Елордада есірткі сатқандар сотталды
Қылмыскерлер "Telegram" мессенджерінде ақпарат орналастыру арқылы Қазақстан аумағында есірткі сатуды жоспарлаған
ҚМА Астаналық Департаменті бір топ адамға қатысты алдын-ала сөз байласу арқылы ірі мөлшерде мемлекеттік шекара арқылы есірткі заттарын заңсыз өткізу фактісі бойынша қылмыстық істі аяқтады, деп хабарлайды ҚР ҚМА Баспасөз қызметінен.
Еске салайық, елордада "бақыланатын жеткізу" жедел-іздестіру іс-шараларын өткізу кезінде АҚШ-тан пошта жөнелтілімдерінен жалпы салмағы 500 грамнан асатын "марихуана" есірткі заттары алған елорда тұрғындары ұсталып, УҰИ-на қамауға алынды.
Қылмыскерлер "Telegram" мессенджерінде ақпарат орналастыру арқылы Қазақстан аумағында есірткі сатуды жоспарлаған.
Сот үкімімен 2 азамат кінәлі деп танылып, 7 жылға және 8 жыл 4 айға бас бостандығынан айырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматы полициясы есірткі зертханасын жойды
Сурет: Polisia.kz
Алматы полициясы есірткі зертханасын жойды, - деп хабарлайды Polisia.kz.
Алдымен есірткі қылмысымен күресушілер Алматы қаласында есірткі заттарын тарату және бетбелгі қоюмен айналысқан бұрын сотталған К.есімді азаматты ұстады. Ер адам шөпті Ақсай ықшамауданындағы пәтерінде қаптаған.
Одан әрі синтетикалық есірткінің көтерме партиясын К.есімді азамат Жетісу өңірінен келген жұптың "жетекшілігімен" жұмыс істейтін есірткі зертханасын алып жүрді. Зертхана Алматы облысы Жамбыл ауданында болды. Үйді және контейнерді тінту кезінде әртүрлі сұйықтықтары бар 80-нен астам канистр, сұйық қоспаға арналған реактор мен кептіргіш, шыны колбалар, электронды таразылар, дайын заттарды кептіруге арналған жылытқыштар, кесектері бар 55 келіге жуық сарғыш түсті ұнтақты зат табылды және тәркіленді. "Лаборанттардың" айтуынша, оларды біз сол күні ақ ұстаған екі жас жігіт жұмысқа алған. Мәселе 21 жастағы Т.есімді азамат пен 20 жастағы К. есімді азамат жайында болып отыр. Бұл қылмыстық тізбекке қатысушылардың барлығы қамауға алынды", - деді Алматы қалалық ПД есірткі қылмысына қарсы күрес басқармасының бастығы Ерлан Әлмағамбетов.
ҚР ҚК-нің 201-бабына сәйкес өзге ақпарат тергеу мүддесіне орай жария етілмейді. ҚР Конституциясының 77-бабы 3-бөлімі 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қарағанды облысында таза қанды араб тұқымды бәйге атын ұрлап, сойып алған күдіктілер ұсталды
Сурет: Polisia.kz
Қарағанды облысында таза қанды араб тұқымды бәйге атын ұрлап, сойып алған күдіктілер ұсталды, деп хабарлайды Polisia.kz.
Полицияға 30 жастағы аудан тұрғыны арызданып, белгісіз біреулер халықаралық бәйгеге дайындап жүрген тұлпарын ұрлап кеткені туралы хабарлаған.
Келтірілген шығын 1 миллион 500 мың теңгені құраған.
Полиция осы іске қатысы бар деген күдікпен 23 және 54 жастағы азаматтарды ұстады. Олардың барлығы Шет ауданындағы блок-бекетте қолға түсті. Күдіктілер ұрланған жылқыны сойып, мүшелеп тастағаны туралы мойындау көрсетпе белгілерін берді. ҚР ҚК 188-1 бабына сәйкес қылмыстық іс қозғалды", -деп хабарлады Криминалдық полиция басқармасының бастығы Аслан Өскембаев.
Басқарма бастығының айтуынша, жыл басынан бастап, облыс аумағында 644 бас мал ұрланып, оның 547-сі иелеріне қайтарылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Полиция жаңа туған сәбилерді сату фактілерін анықтады
Сурет: Polisia.kz
Елімізде "STOP-трафик" кезекті республикалық жедел-профилактикалық іс-шарасы өткізілді, - деп хабарлайды Polisia.kz.
