп хабарлайды Ақорданың баспасөз қызметінен.
Президентке берілген ақпаратқа сәйкес, осы жылдың қорытындысы бойынша Шығыс Қазақстан облысының жалпы өңірлік өнімі 4,4 триллион теңге болады деген болжам жасалып отыр.
Қазіргі таңда инвестициялық жобалардың жалпыұлттық құрамына аймақтан құны 1,1 триллион теңге болатын 42 жоба кірген.
Биыл сомасы 77 миллиард теңгені құрайтын 8 жоба жүзеге асырылып жатыр. Өңірдің агроөнеркәсіп кешенінде 37 ірі жоба орындалады. Оларға салынатын инвестиция мөлшері - 236,4 миллиард теңге.
Қазақстанда алғаш рет жылына 4 мың тонна сұйық лецитин өндіру үшін күнбағыс тұқымын терең өңдеу әдісі енгізіліп жатыр. Шағын және орта бизнесті дамытуға қолайлы жағдай жасалуда. Атап айтқанда, осы бағыттағы жобаларға 22 миллиард теңге көлемінде қолдау көрсетілген.
Сонымен қатар Президентке 2024 жыл облыста Жол жылы деп жарияланғаны туралы айтылды. Жолдарды жөндеуге және салуға бөлінетін қаржыны екі есе ұлғайту жоспарланып отыр. Жалпы 600 шақырым жолды және көшелерді жөндеу жоспарланған.
Президенттің тапсырмасын орындау мақсатында Риддер жылу электр орталығында қалпына келтіру жұмыстары жүргізілді. 6 қазандық агрегаты жөнделді. Бүгінде Риддер тұрғындары жылумен қамтамасыз етілген.
Бұдан бөлек, кездесуде шекара маңынан Марқакөл және Катонқарағай атты екі жаңа аудан құру мәселесіне ерекше назар аударылды.
Кездесу қорытындысы бойынша Қасым-Жомарт Тоқаев өңір халқының өмір сүру сапасын арттыру маңызды екенін атап өтіп, Шығыс Қазақстан облысын әлеуметтік-экономикалық тұрғыда одан әрі дамытуға қатысты бірқатар міндет жүктеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елімізде ұшу қауіпсіздігін арттыру бойынша іс шаралар қабылдануда
Сурет: gov.kz
Көлік прокуратурасы органдарының қадағалау актілері бойынша Көлік министрлігі басқа мемлекеттік органдармен бірлесіп авиақауіпсіздік деңгейін арттыруға бағытталған бірқатар іс-шаралар жүргізуде, деп хабарлайды Бас көлік прокуратурасының баспасөз қызметінен.
Біріншіден, бұл әуе айлақтарының айналасындағы орнитологиялық жағдайды жақсартуға әсер етті.
Үкімет бекіткен жол картасы шеңберінде Азаматтық авиация комитеті әуеайлақтар маңында құстардың жаппай жиналуына ықпал ететін жағдайларды жою жөніндегі шаралар кешенін іске асыруда, бұл полигондардың орнын ауыстыруды және қоқыс үйінділерін жоюды қамтиды.
Бүгінгі таңда Алматы, Шымкент, Астана және Түркістан қалаларында мұндай полигондар жойылды, ал Орал және Балқаш қалаларында санитарлық аймақтан тыс жерлерге көшіріледі.
Сондай-ақ, құстарды қорқыту үшін пиротехникалық құралдар, биоакустикалық қондырғылар және электронды шулы жүйелері қолданылады.
Сонымен қатар енді авиакомпанияларға заң актілерімен құстардың әуе кемелерімен соқтығысуы туралы хабарлау міндеті жүктелді.
Жоғарыда аталған іс-шаралардың нәтижелері бойынша әуе кемелерінің құстармен соқтығысуы өткен жылмен салыстырғанда 2023 жылы 58%-ға төмендеді.
Екіншіден, қауіпсіздікті арттыру үшін әуежайлар «соқыр» аймақтарды қоспағанда, бейнебақылаумен барынша жарақтандырылады.
