Еӊбекке қабілеттілігін жоғалтқан жағдайда және асыраушысынан айырылғанда, жұмыссыз қалғанда берілетін жәрдемақы үштен бір бөлікке өседі
Жалпы алғанда, ұсынылып отырған өзгерістер еӊбекке жарамсыз болып қалған жағдайда, асыраушысынан айырылғанда және жұмыссыз қалғанда әлеуметтік жәрдемақылар көлемін орташа 30 пайызға арттыруға мүмкіндік береді.
Астана. 11 қаӊтар. Kazakhstan Today - Еӊбекке қабілеттілігін жоғалтқан жағдайда және асыраушысынан айырылғанда, жұмыссыз қалғанда берілетін жәрдемақы үштен бір бөлікке өседі.
2018 жылдыӊ 10 қаӊтарындағы "Төртінші өнеркәсіптік революция жағдайындағы дамудыӊ жаӊа мүмкіндіктері" Қазақстан халқына Жолдауында, Мемлекет басшысы еӊбек өтілімі мен міндетті әлеуметтік сақтандыру жүйесіндегі жәрдемақылар көлемініӊ өзара байланысты нығайтуды тапсырды.
Елбасыныӊ тапсырмасын жүзеге асыру мақсатында Еӊбек және халықты әлеуметтік қорғау министрлігі ҚР "Міндетті әлеуметтік сақтандыру туралы" Заӊ жобасыныӊ жаӊа редакциясын әзірледі.
Заӊ жобасыныӊ негізгі мақсаты - құқықтық, экономикалық және Мемлекеттік әлеуметтік сақтандыру қорынан әлеуметтік төлемдердіӊ параметрлерін қайта қарап, бекітіп міндетті әлеуметтік сақтандырудыӊ негізін ұйымдастыруды күшейту.
Енгізілген өзгерістер еӊбекке жарамсыз болып қалған жағдайда, асыраушысынан айырылғанда және жұмыссыз қалғанда азаматтардыӊ әлеуметтік қорғалу деӊгейін көтеруге мүмкіндік береді.
Илеуметтік жәрдемақы көлемі міндетті әлеуметтік сақтандыру жүйесіне қатысу өтіліміне және өзге де параметрлердіӊ өзгеруіне қарай өседі.
Осылайша, заӊ жобасына сәйкес, әлеуметтік сақтандыру жүйесіндегі өтілімі көп азаматтарға берілетін әлеуметтік жәрдемақы әр жылына 2 пайызға артады үстінен 5 жылды қосқанда. Ал мүгедектігі барлар үшін жұмысқа жарамсыз болып қалғанда берілетін әлеуметтік жәрдемақылардыӊ көлемін еӊбекке жарамсыздық белгілі бір дәрежеде орын алған фактіні ескере отырып белгілеу ұсынылады.
Яғни әлеуметтік жәрдемақылар еӊбекке жарамсыз болған жағдайда орташаланған коэфиценттерге тәуелді болмай, арнайы бекітіледі.
Асыраушысынан айырылған отбасыларға, асыраушысынан айырылған жағдайда берілетін әлеуметтік жәрдемақыларды белгілеуде қолданатын асырауындағы адамдар саныныӊ коэффицентін көтеру ұсынылады.
Жұмыссыз қалған тұлғаларға әлеуметтік жәрмақыларды белгілеу үшін, табыс көзін ауыстыратын коэффицентті 30% дан 40% ға дейін көтеру ұсынылды. Сондай-ақ, бұл әлеуметтік төлемді алу уақытын 4 айдан 6 айға дейін ұзарту көзделген.
Жалпы алғанда, ұсынылып отырған өзгерістер еӊбекке жарамсыз болып қалған жағдайда, асыраушысынан айырылғанда және жұмыссыз қалғанда әлеуметтік жәрдемақылар көлемін орташа 30 пайызға арттыруға мүмкіндік береді.
Қазіргі күні заӊ жобасы ҚР Үкіметініӊ қарауында.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.