Қазақстанда қылмыстық-атқару жүйесін дамытудың 2012-2015 жылдарға арналған бағдарламасы дайындалды
Бүгін Үкімет үйінде ҚР Премьер-Министрі Кәрім Мәсімовтің төрағалығымен ҚР Үкіметінің отырысы өтті. Онда ҚР Ішкі істер министрі Қалмұханбет Қасымов Қазақстан Республикасында қылмыстық-атқару жүйесін дамытудың 2012-2015 жылдарға арналған бағдарламасының жобасын таныстырды.
Астана. 29-мамыр. Kazakhstan Today - Қазақстанда қылмыстық-атқару жүйесін дамытудың 2012-2015 жылдарға арналған бағдарламасы дайындалды, деп хабарлайды Kazakhstan Today агенттігінің тілшісі.
Бүгін Үкімет үйінде ҚР Премьер-Министрі Кәрім Мәсімовтің төрағалығымен ҚР Үкіметінің отырысы өтті. Онда ҚР Ішкі істер министрі Қалмұханбет Қасымов Қазақстан Республикасында қылмыстық-атқару жүйесін дамытудың 2012-2015 жылдарға арналған бағдарламасының жобасын таныстырды.
Қазақстан Республикасында қылмыстық-атқару жүйесін дамытудың 2012-2015 жылдарға арналған бағдарламасының жобасы Қауіпсіздік кеңесінің шешімі бойынша әзірленген. Бағдарлама қылмыстық-атқару жүйесін ұйымдастыруды жетілдіру және оның тиімділігін арттыруды көздейді.
Бағдарламаның бірінші бағыты - сотталғандар арасындағы қылмысты азайту үшін нормативтік құқықтық актілерді жетілдіру болып табылады. Бұл бағыт аясында сотталғандардың құқықтары мен мүдделерін қорғау деңгейін арттырып, қылмыстық жазалардың атқарылу тәртібін сапалы деңгейге шығару мақсатында қылмыстық атқару заңнамаларын жетілдіру жөніндегі заң жобасының тұжырымдамасын әзірлеу жоспарлануда.
Министрдің мәліметінше, бүгінгі таңда еліміздегі түзету мекемелерінде 48,2 мың адам, соның ішінде 41 мың адам колонияларда, 6,5 мың адам тергеу изоляторларында жазасын өтеп жатыр. Бұлардың ішінде 35,5 мың адам ерлер колониясында , 2,8 мың адам әйелдер колониясында, 146 адам түзету колонияларында, 3 мыңнан астам адам колония-қоныс мекемелерінде және 153 адам түрмелерде отыр. Бас бостандығынан айырылғандардың жазаларын өтеу тәртібін қайта қарау, колония-қоныстардың қызметтерін күшейту, қоғамдық жұмыстарға тарту түріндегі жазаның қолданылу аясын кеңейту жоспарлануда.
Бағдарламаның екінші бағыты қамау мекемелеріндегі қылмыстар мен құқық бұзушылықтардың алдын алу бойынша іс-шаралар кешенін жүзеге асыруды көздейді. Бұл жерде арнайы адамдар құрамын жұмыспен қамту маңызды рөл атқарады.
"Алдын алу шаралар кешенінің аясында бейне бақылау құралдарын дамыту, адам бетін, сондай-ақ жүкті жеке тексеретін рентген құралдар сатып алу, колонияларды ұялы байланыс желісін өшіріп тастайтын құралдармен жабдықтауды аяқтау көзделген. Жедел режимнің тиімділігін арттыру, сотталушыларды түзету және оларға берілетін психологиялық кеңестердің тиімділігін арттыруды көздейтін бұл шаралар қамау мекемелерінде тиісті тәртіп орнатады деп болжап отырмыз", - деді Қ.Қасымов.
Үшінші бағыт - қылмыстық-атқару жүйесі мекемелерін жаңғырту және дамыту, олардың материалдық базаларын оңтайландыру және нығайту болып табылады.
"Қызылорда, Орал қалалары мен Алматы облысына қарасты Заречный кентіндегі жұмыс істеп тұрған үш колонияны жаңғыртуды аяқтау үшін және Семей, Өскемен, Орал қаласында үш түзету мекемесінің құрылысын бастау үшін, 59 мекемені күрделі жөндеуден өткізу үшін мақсатты қаржы бөлу көзделген. Сондай-ақ 19 колонияның инженерлік-техникалық құралдарын күрделі жөндеуден өткізуге арналған жобалық-сметалық құжаттама әзірлеу жоспарланған", - деп толықтырды министр.
