Қазақстан Парламенті "Қазақстан Республикасыныӊ Ұлттық гвардиясы туралы" заӊды қабылдады
Астана. 26 желтоқсан. Kazakhstan Today - Заӊ жобасында Ұлттық гвардияныӊ құрамы мен қызметі анықталып көрсетілген.
"Оныӊ құрылымына 11 бөлім мен басқарма кіреді. Олар өздерініӊ салаларына қатысты құрылады. Ұлттық гвардияны басқолбасшы басқарады, оныӊ лауазымы аталмыш заӊжобасыныӊ сегізінші бабында көресетілген", - делінген халықаралық қарым-қатынас, қорғаныс және қауіпсіздік комитетініӊ қорытындысында, деп хабарлайды Kazakhstan Today агенттігініӊ тілшісі.
"Заӊ жобасыныӊ 5 бөліміне сәйкес Ұлттық гвардияда әскери борышын өтеу мүмкіндігі қарастырылған. Ұлттық гвардия мамандары әскери қызметкерлер мен азаматтық персонал болғандықтан олардыӊ әрқайысыныӊ міндеті анықталып, шектелген", - делінген қорытындада, деп хабарлайды strategy2050.kz тілшісі.
Сонымен қатар, Ұлттық гвария қызметініӊ ерекшелігі есепке алына отырып заӊжобасында әлеуметтік кепілдеме мен әскери қызметкерлерді және оныӊ отбасын баспанамен қамту мәселелері көрініс тапты.
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.