Жамбыл облысында таңқурайға бөлінген субсидияны жымқыру фактісі бойынша іс сотқа берілді
Жамбыл облысы прокуратурасының үйлестіруімен облыстық Экономикалық тергеп-тексеру департаменті таңқурайдың элиталық сортын отырғызуды субсидиялауға бөлінген бюджет қаражатын жымқырудың қылмыстық схемасын анықтады, деп хабарлайды Жамбыл облысының прокуратурасының баспасөз қызметінен.
Нәтижесінде шаруа қожалықтарының жер телімдерінде таңқурай отырғызылмағаны, көшеттер мүлдем сатып алынбағандығы анықталды.
Өздерінің қылмыстық әрекеттерімен 4 адамнан тұратын топ, 2 жыл ішінде мемлекетке 900 млн теңгеден астам шығын келтірген.
07.04.2023 жылы аталған факті бойынша Қылмыстық кодекстің 190-бабының 4-бөлігінің 2-тармағы, 216-бабының 3-бөлігі және 218-бабының 2-бөлігінің 2-тармағымен сотқа дейінгі тергеп-тексеру басталды.
Тергеу барысында барлық күдіктілер қамауға алынып, олардың жалпы құны 1,9 млрд теңге құрайтын мүлкіне тыйым салынды.
12.09.2023 жылы қылмыстық іс айыптау актісімен аяқталып, негізінен қарау үшін сотқа жолданды.
Қылмыстық-процестік кодекстің 201-бабына сәйкес өзге де мәліметтер жариялауға жатпайды.
Конституциясының 77-бабының 3-тармағының 1-тармақшасына және Қылмыстық-процестік кодекстің 19-бабының 1-бөлігіне сәйкес адам қылмыстық құқық бұзушылық жасаудағы кінәсі заңды күшіне енген сот үкімімен белгіленгенге дейін кінәсіз деп есептеледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
БҚО 14 мектеп директорлары әкімшілік жауапкершілікке тартылды
Сурет: Depositphotos
Батыс Қазақстан облысы Теректі ауданының прокуратурасы жүргізген талдауда кәмелетке толмаған оқушылардың білім беру мекемесінің қабырғасында (14 мектептің информатика кабинеттерінде) тыйым салынған интернет-контенттерге еркін қол жеткізу фактілері анықталды, деп хабарлайды Gov.kz.
Осылайша, мониторинг барысында кәмелетке толмағандардың әртүрлі суицид пен зорлық-зомбылық көріністері бар сайттарға еркін кіру мүмкіндігі белгілі болды.
Осылайша, жол берілген бұзушылықтар үшін облыстың білім саласындағы сапаны қамтамасыз ету департаментіне прокурорлық қадағалау актісі енгізілді, оның нәтижелері бойынша Әкімшілік құқық бұзушылық туралы кодекстің 409-бабының 7-2-бөлігі бойынша әкімшілік жауапкершілікке 14 мектеп директоры тартылды.
Бүгінгі таңда прокурорлық қадағалау актісімен ауданның барлық білім беру мекемелерінде осындай интернет-сайттарға кіруге шектеулер қойылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ақтауда үлескердің ірі көлемде 400 млн теңгеге жуық ақшалай қаражатын жымқырды деген күдікті қамауға алынды
Ақтауда "Атамекен" тұрғын үй кешені аяқталмаған объектісі салымшыларының сеніп тапсырылған ақшалай қаражатын иемдену және талан-таражға салу фактісі бойынша "Багис" ЖШС басшылығына қатысты қылмыстық істің тергеуі жалғасуда, деп хабарлайды ҚМА баспасөз қызметінен.
Тергеу барысында ЖШС директоры 2017 жылдың наурызы мен 2022 жылдың қыркүйегі аралығында тұрғын үй кешенін құрылысын аяқтау сылтауымен 119 үлескердің ірі көлемде 400 млн теңгеге жуық ақшалай қаражат иемдегендігі анықталды.
ЖШС басшысына қатысты "қамауда ұстау" түріндегі бұлтартпау шарасы санкцияланды.
Қазіргі уақытта қылмыстық іс бойынша тергеу әрекеттері жүргізілуде, қосымша сот сараптамаларын жүргізу күтілуде, оның нәтижелері бойынша күдіктінің іс-әрекеттеріне түпкілікті құқықтық баға берілетін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы облысында судья қызды зорлау ісі бойынша пара алды деген күдікке ілінді
Сурет: Depositphotos
Алматы облысының үш судьясы жемқорлыққа қатысты күдікке ілінді, деп хабарлайды ҚР Сыбайлас жемқорлыққа қарсі іс-қимыл агенттігінің баспасөз қызметінен.
Сыбайлас жемқорлыққа қарсы қызмет жауапты мемлекеттік лауазымдарды атқаратын адамдар жасаған жемқорлық қылмыстарды анықтау бойынша тұрақты негізде жұмыс жүргізеді.
Қазіргі уақытта іс бойынша қылмыс туралы кісі өлтіруден хабарламауға дейінгі әрекеттерді қайта саралау туралы мәселені шешу сылтауымен ірі мөлшерде алаяқтық жолмен ақша алды деп күдіктелген Алматы облысы Қонаев қаласы сотының төрағасына қатысты қылмыстық іс тергелуде.
Басқа жағдайда, Алматы облысы Талғар аудандық сотының судьясы айтарлықтай мөлшерде пара алды деп күдіктелуде.
