ПАВЛОДАР. 12-қазан. Kazakhstan Today. Павлодарда Шешенстандағы әскери қақтығыстарға қатысқан адам героин партиясымен ұсталды. Бұл туралы Kazakhstan Today тілшісіне Павлодар облыстық ІІД-нің баспасөз қызметі хабарлады.
Күдікті өткен түні есірткі саудасымен күрес басқармасының қызметкерлері мен облыстық ІІД-нің шұғыл әрекет етуші арнаулы тобының жауынгерлері бірлесе өткізген шара барысында "Екінші Павлодар" атты жай үйлер ауданында ұсталды. "Тұтқындау сәтінде ол қарсылық көрсетуге әрекет жасады", дейді тәртіп сақшылары. Тінту барысында Шешенстанның Ачхой-Мартан ауданының 31 жастағы тұрғыны Солях Гермихановтан оперативтік қызметкерлер сұрғылт-қоңыр түсті зат салынған 22 бума тапты. Сараптама қорытындысы көрсеткендей, тәркіленген зат салмағы 23 грамм ауған текті героин болып шықты.
ІІД-нің ақпаратына сәйкес, С.Гермиханов республика аумағына мемлекеттік шекарадан өтіп келмеген. "Оның Қазақстан аумағына заңды келгенін дәлелдейтін ешбір құжаты болмай шықты. Ол көші-қон полициясында тіркелмеген",- деп хабарлайды департамент.
Тұтқын Ресей аумағындағы әскери қақтығыстарға қатысқан, деп хабарлайды ДВД. "Дала командирі Магомед Хадуевтың басқаруымен ол екі шешен соғысын да басынан өткерген",- дейді полиция.
С.Гермихановтың ұсталу дерегіне байланысты бүгін павлодарлық тәртіп сақшылары РФ ІІМ-іне ресми хабарлама мен күдіктінің досьесіне сұраныс жолдады.
Бұл Павлодар облысында Шешенстандағы әскери қақтығыстарға қатысқан адамның ұсталуына қатысты осымен екінші дерек. 30-қыркүйекте Екібастұзда Шешенстанның Ачхой-Мартан ауданының Самашки ауылында қарақшылық шабуыл жасаған деген айып тағылған РФ Волгоград облысы Осиновка ауылының 31 жастағы тумасы Уваис Садыков ұсталған болатын.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Павлодарда Шешенстандағы әскери қақтығыстарға қатысқан адам героин партиясымен ұсталды
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.