Қызылорда облысының бір ауданында 12 мектептен 500 млн теңге жымқырылған
Тергеп-тексеру амалдары жүріп жатыр
Қызылорда облысының бір ауданындағы 12 мектептен 500 млн теңге жымқырылған. Бұл жайында өңір әкімі Нұрлыбек Нәлібаев орталық коммуникациялар қызметінде өткен брифингіде мәлім етті, деп хабарлайды Inform.kz.
Брифинг кезінде журналист мемлекеттік аудит қорытындысы бойынша Қызылорда өңірінде бюджет ақшасын тиімсіз игеру белең алғанын айтып, жемқорлықпен күрес қалай жүріп жатқанын сұрады.
Біз құқық қорғау органдарының басшыларымен бірге білім саласындағы көп тексеру жүргізіп жатырмыз. Қазіргі таңда бір ауданның өзінде 12 мектепте 500 млн теңгеден астам қаржы жымқырылғаны белгілі болды. Сол бойынша қазір іс қозғалды. Тергеп-тексеру амалдары жүріп жатыр. Шешім қабылданады", - деді Нұрлыбек Нәлібаев.
Оның айтуынша, аталмыш мәселені әкімдіктің ішкі аудиті де бақылап отыр.
Ревизиялық комиссия және бар. Осылар қазір жұмыс істеп жатыр. Білім саласында, денсаулық сақтау саласында, бүкіл салада осындай жұмыс жүргіземіз. Мысалы, қазір қоғам белсенділерінің қатысуымен балабақшаларда рейд жасалып жатыр. Шынын айту керек, мемлекеттен 100 балаға, 150 балаға тапсырыс алып жатыр. Ал барып қарасақ, онда 100 баланың орнына 60-70 бала жүреді. Осыны да анықтап жатырмыз. Мұндағы мақсат - бюджеттің қаржысын барынша үнемдеу, ысырапшылдыққа жол бермеу, қаражатты ең өзекті деген мәселелерге бағыттап, халықтың ұсыныс-тілегін орындау", - деді әкім.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Тоқаев Қазақстанның ЕАЭО одақ аясындағы ынтымақтастықты одан әрі дамытуға ниетті екенін мәлімдеді
Сурет: Depositphotos
Президент үкіметтер басшыларына Еуразиялық экономикалық одаққа мүше елдер ынтымақтастықты айтарлықтай нығайту үшін мол әлеуетке ие, сондықтан оны ілгерілету мақсатында барлық мүмкіндікті белсенді пайдаланған жөн деп пікір білдірді, деп хабарлайды Ақорданың баспасөз қызметінен.
Қазақстан Еуразиялық экономикалық одақ аясындағы ынтымақтастықты одан әрі дамытуға ниетті. Бұл Одақ өте перспективті интеграциялық ұйым деп санаймыз. Одақтың экономикалық әлеуетінің мүмкіндіктері зор. Қазақстан ЕАЭО-ға мүше мемлекеттердің бәрі осы жерде 2015 жылы қол қойылған шартты қатаң сақтап, тек экономикалық интеграция, сауда-саттықты дамыту, өзара тауар алмасу бағытында ғана елдеріміздің нарығын ашу мәселелерімен айналысуға тиіс", – деді Қасым-Жомарт Тоқаев.
Мемлекет басшысы сауда-экономикалық кооперацияның тиімділігі көлік-транзит әлеуетін ашумен тікелей байланысты, сондықтан көлік қатынастарының мүмкіндіктерін дәйекті түрде дамыту керек деп санайды.
Президент Иранға, Парсы шығанағына және Үндістанға шығуға мүмкіндік беретін Солтүстік – Оңтүстік транзит дәлізінің, Қазақстан – Түрікменстан – Иран теміржолының, Батыс Еуропа – Батыс Қытай бағытының мүмкіндіктері жөнінде айтты. Сонымен қатар Транскаспий халықаралық көлік дәлізінің әлеуетіне баса мән берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада металлургия, машина жасау, химия және жеңіл өнеркәсіп, құрылыс индустриясы мен фармацевтика салаларындағы өнімдердің көрмесі өтуде
Сурет: primeminister.kz
Қазақстан, Беларусь, Қырғызстан және Ресей үкіметтерінің басшылары 25-27 қыркүйекте Астанада өтіп жатқан «ИННОПРОМ. Қазақстан» халықаралық өнеркәсіп көрмесінің экспозициясымен танысты, деп хабарлайды ҚР Премьер-министрінің баспасөз қызметінен.
Аталған іс-шараны алғаш рет өткізіп отырған Қазақстан 2019 жылдан бері «Иннопромның» тұрақты қатысушысы болып келеді, ал өткен жылы көрменің серіктес елі ретінде өз өнімдерін ұсынды. Көрменің негізгі мақсаты – өндірістік кооперацияны дамыту, инвестиция тарту, сауда ынтымақтастығын кеңейту және өзара тәжірибе алмасу.
Қазақстандық «Иннопромның» тақырыбы – жаңа кезеңнің өнеркәсіптік стратегиялары. Елордадағы EXPO орталығының алаңында ұйымдастырылған көрмеге ЕАЭО елдерінен 300-ден астам кәсіпорын мен компания қатысуда. Келушілер назарына металлургия, машина жасау, химия және жеңіл өнеркәсіп, құрылыс индустриясы мен фармацевтика салаларындағы өнімдердің кең ассортименті ұсынылған.
