Бурабай ұлттық паркіне арналған "A day in Burabay" бірегей фотоальбомы жарық көрді
Биыл Бурабайда трансшекаралық ынтымақтастық, IT және нано-технологияларды дамыту бойынша BURABAY FORUM II Халықаралық Жас ғалымдар форумы өтеді. Бірінші форум 2017 жылы өтті.
Астана. 22 мамыр Kazakhstan Today - ҚР Тұӊғыш Президенті - Елбасыныӊ қоры Бурабай ұлттық паркіне арналған "A day in Burabay" бірегей фотоальбомын шығарды.
Аталған фотоальбомныӊ бірінші данасын сыйлыққа Ақмола облысы әкімініӊ орынбасары Қанат Ыдырысов алды.
ҚР Тұӊғыш Президенті - Елбасы қорыныӊ атқарушы директорыныӊ кеӊесшісі Илия Қайшарова: "Біз бұл фотоальбомды Бурабайдыӊ бірегей табиғи ерекшелігін әлемге көрсету үшін шығаруды ұйғардық. Мемлекет басшысы осы өӊірде болған кезде оныӊ сұлулығына әрдайым таӊ қалады. Бурабай өӊірі Абылай ханмен байланысты ұлы тарихқа ие. Осы өӊірге байланысты көптеген әсем аӊыздар да бар. Жаӊа фотоальбомныӊ арқасында қазақстандықтардыӊ және шетелдік туристердіӊ назарын Қазақстанныӊ інжу-маржанына аудара аламыз деген сенімдеміз".
"Сондай-ақ Астананыӊ 20 жылдығына арналған "A day in Astana" фотоальбомымызбен өз қуанышымызды бөліскіміз келеді. Осы фотоальбомныӊ негізінде біз "Астана - Ұлы даланыӊ жауҺары" фотоальбомын дайындадық. Көрме Мәскеуде, Санкт-Петербургте, Мадридте, Алматы мен Астана қалаларында өтті. Таяу күндері көрмені Тараз қаласыныӊ тұрғындары да көре алады".
Біздіӊ фотокөрмеміз Мадридте БҰҰ жанындағы Дүниежүзілік Туристік ұйымныӊ ғимаратында өткен кезде аталған ұйымныӊ қызметкерлеріне фотокартиналардыӊ ұнағаны соншама, олар елордаға міндетті түрде келуді жоспарлады. Биылғы жазда олар Испания астанасынан өз мотоциклдарымен шығып 20 күн жолда болып, Астанаға келмек. Болашақта Қазақстанға сапарлары туралы кітап шығармақ".
ҚРТұӊғыш Президенті - Елбасыныӊ қоры және Ақмола облысыныӊ әкімдігі арасында 2017 жылдыӊ 26 мамырында қол қойылған өзара қарым-қатынас туралы Меморандум аясында бүгінгі таӊда мәдени және әлеуметтік салаларда белсенді жұмыс атқарылып келеді.
Ақмола облысындағы балалар "Көшбасшы жолы", сондай-ақ алғашқы балалар паралимпиадасы сияқты Қор жобаларынақатысуда. Ардагерлерге қолдау көрсетуге бағытталған әлеуметтік шаралар жыл сайын Қазақстанныӊ әртүрлі өӊірлерінде, соныӊ ішінде Ақмола облысында өткізіліп отырады.
Биыл Бурабайда трансшекаралық ынтымақтастық, IT және нано-технологияларды дамыту бойынша BURABAY FORUM II Халықаралық Жас ғалымдар форумы өтеді. Бірінші форум 2017 жылы өтті. Іс-шараны ҚР Тұӊғыш Президент Қоры ұйымдастырды.
Форумныӊ негізгі мақсаты отандық және ресейлік жас ғалымдардыӊ ғылыми-теориялық және практикалық байланыстарын нығайту, трансшекаралық білім беру саласындағы ынтымақтастық, ғылым, экономика, бизнес серіктестікті кеӊейту және туристік кластердіӊ бәсекеге қабілеттілігін дамыту болып табылады. Былтырғы форумныӊ маӊызды нәтижесі шекаралас мемлекеттердіӊ мемлекеттік органдарына экономикалық, саяси және әлеуметтік мәселелерді шешуге көмектесетін бірлескен Қазақстан-Ресей сараптамалық кеӊесініӊ құрылуы болды.
"Рухани жаӊғыру" бағдарламасыныӊ аясында ҚР Тұӊғыш Президент Қоры Қазақстанныӊ қасиетті жерлері туралы әӊгімелейтін "Qazaq quest" Интернет-хабарламасы; Астана мен Бурабайға арналған фотоальбомдар; "Астана - Ұлы даланыӊ жауҺары" сияқты жобаларды іске асырды.
