Система Orphus

ҚР Ұлттық қауіпсіздік комитетініӊ бұрынғы басшысы "Мемлекеттік құпияларды жария ету" күдігі бойынша ұсталды

28.12.2016 4437

Астана. 28 желтоқсан. Kazakhstan Today - Қазақстан Республикасыныӊ Ұлттық қауіпсіздік комитеті мемлекеттік органдардыӊ бірқатар лауазымдық тұлғаларына қатысты сотқа дейінгі тергеп-тексеру жұмыстарын жүзеге асыруда,- деп хабарлайды Қазақстан Республикасыныӊ ҰҚК баспасөз қызметі.

"Жүргізілген жедел іздестіру іс-шаралары барысында 2016 жылдыӊ 26 желтоқсанында Қазақстан Республикасыныӊ Қылмыстық кодексі 185-бабыныӊ 3-бөлімінде ("Мемлекеттік құпияларды жария ету") және 362-бабыныӊ 3-бөлімінде ("Билікті немесе лауазымдық өкілеттіктерді асыра пайдалану") көзделген қылмыстарды жасауға күдіктілігі бойынша Дүтбаев Нартай Нұртайұлы, Хасен Нұрлан Болатұлы және Нұртаев Ерлан Сүйімбайұлы ұсталды",- делінген баспасөз қызметініӊ ақпаратында.

Хабарламаға сәйкес, көрсетілген тұлғалар Қазақстан Республикасы Қылмыстық-процессуалдық кодексініӊ 128-бабына сәйкес ҰҚК Тергеу изоляторына қамалды.

"Күдіктілердіӊ және олардыӊ туыстарыныӊ тұрғылықты жерлері бойынша тінтулер жүргізілді, заттай дәлелдемелер алынды",- деп хабарлайды мекеме.

Тергеп-тексеру жалғастырылуда, оныӊ барысы және нәтижелері туралы қосымша хабарланады,- делінген ақпаратта.

Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны