Система Orphus

"Батыс" өңірлік қолбасшылығында офицерлер тәрбие жұмысының новаторлық идеяларын талқыға салды

10.07.2019, 19:21 7237

Нұр-Сұлтан. 10 шілде. Kazakhstan Today - Командирлердің тәрбие және идеологиялық жұмыстары жөніндегі орынбасарлары, психологтар мен әскери қызметшілердің отбасыларымен жұмысты ұйымдастыру жөніндегі қызметтері күнделікті әскери өмірдің маңызды іс-шараларын талқыға салды.

Ақтаудағы 25744 әскери бөлімінің базасында "Батыс" өңірлік қолбасшылығының тәрбиеші офицерлерімен оқу-жиыны өтті. Жиынға Атырау, Ақтау және Ақтөбе гарнизондарындағы әскери бөлім командирлерінің тәрбие және идеологиялық жұмыстары жөніндегі орынбасарлары, психолог-офицерлері және әскери қызметшілердің отбасымен жұмысты ұйымдастыру қызметінің өкілдері қатысты.

Жиынның басты мәселесі ретінде тәрбие және идеологиялық жұмыс үрдісінің жетілдірілуі, шет ел армиясының тәрбие жұмысын сараптау, әскери тәртіпті нығайтудағы новаторлық идеяларды қарастыру болып белгіленді.

Жиынға қатысушалармен психологиялық зерделеу жұмыстары өткізіліп, басшылық талаптары мен заңнамалық актілер бойынша, сауалнама жүргізу тәртібі, мерзімдік қызметтегі сарбаздардың бос уақытын ұйымдастыру, әскери қызметшінің психологиялық портретін жасау бойынша сынақтар қабылданды.

"Бүгінгі күні, әскери қызметшілердің жеке-моральдік қасиеттерін зерттеу қалыптасып қалған шаблондық әрекеттерге жүгінбей, ерекше көзқарасты талап етеді. Тәрбиеші офицердің осы кезектегі басты тапсырмасы, әскери қызметшінің ұжымы арасындағы, сонымен қоса мүмкіндігінше отбасындағы оң ахуалды қалыптастыру болып табылады. Бұл ретте, Қарулы Күштерде қолданып келе жатқан "Жауынгерлік дос" екі жақты бақылау жүйесі мен әскери қызметшілердің отбасымен жұмысты ұйымдастыру қызметі үлкен жұмысты атқаруда", - дейді өңірлік қолбасшылықтың тәрбие және идеологиялық жұмыстары жөніндегі орынбасары полковник Серік Сейітбаев.

Естеріңізге сала кетсек, Қазақстан Республикасы Қарулы Күштерінде командирлердің тәрбие және әлеуметтік-құқықтық жұмысары жөніндегі орынбасарлары институты осыдан 26 жыл бұрын қалыптасты. Осы күндері, Қарулы Күштерде 1000-ға жуық тәрбиеші-офицерлер қызмет етеді. Олардың мойындарына әскери қызметтегі тәртіпті нығайту, құқықтық алдын-алу жұмыстарын жүргізу, жеке құрамның әлеуметтік мәселелерін бақылау, моральдік-өнегелік жағдайды жақсарту бойынша тапсырмалар жүктелген.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны