ҚР қаржы полициясының органдары 2007 жылы сыбайлас- жемқорлық қылмыстардың 75% анықтап тіркеген
ҚР қаржы полициясының органдары 2007 жылы сыбайлас- жемқорлық қылмыстардың 75% анықтап тіркеген
Астана. 22 қаңтар. "Қазақстан Бүгін" - Қазақстанның қаржы полициясының органдары 2007 жылы сыбайлас -жемқорлық қылмыстардың 75% анықтап тіркеген. Бұл туралы бүгін өткен баспасөз мәслихатында ҚР экономикалық және сыбайлас жемқорлыққа қарсы күрес жөніндегі агенттігінің сыбайлас- жемқорлық қылмыстарды алдын алу және ашу департаменті бастығының орынбасары Сәтім Тастайбеков мәлім етті, деп хабарлайды агенттік тілшісі.
"Соңғы 3 жылда қылмықтық-құқықтық статистикасы, қаржы полициясының қызметі сыбайлас- жемқорлыққа қарсы күрес бойынша жүргізіп жатқан жұмыстарының күшейтіліп, қылмыстардың беті жиі ашылып жатқандығын дәлелдейді ", - деді С. Тастайбеков.
"Өткен жылы қаржы полициясы елде құқық қорғау органдарында тіркелген барлық сыбайлас- жемқорлық қылмыстардың 75 % өздері анықтап әшкерелеген", - деді ол. С Тастайбековтың мәліметтері бойынша, құқық қорғау органдарында тіркелген 1771 қылмыстың 1330 қаржы полициясының қызметкерлері анықтаған.
" Қылмыстарды анықтау көрсеткіштері және шығындарды мемлекет пен жеке азаматтарға қайтару бойынша ең жоғарғы қорытындыларға қол жеткізілді. Құқық қорғау органдары арасында оның таза салмағы 99% құрады", деді С. Тастайбеков. Оның ақпараты бойынша, қаржы полициясы қызметкерлері сыбайлас- жемқорлық қылмыстар мемлекетке 3,6 млрд теңге мөлшерінде шығын келтірілгенін анықтаған. Оның 3,5 млрд теңгесі қаржы полициясының күшімен қайтарылды. "2006 жылмен салыстырғанда шығын мөлшерін қайтару көрсеткіштері 39,3% өсті", - деп хабарлады қаржы полициясының өкілі. Ал 2006 жылы қаржы полициясы тарапынан 930 млн теңгеге шығын келтіргендігі анықталып, оның 535 млн теңгесі немесе 57,5% қайтарылған болатын.
"Өткен жылы сыбайлас жемқорлық қылмыстардың басым көпшілігі пара алумен байланысты болды. Олардың көрсеткіші 52% құрады ( 288 ден 437 қылмыс жасалған). Сондай-ақ, қызмет бабын асыра пайдаланып, біреудің мүлкін заңсыз иелену сияқты қылмыстар 34% жетті", деп хабарлады С. Тастайбеков.
Оның сөздеріне қарағанда, сыбайлас жемқорлық қылмыстар, әсіресе сот қазылары арасында жиі кездесуде. Өткен жылы 21 қылмыстың беті ашылды. Ал 2006 жылы алты қылмыс қана тіркелген болатын. Сонымен қатар, атқарушы билік өкілдері де сыбайлас-жемқорлық қылмыстарға жиі барып, өткен жылы олардың 142 қылмысы тіркелді. "Олардың арасында түрлі дәрежедегі әкімдер тарапынан 52 қылмыс жасалды. Ішкі істер органдарының қызметкерлері 96 қылмысқа барса, әділет органдарының қызметкерлері - 35, ТЖМ-30 қылмысты жасаған", - деп анықтап берді ол.
"қауіпсіздік кеңесі 2006 жылдың 1 маусым айында қаржы полициясы алдына сыбайлас жемқорлыққа жиі баратын негізгі бес саланы айқындап берген. Олар-салық және кеден органдары, жол полициясы, мемлекетік сатып алу және жер- қатынастары комитеттері ", - деп ескертті С. Тастайбеков.
"Агенттік белгіленген салаларда 2007 жылы 379 сыбайлас жемқорлық қылмыстарын ашты. Ал 2006 жылы 334 қылмыс тіркелген болатын", -деді ол.
"қылмыстық көрсеткіштер жер қатынастары саласында жасалған қылмыстар есебінен 14% көтеріліп, 97 қылмыс тіркелді. Оның 32 сі-салық органдарында жасалды", - деп жеткізді С. Тастайбеков.
Қаржы полициясы өкілініің мәліметтері бойынша, мемлекеттік сатып алу саласында 2007 жасалған қылмыстар саны (199 қылмыс) 2006 жылғы(198қылмыс) деңгейде қалды. Ал кедендік комитеттері (19-18) және жол полициясы (32-29) бойынша тіркелген қылмыстар саны да бұрыңғы көрсеткіштерден аса қоймады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Алматыдағы рекреациялық аймаққа 230 гектарға жуық жер қайтарылды
Антикор Қоғамдық кеңесінің отырысында Алматы қаласының тау бөктеріндегі құрылыстың проблемалық мәселелері қаралды, деп хабарлайды Сыбайлас жемқорлыққа қарсы іс-қимыл агенттігінің баспасөз қызметінен.
