Қостанайда есірткі сатпақ болған әйел ұсталды
Қостанайда есірткі сатпақ болған әйел ұсталды.
Қостанай. 19 қазан. "Қазақстан Бүгінгі" - Қазаның 16-да Қостанайда есірткі бизнесімен күрес жөніндегі қызметкерлері есірткі сатумен айналысып жүрген әйелді тұтқындады. Бұл жөнінде агенттік Қостанай облысының ішкі істер департаментісінің баспасөз қызметіне сілтеме жасап хабарлады.
Баспасөз қызметінің хабарлауынша, 46 жастағы жұмыссыз әйел қаланың бір дәмханасындағы тексеру кезінде көп мөлшердегі героинмен ұсталған. Ірі көлемге жататын 175 грамм героинді әйел іш киіміне жасырмақшы болған.
Баспасөз қызметінің хабарлауынша, бұл дерек бойынша ҚР Қылмыстық іс жүргізу кодексінің 259 бабы, 2-тармағы бойынша "Есірткілік заттарды сату мақсатымен заңсыз сатып алу немесе сақтау" жөнінде қылмыстық іс қозғалды. Қазіргі жағдаймен күдікті уақытша тергеу изоляторында отыр, ұсталған әйелмен байланыста болған заңсыз есірткі айналымына қатыс ы бар адамдарды анықтауға бағытталған кешенді жұмыстар жүргізіліп жатыр.
Полиция ақпаратына сәйкес, жылдың басынан бері бір тоннадан астам есірткі, соның ішінде 958 кг марихуана, 7 кг 300 грамм героин, 4 кг апиын, 17 кг гашиш заңсыз айналымнан шығарылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.