Қазақстанда Орталық Азия елдері үшін авиациялық қауіпсіздік бойынша ИКАО оқу орталығын ашу жоспарланған
2013 жылдың қыркүйегінде Қазақстанда Орталық Азия елдері үшін авиациялық қауіпсіздік бойынша оқу орталығының ашылуы күтілуде,
деп хабарлады Primеminister.kz сайтына берген эксклюзивті сұхбатында ҚР Көлік және коммуникация министрлігінің Азаматтық авиация комитетінің төрағасы Бекен Сейдахметов.
Астана. 29-шілде. Kazakhstan Today - Қазақстанда Орталық Азия елдері үшін авиациялық қауіпсіздік бойынша ИКАО оқу орталығын ашу жоспарланған , деп хабарлайды Kazakhstan Today агенттігінің тілшісі.
2013 жылдың қыркүйегінде Қазақстанда Орталық Азия елдері үшін авиациялық қауіпсіздік бойынша оқу орталығының ашылуы күтілуде,
деп хабарлады Primеminister.kz сайтына берген эксклюзивті сұхбатында ҚР Көлік және коммуникация министрлігінің Азаматтық авиация комитетінің төрағасы Бекен Сейдахметов.
"Қазақстанда алғаш рет авиациялық қауіпсіздік бойынша Орталық Азия елдері үшін ИКАО (Азаматтық авиацияның халықаралық ұйымы - ред. еск.) оқу орталығы ашылуда. Біз авиациялық қауіпсіздік бойынша инспекторларымызды оқытып, көршілес елдерден әріптестерімізді шақырамыз. Оқу бағдарламасы, оқу базасы және оқытушылар құрамын даярлау ИКАО талаптарының негізінде жүзеге асырылады", - деді Б.Сейдахметов.
Ол айтып өткендей, Кеңес одағынан кейінгі кеңістікте бұл Киев пен Мәскеуден кейінгі үшінші оқу орталығы болады.
Орталықтың ашылуы үстіміздегі жылдың қыркүйек айының басына жоспарланған Астанада ИКАО өңірлік директоры Луиса Фонсека де Алмейданың қатысуымен өтетін авиациялық қауіпсіздік мәселелері бойынша халықаралық конференцияға орайластырылған.
Сонымен қатар, ол қазақстандық авиациялық мамандарды даярлау сапасын арттыру үшін заманауи оқыту әуе кемелерін және жаңа жаттығу кешендерін алуға республикалық бюджеттен 2014 жылға 2 млрд жуық теңге бөлу жоспарланғанын хабарлады.
"Соңғы үш жылда Азаматтық авиация академиясының 750 түлегінің ішінен тек 250 еңбекпен қамтылды, бұл сұраныстың төмендігін және отандық авиаторлардың дайындығының әлсіз деңгейін көрсетеді", - деп түйіндеді ААК төрағасы.
Енді ИКАО методологиялық қолдауын, саланы дамыту жоспарларын пайдаланып, бұл тенденцияны өзгертуге болады деп есептейды Б.Сейдахметов.
Бұдан өзге, азаматтық авиация саласындағы қадағалау сапасын арттыру мақсатында мемлекеттік авиаинспекторлар штаты Қазақстанда 24-тен 40 маманға дейін артқан, деп хабарлады Бекен Сейдахметов.
"ИКАО сарапшыларының ұсыныстарына сүйенсек, азаматтық авиация саласында қадағалау сапасын арттыру мақсатында мемлекеттік инспекторлар штаты 24-тен 40 бірлікке арттырылған", - деді ААК басшысы.
Сонымен қатар, Б.Сейдахметовтің айтуынша, әуе инспекторлаының еңбекақысы айтарлықтай артқан, бүгінгі таңда олардың еңбектері сала кәсіпорындарының еңбекақысы деңгейінде өтелуде.
ААК төрағасының мәліметінше, Қазақстанда ИКАО аудиті ескертулерін жою бойынша ведомствоаралық іс-шаралар жоспарын орындау шеңберінде қазіргі уақытта ИКАО Техникалық ынтымақтастық бюросының (ТЫБ) 9 сарапшысы тартылған.
"Үстіміздегі жылдың басынан бастап бізде түрлі бейіндегі 9 сарапшы жұмыс жасайды - жазғы эксплуатация, әуе кемелерінің техникалық жағдайы, авиацияның құқықтық базасы, адами ресурстар бойынша, әуежайлар мен аэронавигация саласында", - деп түсіндірді Б.Сейдахметов.
ИКАО ұсыныстарына сүйеніп, деп жалғады өз сөзін ААК басшысы, авиациялық қызметтің заңнамалық тексерісі жүргізілген, қазақстандық әуе компанияларын қайта сертификаттау үдерісі жүргізілуде, аэронавигациялық құрылымдарды, жердегі қызметтерді қайта ұйымдастыру жүргізіліп жатыр.