Ағымдағы жылдың 26 сәуірінде Алматы қаласында Қазақстан Республикасы Сыбайлас жемқорлыққа қарсы іс-қимыл агенттігінің Қоғамдық кеңесінің көшпелі отырысы өтті.
Іс-шараға Агенттіктің Төрағасы Асхат Жұмағали, Алматы қаласының әкімі Ерболат Досаев, өнеркәсіп және құрылыс, ауыл шаруашылығы, төтенше жағдайлар, су ресурстары, экология, денсаулық сақтау министрліктерінің басшылық құрамы және т.б. қатысты.
Іс-шараның модераторы Парламент Мәжілісінің депутаты, Қоғамдық кеңестің төрағасы Марат Башимов болды.
Күн тәртібінде Агенттіктің 2023 жылы әкімдікпен бірлесіп өткізген Алматы қаласының тау бөктеріндегі құрылыс саласындағы жемқорлық тәуекелдерін сыртқы талдау қорытындылары бойынша ұсынымдарды іске асыру мәселесі қаралды.
Агенттік Төрағасы кіріспе сөзінде талдау қорытындысы бойынша анықталған негізгі жемқорлық тәуекелдері туралы айтып, олардың орындалуы ерекше бақылауда екенін атап өтті.
Өздеріңіз білетіндей, Мемлекет басшысы Алматы қаласын дамытуға, оңтүстік астананың жайлы қалалық ортасын құруға ерекше көңіл бөледі. Ел Президенті қаланың нүктелік құрылыс тәжірибесін жою қажеттігін бірнеше рет атап өтті, ал құрылыс кезінде оның тұрғындарының мүдделерін міндетті түрде ескеру қажет", - деп атап өтті Антикор басшысы.
Осыған байланысты, отырыс барысында жауапты орындаушылар тарапынан ұсыныстарды орындаудың сапасы мен уақыттылығына, формализмді жоюға ерекше назар аударылды.
Іс-шара аясында баяндамашылар жүргізілген жұмыстың нәтижелерін айтты.
Мәселен, Алматы қаласының жаңа Бас жоспары әзірленіп, бекітілді, онда табиғи сипаттағы төтенше жағдайларға ұшыраған аумақтар ескерілді.
Тұрғын аймақтан 229 га жер рекреациялық аймаққа қайтарылды, сібір жарасы бар жер учаскесі мемлекеттік меншікке берілді, барлық су объектілеріне түгендеу жүргізілді.
Тау бөктерінде анықталған 54 заңсыз объект бойынша мемлекет пайдасына 36 сот актісі шешілді, оның 30-ы заңды күшіне енді, 2 заңсыз объект бұзылды, тағы 3-і бұзуды күтуде.
Сонымен қатар, Парламент Мәжілісінде бірқатар заң жобалары қаралуда, онда Агенттіктің мемлекеттік сәулет-құрылыс бақылауының жауапкершілігін күшейту, ТЖМ-ге қала құрылысы жобаларын келісу, жекелеген құрылыс ұғымдарын регламенттеу және т.б. өкілеттіктер беру жөніндегі ұсынымдары ескерілген.
Қорытындылай келе, Агенттік Төрағасы қаралған мәселенің маңыздылығын атап өтіп, бірінші кезекте мегаполис тұрғындарының қауіпсіздігіне баса назар аудару қажеттігін айтты.
Бұл алаң кездейсоқ таңдалған жоқ, себебі талқыланып отырған мәселе қала жұртшылығы үнемі назарында және әрбір тұрғын бұл үшін алаңдайды, бұл халықты осы бағыттағы мемлекет жүргізіп жатқан жұмыс туралы хабардар етуді талап етеді", - деп атап өтті Антикор басшысы.
Іс-шара соңында жауапты орындаушыларға жоспарланған іс-шараларды қысқа мерзімде аяқтау үшін толық шаралар қабылдау бойынша нақты ұсыныстар берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Президенті су тасқынынан кейін өңірлерді қалпына келтіру мерзімдерін белгіледі
Сурет: ТЖМ
Қазақстан президенті Қасым-Жомарт Тоқаев Қазақстан халқы Ассамблеясының "Бірлік. Жасампаздық. Өрлеу" атты ХХХІІІ сессиясының отырысында сөйлеген сөзінде су тасқынынан кейін өңірлерді қалпына келтіру мерзімдерін белгіледі, деп хабарлайды Мемлекет басшысының баспасөз қызметі.
Қазақта "Алпыс күн тасыған дария, алты күнде қайтады" деген сөз бар. Көп ұзамай қарғын су кетіп, жұрт күнделікті өмірге оралады. "Әр қиындықтың қайыры бар" дейді халқымыз.