Операция барысында 39 қылмыс анықталды: ағза саудасының 1 фактісі; еңбекке тарту мақсатында заңсыз бас бостандығынан айырудың 3 фактісі; адам саудасының 7 фактісі; жезөкшелікпен айналысуға тартудың 4 фактісі; притон ұстау және жеңгетайлықтың 24 фактісі.
Алматы облысында ұйымдасқан қылмысқа қарсы күрес басқармасының қызметкерлері жаңа туған баланы сату фактісін анықтады. Облыстың 24 жастағы тұрғыны жүктіліктің жетінші айында әлеуметтік желіде баланы сату туралы хабарландыру жариялап, сатып алушыларды іздеумен айналысқан. Соңында ол балалары жоқ ерлі-зайыптыларды тауып, олармен келісім жасаған. Сатып алушы тарап әйелдің несиелік қарыздарын өтеп бермек болған. Бұл факт "Кәмелетке толмағандар саудасы" бабы бойынша тіркелді, сотқа дейінгі тергеу басталды. Күдікті қамауға алынды. Шымкентте жаңа туған нәрестені саудалаудың тағы бір фактісі тіркелді.
Ұйымдасқан қылмысқа қарсы күрес басқармасының қызметкерлері 23 жастағы жас әйелдің өз баласын сатпақ болып, сатып алушыларды іздеумен айналысқанын анықтады. Ол делдал арқылы басқа облыстың 45 жастағы тұрғынын тапқан. Факт Қылмыстық кодекстің 135-бабы бойынша тіркелді, сотқа дейінгі тергеу басталды. Бала сәбилер үйіне орналастырылды. Күдікті қамауға алынды", - деді ҚР ІІМ ұйымдасқан қылмысқа қарсы күрес департаментінің бастығы Қанат Нұрмағамбетов.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақмола облысының мектептерінде он үш педагог жалған дипломдармен жұмыс істеген
Сурет: kursovik.kz
Ақмола облысының мектептерінде он үш педагог жалған дипломдармен жұмыс істеген, деп хабарлайды Ақмола облысының прокуратурасы
Ауылдық жерлерге жас мамандарды тартуға мемлекет ерекше назар аударады және қомақты бюджет қаражатын бөледі.
Осы мақсатта, 2009 жылдан бастап бүкіл ел бойынша «Дипломмен ауылға» мемлекеттік бағдарламасы іске асырылуда, ол ауылдық жерде еңбек етуге ниет білдірген мамандарға жеңілдікпен кредиттер мен өтеусіз жәрдемақылар алуға мүмкіндік береді.
Соңғы жылдары еліміздің ауылдық жерлерінде кадрлар тапшылығы едәуір теңестірілді, алайда «мамандар» деген атпен жекелеген адамдар жеңілдікті шарттарды пайдалана отырып, бюджет қаражаты есебінен заңсыз байытылуда.
Облыс прокуратурасы бағдарлама шеңберінде әлеуметтік қолдау шараларын ұсыну кезінде қолданыстағы заңнаманың сақталуына талдау жүргізді.
Оның нәтижелері бойынша жалған дипломдардың көмегімен жеңілдіктер алған және шарттық міндеттемелерді бұзған адамдар анықталды.
Мәселен, 2021ж. «К» жалған диплом бойынша Атбасар ауданының оқу орнында биология пәнінің мұғалімі болып жұмысқа орналасқанү
2022ж. мүліктік игіліктер алу мақсатында, сол жалған дипломды пайдаланып, бағдарламаға қатысқан (4,9 млн теңге алды).
Айта кету керек, «К» 2 жыл бойы осы салада құзыретті болмасада балаларды оқытқан.
Осындай схеманы білім беру саласындағы тағы 12 «маман»пайдаланған. Залалдын жалпы соммасы 30 млн теңгеден асты.
Жалпы айтқанда, мұндай «маманды» жалған дипломмен жұмысқа орналастыру жас ұрпақтың білім деңгейіне теріс әсер етеді және бюджет қаражатын ұрлауға жағдай жасайды.
Қазіргі таңда қылмыстық қудалау органдары тергеу іс-шараларын жүргізуде, ҚПК-тің 201-бабының талаптарына сәйкес өзге де ақпарат жариялануға жатпайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.