Комитет басшысы еске түсіргендей үстіміздегі жылдың шілдесінде күшіне енген авиация туралы заң түзетулерінің 70 % ұшу қауіпсіздігін қатайтуға бағытталған.
"Қазақстанда ұшу қауіпсіздігінің Ұлттық бағдарламасын әзірлеу басталған. Бұдан өзге, ИКАО сарапшылары екі бөлек заң жасауды ұсынады - әуе кеңістігін пайдалану және азаматтық авиация қызметі туралы, олар бойынша тұжырымдамалар әзірлеу басталды", - деп қортындылады Азаматтық авиация комитетінің төрағасы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыдағы рекреациялық аймаққа 230 гектарға жуық жер қайтарылды
Антикор Қоғамдық кеңесінің отырысында Алматы қаласының тау бөктеріндегі құрылыстың проблемалық мәселелері қаралды, деп хабарлайды Сыбайлас жемқорлыққа қарсы іс-қимыл агенттігінің баспасөз қызметінен.
Ағымдағы жылдың 26 сәуірінде Алматы қаласында Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің көшпелі отырысы өтті.
Іс-шараға Агенттіктің Төрағасы Асхат Жұмағали, Алматы қаласының әкімі Ерболат Досаев, өнеркәсіп және құрылыс, ауыл шаруашылығы, төтенше жағдайлар, су ресурстары, экология, денсаулық сақтау министрліктерінің басшылық құрамы және т.б. қатысты.
Іс-шараның модераторы Парламент Мәжілісінің депутаты, Қоғамдық кеңестің төрағасы Марат Башимов болды.
Күн тәртібінде Агенттіктің 2023 жылы әкімдікпен бірлесіп өткізген Алматы қаласының тау бөктеріндегі құрылыс саласындағы жемқорлық тәуекелдерін сыртқы талдау қорытындылары бойынша ұсынымдарды іске асыру мәселесі қаралды.
Агенттік Төрағасы кіріспе сөзінде талдау қорытындысы бойынша анықталған негізгі жемқорлық тәуекелдері туралы айтып, олардың орындалуы ерекше бақылауда екенін атап өтті.
Өздеріңіз білетіндей, Мемлекет басшысы Алматы қаласын дамытуға, оңтүстік астананың жайлы қалалық ортасын құруға ерекше көңіл бөледі. Ел Президенті қаланың нүктелік құрылыс тәжірибесін жою қажеттігін бірнеше рет атап өтті, ал құрылыс кезінде оның тұрғындарының мүдделерін міндетті түрде ескеру қажет", - деп атап өтті Антикор басшысы.
Осыған байланысты, отырыс барысында жауапты орындаушылар тарапынан ұсыныстарды орындаудың сапасы мен уақыттылығына, формализмді жоюға ерекше назар аударылды.
Іс-шара аясында баяндамашылар жүргізілген жұмыстың нәтижелерін айтты.
Мәселен, Алматы қаласының жаңа Бас жоспары әзірленіп, бекітілді, онда табиғи сипаттағы төтенше жағдайларға ұшыраған аумақтар ескерілді.
Тұрғын аймақтан 229 га жер рекреациялық аймаққа қайтарылды, сібір жарасы бар жер учаскесі мемлекеттік меншікке берілді, барлық су объектілеріне түгендеу жүргізілді.
Тау бөктерінде анықталған 54 заңсыз объект бойынша мемлекет пайдасына 36 сот актісі шешілді, оның 30-ы заңды күшіне енді, 2 заңсыз объект бұзылды, тағы 3-і бұзуды күтуде.
Сонымен қатар, Парламент Мәжілісінде бірқатар заң жобалары қаралуда, онда Агенттіктің мемлекеттік сәулет-құрылыс бақылауының жауапкершілігін күшейту, ТЖМ-ге қала құрылысы жобаларын келісу, жекелеген құрылыс ұғымдарын регламенттеу және т.б. өкілеттіктер беру жөніндегі ұсынымдары ескерілген.
Қорытындылай келе, Агенттік Төрағасы қаралған мәселенің маңыздылығын атап өтіп, бірінші кезекте мегаполис тұрғындарының қауіпсіздігіне баса назар аудару қажеттігін айтты.
Бұл алаң кездейсоқ таңдалған жоқ, себебі талқыланып отырған мәселе қала жұртшылығы үнемі назарында және әрбір тұрғын бұл үшін алаңдайды, бұл халықты осы бағыттағы мемлекет жүргізіп жатқан жұмыс туралы хабардар етуді талап етеді", - деп атап өтті Антикор басшысы.
Іс-шара соңында жауапты орындаушыларға жоспарланған іс-шараларды қысқа мерзімде аяқтау үшін толық шаралар қабылдау бойынша нақты ұсыныстар берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.