Е. Ыдырысов АҚШ Мемлекеттік хатшысының бірінші орынбасарымен кездесті
ҚР Сыртқы істер министрі Ерлан Ыдырысов АҚШ Мемлекеттік хатшысының Бірінші орынбасары Уильям Бернспен кездесу өткізді.
Алматы. 11 мамыр. Kazakhstan today. ҚР Сыртқы істер министрі Ерлан Ыдырысов АҚШ Мемлекеттік хатшысының Бірінші орынбасары Уильям Бернспен кездесу өткізді.
Кездесу барысында ҚР мен АҚШ арасындағы саяси және сауда-экономикалық ынтымақтастықтың жай-күйі мен болашағы, сондай-ақ ағымдағы жылғы наурызда Гаага қаласында өткен Ядролық қауіпсіздік саммиті шеңберіндегі ҚР Президенті Н.Назарбаев пен АҚШ Президенті Б.Обаманың уағдаластықтарын жүзеге асыру мәселелері талқыланды.
Тараптар жаһандық қауіпсіздік, әсіресе жаппай қырып-жою қаруын таратпау саласындағы екі елдің ынтымақтастығын зор қанағаттанғандықпен атап өтті, деп сыртқы істер министрлігінде хабарлады.
Американдық дипломат Қазақстанның аталған саладағы қосқан үлесі мен бастамалары үшін ризашылық білдірді. Осыған орай, 6 мамырда Нью-Йоркте "ядролық бестік" елдерінің Орталық Азиядағы ядролық қарудан азат аймақтың (ОАҚАА) қатысушы елдеріне кепілдіктер берілетін хаттамаға қол қою ерекше атап өтілді. ОАҚАА-ның төрағасы ретінде Қазақстан екі жыл бойы бұл мәселені ілгерілету бойынша жұмыс істеп, Орталық Азия өңірі елдерінің қауіпсіздігін елеулі нығайтып, таратпаудың жаһандық жүйесіне зор үлес қосты.
Сұхбаттасушылар сондай-ақ қазақстандық-американдық екіжақты тетіктерінің, соның ішінде Стратегиялық әріптестік жөніндегі комиссия, Энергетика саласындағы бірлескен комиссия және Ғылыми-техникалық ынтымақтастық комиссиясының жемісті қызметін атап өтті.
Сауда-экономикалық және іскерлік ынтымақтастық елдеріміз арасындағы стратегиялық әріптестіктің маңызды құрамасы болып қала береді. ҚР СІМ басшысы жоғары технологиялар саласындағы АҚШ компанияларының Қазақстанда бірлескен жобаларды жасауға деген қызығушылығының артуын атап өтті. Бұл - шетел инвесторларының Қазақстанға артқан сенімінің және ҚР инвестициялық климатының жайлылығының белгісі болып табылады.
Тараптар ҚР мен АҚШ Үкіметтері арасындағы халықаралық салықтық бақылауды жетілдіру және Америка Құрама Штаттарының шетелдік шоттарды салықтық бақылау туралы Заңын енгізу жөніндегі келісім жобасын келісу барысын қанағаттанғандықпен атап өтті. Бұл құжат екі елдің қаржылық және салық органдары арасындағы өзара ықпалдастық пен ақпарат алмасу үшін зор мүмкіндіктер туғызады.
Сұхбаттасушылар арасында халықаралық саясат және өңірлік қауіпсіздік өзекті мәселелері, соның ішінде Украинадағы жағдай бойынша пікір алмасу өтті.
У. Бернс еліміздің Ауғанстанды қалпына келтіру мен ондағы қауіпсіздікті қамтамасыз етуге қосқан үлесі үшін Қазақстанға ерекше ризашылық білдірді.
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.