Біріншіден, тасқын кезінде ел бірлігі нығая түсті. Арқадағы ағайынға, Жайықтағы жұртқа бүкіл Қазақстан халқы көмектесуге ұмтылды. Апат аймағында тұратын адамдар барша отандасымыздың шынайы жанашырлығын сезінді.
Екіншіден, елдің жағдайын жақсарту үшін ешкім қиындықтың келуін күтіп отырмайтыны анық. Дегенмен, мұндай апаттар біраз шаруаны шұғыл қолға алуға себепкер болады.
Тасқын аяқталған соң кейбір ауылдар тың жерге қоныстанып, жаңадан бой көтереді. Жол салынады, су тартылады. Ауылдарымыз мүлде жаңа келбетке ие болады. Жалпы, әлемдегі үлкен дағдарыстардың қарқынды дамуға жол ашатыны белгілі", деді президент.
Қазіргі алапат тасқын да, түптеп келгенде, елімізге оң әсерін тигізеді деп ойлаймын. Сын сағатта жұдырықтай жұмылған жұртымыз осы қалпында өрлеу, жаңғыру кезеңіне қадам басады. Бәрі де жақсы болады.
Бәріміз - бір елдің азаматымыз. Тарих тоғыстырған тағдырымыз - бір, сеніммен қадам басатын келешегіміз - бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз - Қазақстанның жарқын болашағын бірге жасаймыз. Біздің мақсатымыз - айқын, бұл - Әділетті Қазақстанды құру.
Мен Қазақстан Республикасының Тәуелсіздігін қорғауды Президент ретіндегі ең басты міндетім деп санаймын. Осы қастерлі міндет Әділетті Қазақстанды құру және белсенді әрі сындарлы сыртқы саясат жүргізу арқылы ғана орындалады. Биік мақсатқа жету үшін түрлі кедергіден өтеміз, барлық қиындықты жеңеміз. Ауқымды міндеттерді орындаймыз. Біз еліміздің басты құндылықтары мен бағыт-бағдарынан айнымаймыз. Мемлекеттілігімізді нығайтып, тәуелсіздік туын әрдайым биік ұстаймыз. Мен бұған нық сенемін және сол үшін бәрін жасаймын. Бұл - менің президенттік әрі перзенттік парызым.
Еліміз аман, жұртымыз тыныш болсын!", деп түйіндеді өз сөзін Қасым-Жомарт Тоқаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бектенов Атырау облысында су басу қаупін азайту үшін қабылданып жатқан шаралардың барысын тексерді
Қазақстан Премьер-Министрі Олжас Бектенов Мемлекет басшысы Қасым-Жомарт Тоқаевтың тапсырмаларын орындау аясында Атырау облысында су басу қаупін азайту үшін қабылданып жатқан шаралардың барысын тексерді, деп хабарлайды Үкіметтің баспасөз қызметінен.
Олжас Бектенов облыс орталығындағы тұрғын үй алаптары бекіністерін тексеру барысында Атырау қаласының су тасқынының болжамды екінші толқынына дайындық жұмыстарымен танысты. Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр.
Бұрын хабарланғандай, Батыс Қазақстан облысындағы ірі су тасқынынан кейін ағын су өзен арнасымен Атырау облысына қарай жылжып, Каспий теңізіне құяды. Соңғы тәулікте БҚО тарапынан келетін судың әсерінен Атырау қаласында су деңгейінің 6 см-ге көтерілуі тіркелді (су тасқыны басталғаннан бері жалпы көтерілуі 227 см-ді құрады).
Тұрғын үй алаптарын нығайту, сондай-ақ Жайықтың өткізу қабілетін арттыру үшін өзен түбін тереңдету жұмыстарының қарқыны тексерілді. Тиісті күштердің көлемді судың келуіне дайындық деңгейін қарап көрді.
Үкімет басшысы Олжас Бектенов Атырау облысына су тасқыны жағдайы тұрақтанған өңірлерден әскери қызметшілер мен техниканы жедел жеткізіп, күштерді арттыруды тапсырды.
Бүгінгі таңда су тасқынының алдын алу шараларының 92%-ы орындалды. Жұмысты тиімді жүргізу үшін қала 111 секторға бөлінген. Ұзындығы 482 км қорғаныс бөгеттері салынды, аяқталған учаскелер техникалық қадағалау арқылы тексерілді. Жұмыстарға ТЖМ, ІІМ, Қорғаныс министрлігі, Ұлттық ұланның 6 мыңға жуық әскери қызметшісі, әкімдік қызметкерлері, 2 мыңға жуық техника жұмылдырылған. Еріктілер тарапынан белсенді көмек көрсетілуде. Өткен сенбіде жағалауды нығайту сенбілігі аясында қаланы қорғау жұмыстарына 9 мыңға жуық ерікті қатысты.
Сонымен қатар Жайық өзенінен Каспий теңізіне су өткізу қабілетін арттыру үшін өзен түбін тереңдету жұмыстары жүргізілуде. Су жолдарын тазарту, тереңдету және кеңейту мақсатында арнайы техникалық флоттық кемелер, гидравликалық экскаваторлар қолданылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.