Оған қоса олардың орналасуы, техникалық сипаттамалары және басқа параметрлер бойынша бірыңғай стандарттар әзірленуде, олар командалық ұшу және жер үсті персоналының іс-әрекеттерін объективті бақылауды қамтамасыз етеді.
Үшіншіден, әуе кемелерінің паркі жаңартылады, мұздануға қарсы сұйықтықтармен өңдеу бойынша арнайы машиналар сатып алынуда және т.б.
Осы және басқа бастамалар ұшу қауіпсіздігін қамтамасыз етудегі жан-жақты тәсілдің бөлігі болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жол жобаларына қатысты қолдан қымбатшылық жасауларына жол берілмей - Көлік министрі 487 жол жобаларының мердігерлеріне қатаң шарт қойды
Қызылорда-Жезқазған" автожолының учаскелерін реконструкциялау мәселелері жөнінде өткен кеңесте шетелдік және отандық жол құрылысшылары өз жұмысын нәтижелі атқара алмаған мердігерлер бұдан былай Қазақстанның жаңа жол жобаларына қатыса алмайтыны туралы ескертілді, деп хабарлайды ҚР Көлік министрлігінің баспасөз қызметінен.
Өңірлер бойынша кезекті жұмыс сапары барысында Көлік министрі Марат Қарабаев Жезқазғаннан Қызылордаға республикалық маңызы бар жолдарды қайта жаңарту учаскелерін қарау үшін автокөлікпен жүріп өтті. Қызылорда облысында China Civil Engineering Construction Corporation мердігерлік ұйымының базасында ведомство басшысы "ҚазАвтоЖол" ҰК" АҚ және 5 құрылыс компаниясының қатысуымен үлкен кеңес өткізді.
Ұзындығы 208 км "Қызылорда-Жезқазған"трассасын реконструкциялау жобасын ЕҚДБ қаржыландырады және жолды III техникалық санаттан II техникалық санатқа ауыстыруды көздейді. Қазіргі уақытта жаңа асфальтбетон жабыны бойынша 85 км қозғалыс ашылып, жұмыстарды 2024-2025 жылдары толық аяқтау жоспарланған.
Қызылорда-Жезқазған" жобасы 6 учаскеден құралған. 2021 жылдың соңында 67 шақырымнан 216 км-ге дейінгі төрт учаске бойынша келісімшарттарға қол қойылған. Мердігерлеркомпания аталған учаскелерді 2024 жылы тапсыруы керек. 1 және 2-учаскелер бойынша конкурс берілген өтінімдердің ЖСҚ сомасынан асып кетуіне байланысты қайта өткізілді. Нәтижесінде "Қызылорда қаласын айналып өту құрылысы" №1 учаскесі басқа қаржыландыру көзі арқылы іске асыру үшін ЕҚДБ келісімі бойынша жобадан алынып тасталды. №2 учаске бойынша келісімшартқа 2023 жылдың мамыр айында қол қойылған, алайда мердігер ұйымдар тарапынан жоба құнын ұлғайту қажеттілігі туралы мәселе көтерілуде.
Осыған байланысты құрылысшылармен әңгімелесу барысында Қазақстандағы жол жобаларын қаржыландырудың аталған мәселелері мен жаңа тәсілдеріне басты назар аударылды. Атап айтқанда, Марат Қарабаев мердігерлерге бұдан былай жол жобаларына қатысты қолдан қымбатшылық жасауларына жол берілмейтінін қатаң ескертті.
Кейбір компаниялар жұмыс басталған алғашқы жылы жұмыстарды әдейі кешіктіріп, үшінші-төртінші жылы қымбаттау мәселесін алға тартады. Осындай тәжірибеге тап болып отырмыз. Бұл ретте "ең басында келесілген сомадан артық ештеңе берілмейді" деп бірден айтамын. Бұрын-соңды басқа учаскелерде, атап айтқанда "Қарағанды - Балқаш" және "Талдықорған - Өскемен" учаскелерінде жұмыс істеген әріптестеріңіздің тәжірибесіне қараңыздар. Бұл баршаға сабақ болып, енді қайталанбайды. Бұдан былай жол жобаларына қатысты қолдан қымбатшылық жасауларыңызға жол берілмейді. Қолыңыздан келмесе, келісімшартты бұзып, жұмысты сол жерден тоқтатыңыз. Бұл барлық мердігер мен жол жобаларына қатысты айтылып отыр", - деді министр.
