Қызылордалық 15,5 мыӊ азамат биыл жұмыспен қамту бойынша мемлекет көмегіне жүгінді
Облыста қажеттілік бар 30 жұмысшы мамандық пен кәсіпке оқыту жөнінде 20 колледж бен кәсіптік мектеп белгіленген. Барлығы, Қызылорда облысында, жедел топтардыӊ іс-қимылы нәтижесінде Бірыӊғай ұлттық тестілеуден өте алмаған, сондай-ақ, кәсіби білімі жоқ жастар санатынан 1,5 мыӊға жуық жан назарға іліккен.
Қызылорда. 4 шілде. Kazakhstan Today - 2017 жылдыӊ 1 маусымындағы жағдай бойынша Қызылорда облысыныӊ 15,5 мыӊ тұрғыны (оныӊ ішінде 99,2% жұмыссыз) биыл жұмыспен қамту орталықтары арқылы мемлекет көмегіне жүгінді (елімізде орташа алғанда Нәтижелі жұмыспен қамтуды және жаппай кәсіпкерлікті дамыту бағдарламасына қатысушылардыӊ арасындағы жұмыссыздар үлесі 84,3%-ды құрайды), деп хабарлайды
enbek.gov.kz.
Жәрдемге мұқтаждардыӊ қатарынан 11,1 мыӊ азаматқа (71,6%) мемлекеттік Жұмыспен қамту бағдарламасы аясында жұмысқа орналастыруға ықпал ету шаралары көрсетілген. Оныӊ ішінде 5,3 мыӊ адам немесе 47,8%-ы тұрақты еӊбекпен қамтылған.
Бағдарлама қатысушыларын техникалық-кәсіби біліммен және қысқа мерзімді кәсіби оқумен қамтамасыз ету мақсатында, ағымдағы жылы, техникалық және кәсіби білім бағытында 1 515 адам көлемінде кадр даярлау әрі 3 518 адам тұрғысында қысқа аралықтағы оқыту ұйымдастыру жоспарланған.
Облыста қажеттілік бар 30 жұмысшы мамандық пен кәсіпке оқыту жөнінде 20 колледж бен кәсіптік мектеп белгіленген. Барлығы, Қызылорда облысында, жедел топтардыӊ іс-қимылы нәтижесінде Бірыӊғай ұлттық тестілеуден өте алмаған, сондай-ақ, кәсіби білімі жоқ жастар санатынан 1,5 мыӊға жуық жан назарға іліккен. Олар оқу сабақтарын үстіміздегі жылдыӊ 1 қыркүйегінде бастамақ.
Аумақтық жұмыспен қамту орталықтары арқылы 505 адамды әлеуметтік жұмыс орындарына тұрғызып, жастар тәжірибесіне 905 оқу орны түлегін жіберу жоспарланып отыр. Биылғы 22 маусымға қарағанда облыста 584 адам әлеуметтік жұмыс орындарымен қамтылып, жастар тәжірибесіне 849 адам жолданған.
Жаппай кәсіпкерлікті өркендетуді мемлекеттік демеу шеӊберінде, 24 маусымға дейін Қызылорда облысында 16 шағын несие берілген.
Кәсібін енді қолға алған адамдар үшін, "Бастау-бизнес" жобасы аясында, кәсіпкерлік негіздеріне оқыту жүргізілуде. Бүгінде жобада 394 адам қамтылып (жоспардағы 937 адамнан 43%), олардыӊ барлығы айлық оқыту курстарын тәмамдады.
Ел бойынша "Бизнес-Бастау" жобасында 5,9 мыӊ адамныӊ 5,5 мыӊы оқуын аяқтады.
ҚР Ұлттық экономика министрлігі Статистика комитетініӊ ресми дерегінше, биылғы 1-ші тоқсанныӊ қорытындысында, Қызылорда облысындағы жұмыс күшініӊ (халықтыӊ экономикалық белсенді тобыныӊ) саны 331,4 мыӊ адамды межеледі.
Жұмыспен қамтылған халық саны 315,5 мыӊ адамды байқатса, оныӊ 112,1 мыӊы өзін жұмыспен қамтыған болып есептеледі.
Сәйкес мерзімдегі жұмыссыздық деӊгейі 4,8% болса, жастар арасында (15-28 жас шегі) 3,2%-ды төӊіректеуде.
Осымен бірге, 2017 жылдыӊ басымен салыстырғанда, жалдамалы жұмысшылар саны 3,5 мыӊ адамға азайған.
Жергілікті атқарушы органдардыӊ мәліметіне сәйкес, биылғы 1 маусымда жұмыспен қамту орталықтарына 5,5 мыӊ адам тіркелген.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.