Таяуда әлеуметтік желілерде қордыӊ "Qonaqjai Elim" Интернет -жобасыныӊ бірінші эпизоды шықты, онда Қазақстанныӊ көпұлтты халқы туралы баяндалады. Жоба барша қауымды Қазақстанда бейбіт өмір сүріп жатқан әртүрлі ұлттардыӊ дәстүрі мен әдет-ғұрпы, тағамы мен тұрмысымен таныстырады.
Сондай-ақ еліміздіӊ вундеркинд - балалары және қазақстандық қаҺармандары туралы "Wunder Qazaqstan" және "Qaharman Qazaq" Интернет-жобалары әзірленуде.
ҚР Тұӊғыш Президенті - Елбасы қорыныӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматыдағы рекреациялық аймаққа 230 гектарға жуық жер қайтарылды
Антикор Қоғамдық кеңесінің отырысында Алматы қаласының тау бөктеріндегі құрылыстың проблемалық мәселелері қаралды, деп хабарлайды Сыбайлас жемқорлыққа қарсы іс-қимыл агенттігінің баспасөз қызметінен.
Ағымдағы жылдың 26 сәуірінде Алматы қаласында Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің көшпелі отырысы өтті.
Іс-шараға Агенттіктің Төрағасы Асхат Жұмағали, Алматы қаласының әкімі Ерболат Досаев, өнеркәсіп және құрылыс, ауыл шаруашылығы, төтенше жағдайлар, су ресурстары, экология, денсаулық сақтау министрліктерінің басшылық құрамы және т.б. қатысты.
Іс-шараның модераторы Парламент Мәжілісінің депутаты, Қоғамдық кеңестің төрағасы Марат Башимов болды.
Күн тәртібінде Агенттіктің 2023 жылы әкімдікпен бірлесіп өткізген Алматы қаласының тау бөктеріндегі құрылыс саласындағы жемқорлық тәуекелдерін сыртқы талдау қорытындылары бойынша ұсынымдарды іске асыру мәселесі қаралды.
Агенттік Төрағасы кіріспе сөзінде талдау қорытындысы бойынша анықталған негізгі жемқорлық тәуекелдері туралы айтып, олардың орындалуы ерекше бақылауда екенін атап өтті.
Өздеріңіз білетіндей, Мемлекет басшысы Алматы қаласын дамытуға, оңтүстік астананың жайлы қалалық ортасын құруға ерекше көңіл бөледі. Ел Президенті қаланың нүктелік құрылыс тәжірибесін жою қажеттігін бірнеше рет атап өтті, ал құрылыс кезінде оның тұрғындарының мүдделерін міндетті түрде ескеру қажет", - деп атап өтті Антикор басшысы.
Осыған байланысты, отырыс барысында жауапты орындаушылар тарапынан ұсыныстарды орындаудың сапасы мен уақыттылығына, формализмді жоюға ерекше назар аударылды.
Іс-шара аясында баяндамашылар жүргізілген жұмыстың нәтижелерін айтты.
Мәселен, Алматы қаласының жаңа Бас жоспары әзірленіп, бекітілді, онда табиғи сипаттағы төтенше жағдайларға ұшыраған аумақтар ескерілді.
Тұрғын аймақтан 229 га жер рекреациялық аймаққа қайтарылды, сібір жарасы бар жер учаскесі мемлекеттік меншікке берілді, барлық су объектілеріне түгендеу жүргізілді.
Тау бөктерінде анықталған 54 заңсыз объект бойынша мемлекет пайдасына 36 сот актісі шешілді, оның 30-ы заңды күшіне енді, 2 заңсыз объект бұзылды, тағы 3-і бұзуды күтуде.
Сонымен қатар, Парламент Мәжілісінде бірқатар заң жобалары қаралуда, онда Агенттіктің мемлекеттік сәулет-құрылыс бақылауының жауапкершілігін күшейту, ТЖМ-ге қала құрылысы жобаларын келісу, жекелеген құрылыс ұғымдарын регламенттеу және т.б. өкілеттіктер беру жөніндегі ұсынымдары ескерілген.
Қорытындылай келе, Агенттік Төрағасы қаралған мәселенің маңыздылығын атап өтіп, бірінші кезекте мегаполис тұрғындарының қауіпсіздігіне баса назар аудару қажеттігін айтты.
Бұл алаң кездейсоқ таңдалған жоқ, себебі талқыланып отырған мәселе қала жұртшылығы үнемі назарында және әрбір тұрғын бұл үшін алаңдайды, бұл халықты осы бағыттағы мемлекет жүргізіп жатқан жұмыс туралы хабардар етуді талап етеді", - деп атап өтті Антикор басшысы.
Іс-шара соңында жауапты орындаушыларға жоспарланған іс-шараларды қысқа мерзімде аяқтау үшін толық шаралар қабылдау бойынша нақты ұсыныстар берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.