АСТАНА. 27-желтоқсан. Kazakhstan Today. Қазақстанда бүгінгі күнге дейін 155 мыңнан астам заңсыз еңбек мигранттары заңдастырылды. Бұл туралы бүгінгі баспасөз мәслихатында журналистерге Астана қалалық ІІД көші-қон полициясы басқармасының бастығы Борис Колесниченко құлағдар етті, деп хабарлайды Kazakhstan Today тілшісі.
"Заңсыз еңбек мигранттарын заңдастырудың аяқталуына төрт күн қалды, Алматы, Алматы облысы және Оңтүстік Қазақстан облыстарында ең көп еңбек мигранттары заңдастырылған", - деді Б. Колесниченко. Ол Астана қаласында 2006 жылдың 26 желтоқсанына дейін берілген 11 078 өтініш бойынша 11 073 заңсыз еңбек мигрантының заңдастырылғанын атап өтті. "Естеріңізде болса, біз осы шараның басына 5 мыңдай мигранттың заңдастырылатындағына болжам жасағанбыз. Үй-үйді аралау және жұмыс берушілермен жүргізілген түсіндіру жұмыстары өз ролін атқарды", - деді астаналық ІІД көші-қон полициясы басқармасының бастығы.
"Заңдастырылғандар еңбек ететін ең негізгі қызмет саласы - бұл құрылыс, осы салада біз 10,5 мыңнан астам адамды заңдастырдық, яғни жалпы заңдастырылғандардың 95 пайызы", - деді ол. Оның мәліметтеріне сүйенсек қалған 5 пайыз қызмет көрсету саласына тиесілі: үй жұмысшылары, дәмхана және техникалық жөндеу орталықтарының жұмысшылары. Қазақстанға келетін заңсыз еңбек мигранттарының басым бөлігі Өзбекстаннан (8275 адам) және Қырғызстаннан (1372 адам) келгендер.
Б. Колесниченконың айтуынша, соңғы он күнде Астана қалалық ІІД-не өтініш берушілер белсенділік танытып отыр. "Күніне орта есеппен 300 адам өтініш беруде, ал қыркүйек, қазан және қараша айларында орта есеппен күніне 150-200 өтініш түскен", - деді ол. "Қалған төрт күнде енді қаншасы заңдастырылатындығын және Астанада осы рақымшылыққа іліккісі келетін әлі қанша заңсыз еңбек мигранттарының болатындығын айту әзірше қиын", - деді Астана қалалық ІІД көші-қон полициясы басқармасының бастығы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанда 155 мыңнан астам заңсыз еңбек мигранттары заңдастырылды - Астана қалалық ІІД
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.