Бағдарламада сотталушыларды жеке-жеке камераларда қамауға арналған арнайы мекемелердің құрылысына, 1500 адамға арналған арнайы түзету мекемесінің тиіптік жобасын әзірлеуге ерекше назар бөлінеді. Шамалап алғанда, осындай бір мекеме салу үшін 12 млрд. теңге қаражат кетеді.
Бағдарламаның төртінші бағыты арнайы адамдар құрамының денсаулығын жақсартуды көздейді. Бұл бағытта туберкулез ауруына шалдыққан сотталушылар үшін еліміздің батыс өңірінде емдеу-алдын алу мекемесін салу қарастырылып отыр. Сонымен қатар, қазір жұмыс істеп тұрған емдеу-алдын алу мекемелерін жөндеуден өткізу және жаңғырту, Семей қаласында 450 орынға арналған республикалық емдеу-алдын алу мекемесін салу жоспарда бар.
Ал бесінші бағыт бас бостандықты айырумен байланысты емес жаза түрлерін орындауды ұйымдастыру шараларын қамтиды. Алтыншы бағыт жазасын өтеп шыққан адамдардың ортаға бейімделуінің тиімділігін арттыруға бағытталған.
Бағдарлама жазасын өтеп шыққан адамдарды әлеуметтік бейімдеу шараларын, сондай-ақ тұратын жері жоқ адамдарды арнайы мамандандырылған әлеуметтік мекемелерге орналастыру шараларын жүзеге асыруды көздейді. Бағдарламаны іске асыру үшін 2015 жылға дейін 21,9 млрд. теңге, ал ағымдағы жылға 7,5 млрд. теңге қаражат қажет болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көктемгі дала жұмыстарына қосымша 400 миллиард теңгеге дейін қаражат тартылады
Көктемгі дала жұмыстарын оңтайлы егіншілік уақытында жүргізу бүгінгі күннің маңызды міндеттерінің бірі болып табылады. Бұл мiндеттi орындау үшiн ауыл шаруашылығы тауарын өндiрушiлердiң ұзақ уақыт бойы шектелген қарыз қаражатына қол жеткiзуi тиiс.
Егіс жұмыстарын жеңілдетілген несиелендіруге 2024 жылы "Аграрлық несие корпорациясы" АҚ арқылы 140 миллиард теңге, "Азық-түлік корпорациясы" АҚ арқылы 40 миллиард теңге көлемінде бюджет қаражаты бөлінді, деп хабарлайды ҚР Ауылшаруашылық министрлігінің баспасөз қызметінен.
Осы қаражатты ескере отырып, Қазақстан Республикасы Ауыл шаруашылығы министрлігінің бағалауы бойынша көктемгі дала жұмыстарын қаржыландырудағы тапшылық шамамен 1,3 триллион теңгені құрайды.
Дегенмен, Қазақстан Республикасының Үкіметі егіс науқанын қаржыландыруға қолжетімділікті арттыру бойынша жұмыс жүргізуде.
Мемлекет басшысының тапсырмасы бойынша көктемгі егіс жұмыстарын жүргізуге берілетін несиенің пайыздық мөлшерлемесін субсидиялауға қаражат бөлу арқылы қосымша 400 миллиард теңгеге дейін қаражат тартылады.
Осы мақсаттарға Үкімет резервінен 60 млрд теңге бөлініп, ол қарыз несиелерінің құнын төмендетуге, сондай-ақ ауыл шаруашылығы тауарын өндірушілердің несиелеріне кепілдік беруге бағытталады.
Бұл тәсіл ауыл шаруашылығы кәсіпорындарына егіс жұмыстарын жүргізу үшін жылдық бірден 5% несие қаражатын беруге және жеткілікті кепілдік болмаған жағдайда несие сомасының 85% дейін кепілдік беруге мүмкіндік береді.
Ереже жобасы бүгін жергілікті атқарушы органдар мен Орталық мемлекеттік басқару органдарына келісу үшін жіберіледі.
Сондай-ақ бүгінде азық-түлік корпорациясын қосымша қаржыландыру үшін "Азық-түлік корпорациясы" 200 мың тонна астықты тауарлық несиелеу бағдарламасын жүзеге асыруға кірісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Қазақстан халқы Ассамблеясы төрағасының орынбасарларын тағайындады
Сурет: Akorda
Тоқаев Қазақстан халқы Ассамблеясы төрағасының орынбасарларын тағайындады, деп хабарлайды Ақорданың баспасөз қызмтінен.
Мемлекет басшысының өкімдерімен Лугмар Харкиевич Буларов және Юрий Германович Шин Қазақстан халқы Ассамблеясы Төрағасының орынбасарлары болып тағайындалды", деп көрсетілген Өкім мәтінінде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.