Көрмені аралау барысында Әлихан Смайылов, Роман Головченко, Ақылбек Жапаров және Михаил Мишустинге «ТКШ ҚазОрталығы» АҚ» компаниясының, Railways System KZ теміржол машина жасау кәсіпорындары қауымдастығының, қазақстандық ауыл шаруашылығы техникасы, автомобильдер, мұнай-газ, тау-кен және медициналық техника, электротехника, бақылау-өлшеу аспаптары, арнайы жұмыс киімдері, тыңайтқыштар т.б. өндірушілерінің стендтері таныстырылды. Сонымен қатар үкіметтер басшылары назарына виртуалды шындық технологияларын пайдалана отырып, өнеркәсіптік ІТ әзірлемелер, ақпараттық жүйелер мен цифрлық өнімдер ұсынылды.
Айта кетейік, Қазақстан ЕАЭО серіктестерімен бірлесіп өнеркәсіп саласында 38 бірлескен жобаны жүзеге асырған. Бұл ретте кооперацияның негізгі басымдықтары терең өңдеу, барынша оқшаулау, жаңа өнім шығару және экспорттық әлеует болды. Сонымен қатар бүгінгі таңда тағы 80 жобаны іске асыру жұмыстары пысықталып жатыр. Бұл Мемлекет басшысы Қасым-Жомарт Тоқаевтың таяудағы Қазақстан халқына Жолдауында айтылған елдің өнеркәсіптік негізін қалыптастыру және терең өңделген кластерлер құруға ден қою жөніндегі тапсырмалары тұрғысынан ерекше маңызға ие.
Жалпы, соңғы 5 жылда республиканың өңдеу өнеркәсібіндегі өнім көлемі 2,2 есеге – 2017 жылғы 9,4 трлн теңгеден 2022 жылы 20,7 трлн теңгеге дейін өсті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Солтүстік Қазақстан облысында субсидия төлеу заңсыз тоқтатылған
Сурет: gov.kz
Солтүстік Қазақстан облысының прокурорлары АӨК субъектісінің жолданымы бойынша Ауыл шаруашылығы Басқармасында 2 млрд. теңгеден астам сомаға субсидия төлеуді тоқтата тұру фактісін анықтады, деп хабарлайды Солтүстік Қазақстан облысының прокуратурасының баспасөз қызметінен.
Мемлекеттік органдардың төлемдерді тоқтата тұру туралы негіз болған шешімдері прокурорлық қадағалау актілері бойынша бұзылды.
Кінәлі лауазымды тұлғалар жауапкершілікке тартылды, кәсіпкердің құқығы сомасы 948 млн.теңге субсидия төлеу жолы арқылы қалпына келтірілді.
Қалған соманы төлеу бойынша жұмыс жалғасуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда шетелдік туристер ағыны 73%-ға өсті
Сурет: gov.kz
Алматы қаласы туризм басқармасының ақпаратынша, 2023 жылдың бірінші жартыжылдығында Алматыда шетелдік туристер саны 72,6%-ға өсіп, 261,6 мың адамға жетті, деп хабарлайды Алматы қаласы әкімдігінің баспасөз қызметінен.
Ішкі туристер ағыны 24,6%-ға артып, 710,6 мың адамға жетті.
БАӘ, Катар, Кувейт, Иран, Үндістан, Оңтүстік Корея, Ұлыбритания, Германиядан келген шетелдік туристер ағынының өсуі байқалады", - деді басқарма өкілдері.
Биыл жыл соңына дейін Алматыда шетелдік туристер санының 500 мың адамға дейін жетеді деп болжанып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Гаага соты "Самұрық-Қазына" АҚ салынған санкцияның күшін жойды
Сурет: Depositphotos
Қазақстан Республикасы Әділет министрлігі мен "Самұрық-Қазына" АҚ Стати ісі бойынша түпкілікті жеңіске жетті, деп хабарлады ҚР Әділет министрлігінің баспасөз қызметінен.
Естеріңізге сала кетсек, сомасы 4 млрд АҚШ долларына тең KMG Kashagan B.V.-дағы акцияларына байланысты Анатол Стати, Габриэль Стати, Ascom S. A. және Terra Raf Trans Trading Ltd (Стати) қатысты іс Нидерланды Жоғарғы сотында қаралып жатқан болатын.
2022 жылғы маусымда Гаага Апелляциялық соты Статидің Қазақстан Республикасына қарсы алған төрелік шешімді орындау мақсатында қойған Самұрық-Қазынаға тиесілі KMG Kashagan B.V.-дағы акцияларына салынған тыйымның күшін жойды.
Әділет министрлігі Самұрық-Қазынамен бірлесіп, қордың мүлкін өндіріп алудан иммунитетке ие екендігін дәлелдейтін маңызды дәлелдер ұсыну бойынша кешенді жұмыс атқарылды.
2023 жылғы 22 қыркүйекте Жоғарғы сот Статидің бұл шешімге шағымын қабылдамады, бұл акциялар әдеттегі халықаралық құқыққа сәйкес орындалудан иммунитетке ие болғанын растады.
Жоғарғы Сот "Статидің шағымы Апелляциялық соттың шешімін қате түсіндіруге негізделген және сот Самұрық-Қазынаның жарғылық мақсатын шешуші деп санады және Қордың нақты қызметін елемеді деген болжамнан туындады.
Бұл ретте, Жоғарғы сот Апелляциялық сот дұрыс қорытындыға келгенін: Стати Самұрық-Қазына акциясының коммерциялық айналым объектісі ретінде тағайындалуын дәлелдей алмады деп атап өтті".
Әділет министрлігі шетелдік юрисдикцияларда мемлекеттің мүдделерін қорғау бойынша жұмысты жалғастырады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.