Ол сондай-ақ ҚР Көлік министрлігі өз тарапынан жобалар құнының қымбаттауынан өзге басқа барлық мәселе бойынша жол құрылысшыларына әрдайым көмек көрсетуге дайын екенін атап өтті.
Марат Қарабаев мемлекеттік орган теріс тәжірибесі бар компаниялар Қазақстанның жаңа жол жобаларына қатыса алмайтындай етіп заңнамаға өзгерістер енгізуге бастамашы болғанын айтты.
Қара тізім" бұрын да болған, алайда қазіраталған норманы пайдалану аясын одан әрікеңейткіміз келеді. Сондықтан елімізге алғаш рет кіріп жатқан компаниялар бірден өздеріне"Қазақстанға ұзақ уақыт жұмыс істеуге келдік пе әлде жоқ па?" деген сұраққа жауап берулерікерек. Өйткені алдағы 6 жылда 8 мың шақырымға жуық жолда құрылыс жұмыстарын жүргізу жоспарланып отыр", - деп ескертті министр.
Сондай-ақ ведомство басшысы мердігер ұйымдарға жобаларға толыққанды дайындықпен кірісу қажет екенін еске салды.
Барлық қажетті техниканы өздеріңізбен бірге алып келіп, ұзақ мерзімге ең жақсы қызметкерлерді жалдаңыз. Егер мердігер жобаға кірісіп, алайда техниканы сатып алу үшін бізден аванс күтіп отырса, біз қоштасуға мәжбүр боламыз. Мұндай тәжірибе біз үшін таңсық емес", - деді көлік саласына жауапты министр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
АМТ шахтасындағы қайғылы оқиға: Бас прокурор ққауіпсіз еңбек жағдайларын қамтамасыз ету жүйесінің жетілдірілмегендігі туралы айтты
Сурет: Depositphotos
Бас прокуратура "АрселорМиттал Теміртау" АҚ (АМТ) жағдайына және қауіпсіз еңбек жағдайларын қамтамасыз ету жүйесінің жетілдірілмегеніне қатысты депутаттық сауалды қарады, деп хабарлайды Zakon.kz.
Бас прокурор Берік Асылов депутаттық сауалға берген жауабында қазіргі уақытта АМТ шахталарындағы соңғы апаттар бойынша ҚР Қылмыстық кодексінің 277-бабының 3-бөлігі (тау-кен немесе құрылыс жұмыстары кезінде қауіпсіздік ережелерін бұзу) бойынша сотқа дейінгі тергеп-тексерулер жүргізіліп жатқанын айтты. Бұл іс прокуратураның бақылауында болады.
Оның айтуынша, мұндай қайғылы оқиғалар жұмысшылардың қауіпсіздігіне жауапты тұлғалардың дұрыс емес көзқарасының салдары, сондай-ақ қалыптасқан бірқатар әртүрлі факторлардың, соның ішінде құқықтық реттеу мен мемлекеттік бақылаудың жеткіліксіздігімен байланысты.
Мәселен, жұмысшылардың еңбек құқықтарын бұзғаны үшін (ескертуден 500 мың теңгеден аспайтын айыппұлға дейін) әкімшілік жазалар ауқымы ірі бизнес үшін мардымсыз, сондықтан оларды "тәртіпке тарту" әдістері жұмыс істемейді", - деді Бас прокурор Берік Асылов.
Сонымен қатар, оның айтуынша, заңға тәуелді актілерде жарақаттану және қауіпсіздік ережелерін өрескел бұзу фактілері анықталған кәсіпорындарды жыл сайынғы тексеруге рұқсат беретін нормалар жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.