Қазақстан үкімет басшысы құқықтық статистика және арнаулы есеп комитетінің іс-қызметімен танысты
Қазақстан үкімет басшысы құқықтық статистика және арнаулы есеп комитетінің іс-қызметімен танысты
Астана. 31 шілде. "Қазақстан Бүгін" - Қазақстан үкімет басшысы Кәрім Мәсімов Бас прокуратураның құқықтық статистика және арнаулы есеп комитетінің іс-қызметімен танысты, деп хабарлайды агенттік тілшісі.
Бас прокуратураның құқықтық статистика және арнаулы есеп комитетінің төрағасы Георгий Кимнің айтуынша, мекеменің басты мақсат-міндеті мемлекеттік органдарды, заңды және жеке тұлғаларды заңдылық пен құқықтық тәртіп жөніндегі толық ақпаратпен тиімді әрі шынайы қамтамасыз ету, елімізде құқықтық статистика жүйесін дамыту және жетілдіруге саяды.
Кәрім Мәсімов жалпы алғанда комитеттің жүргізіп отырған жұмыстарын мақұлдады. "Сіздер алға қойған мақсаттар мен біз білетін ақпарат сұранысқа сай. Бірақ, осындай талдаманы біздің ұдайы әрі нақты пайдалана беруіміз бен комитет берген мүмкіндіктердің аяғына дейін талданатындығы - бөлек мәселе ", -деді ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.