АСТАНА. 9-қазан. Kazakhstan Today. ҚР ҰҚК-нің қызметкерлері көршілес елдердің арнаулы қызметтерінің қатысуымен халықаралық қылмыстық топтан 66,5 килограмм героин мен 197 килограмм апиын тәркіледі. Бұл туралы Kazakhstan Today тілшісіне ҚР ҰҚК-нің баспасөз қызметі хабарлады.
"6-қазан күні таңертең Алматы қалалық ҰҚК департаментінің қызметкерлері аса ірі көлемдегі есірткі партиясын бақылау аясында ақырғы жеткізу кезеңінде бес адамнан құралған халықаралық есірткі тасымалдаушы қылмыстық топты құрықтады. Бес адамнан құралған топта арнаның негізін қалаушы жетекшісі мен Тәжікстан, Өзбекстан және Қазақстан азаматтарынан тұратын сыбайластары бар",- деп хабарлайды ҰҚК-нің баспасөз қызметі.
Шетелдік әріптестерімен бірге өткізген арнаулы шара барысында арнаулы қызмет 263,5 кг жоғары сапалы ауған героині мен апиынын, соның ішінде 66,5 килограмм героин мен 197 килограмм апиын тәркіледі.
Арнаулы қызметтің ақпаратына сәйкес, есірткі партиясы контрабандалық жолмен Тәжікстан және Өзбекстан аумағы арқылы жүзіммен бірге жеткізілген.
Бұл дерек бойынша қылмыстық іс қозғалып, тергеу амалдары жүргізілуде.
Жалпы алғанда 20-қыркүйектен бері еліміздің ұлттық қауіпсіздік мекемелері 69 кг героин, 130 килограмм марихуана, 200 килограмм апиын тәркіледі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанның арнаулы қызметтері арнайы шара барысында 66,5 килограмм героин мен 197 килограмм апиынды заңсыз айналымнан шығарды
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.