Ол сот орындаушысы арқылы кәмелетке толмағандардың жыныстық тиіспеушілігіне қарсы аса ауыр қылмыс жасаған адамға қатысты медициналық сипаттағы мәжбүрлеу шараларының түрін өзгерту туралы оң шешім шығарғаны үшін ақшалай сыйақы алған.
Сондай-ақ, Алматы облысының мамандандырылған ауданаралық экономикалық сотының судьясына қатысты қылмыстық іс қаралуда, ол кәсіпкерден миллиардтаған салық берешегі бар екі компанияны банкрот деп тану туралы заңсыз шешімдер шығарғаны үшін пара алды деп айыпталуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шымкентте қазақстандықтарды 56 млн теңгеге алдаған әйел сотталды
Сурет: polisia.kz
Шымкентте қазақстандықтарды 56 млн теңгеге алдаған әйел сотталды, - деп хабарлайды Polisia.kz.
34 жастағы алаяқтықтың құрбаны болғандардың қатарында Тараз, Түркістан облысы және Шымкенттің 53 тұрғыны бар.
Арам пиғылды азаматша оларды электроника дүкендерінің бірінің филиалдарынан тауарлық несие алуға көндірген. Қарызды төлемеуге болатынын жеткізген ол бұл сауда нүктелері жақын арада жұмысын тоқтатып, толығымен жабылады деп сендірген. Несиеге рәсімделген электрониканы аферист әйел құрбандарынан жарты сомасына сатып алып отырған.
Алаяққа ұрынғанын сенгіш азаматтар ай сайынғы төлем туралы ескерту-хабарлама түскен кезде бір-ақ білген.
Бұл жайт бойынша полицейлер Қылмыстық кодекстің 190-бабымен сотқа дейінгі тергеу жүргізді. Ұсталған азаматшаның кінәсін дәлелдейтін айғақтарды жинап, тергеушілер қылмыстық істі сотқа жіберді. Сот үкімімен оған 4,5 жылға бас бостандығынан айыру жазасы тағайындалды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандықтар қаржы пирамидасына 9,3 млрд теңгеден астам қаржы салған
Сурет: Depositphotos
ҚМА ведомствоаралық кеңесінің қатысушылары қаржы пирамидаларына қарсы іс-қимылды талқылады, деп хабарлайды ҚМА баспасөз қызметінен.
Кеңес жұмысына ҚНРДА, Ұлттық Банк, ІІМ, МАМ, ЦДИАӨМ, АХҚО, екінші деңгейлі банктер мен төлем ұйымдарының өкілдері қатысты.
Қатысушылар қаржы пирамидаларының қызметінен қылмыстық кіріс алу кезінде қаржы секторын пайдалану тәуекелдерін талқылады.
Пікір алмасу барысында цифрлық технологиялардың дамуымен қаражат тарту схемалары жетілдірілетіні атап өтілді.
Тек банктер арқылы салымшылар қаржы пирамидаларын ұйымдастырушылардың пайдасына 9,3 млрд теңгеден астам қаржы жөнелткен.
Осы үрдісті ескере отырып, Агенттік екінші деңгейдегі банктермен жолға қойылған өзара іс-қимылды атап өтті. Банктердің хабарламаларының арқасында құқық қорғау органдары қаржы пирамидаларын ұйымдастырушыларға қатысты 9 қылмыстық істі тіркеді.
Жалпы, соңғы 2 жылда 170 қылмыстық іс бойынша тергеу аяқталып, 277 ұйымдастырушы мен 40 қаржы пирамидасының қызметі тоқтатылды.
Салымшылардың жалпы саны 40 мың азаматты құрайды, келтірілген залал 10 млрд теңгеге бағаланады.
Агенттік өз құзыреті шеңберінде жаңалықтар порталдары мен әлеуметтік желілерде қаржы пирамидаларының белгілері бар ақпаратты іздеуді жүзеге асырады.Осының арқасында ағымдағы жылдың басынан бері осындай материалдары бар 7 мыңнан астам сілтеме бұғатталды.
Әлеуметтік желілерде жазылушыларды заңсыз мазмұндағы контент туралы хабардар ету бойынша жұмыс жүргізілуде.
Азаматтар "Baiqa, piramida!" телеграм-боты арқылы ұйымды сенімсіз компаниялардың тізімінде бар-жоғын тексере алады.
Қазіргі заманғы технологиялар арқылы халықтың қаржылық сауаттылығын арттыру жөніндегі жобаларды ҚНРДА іске асырудың оң әсері атап өтілді.
Агенттік уәкілетті органдармен және банктермен бірлесіп қаржы пирамидаларын анықтау белгілері мен типологияларын жаңартады.
Тараптар табысты кейстерді одан әрі зерделеу және оларды алаяқтық әрекеттермен күресте қолдану мақсатында мүдделі органдар мен ЕДБ өкілдерінен жұмыс тобын құруға дайын екендіктерін білдірді.
❗️Кездесу соңында тараптар аталған шаралар азаматтар мен қаржы жүйесін құқыққа қарсы қызметке тартудан қорғауға мүмкіндік беретініне сенім білдірді, сондай-ақ қаржы пирамидаларының қызметін ерте кезеңде болдырмау жөнінде нақты ұсыныстар қабылдады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бишімбаевқа аса қатыгездікпен кісі өлтірді деген айып тағылуда
Сурет: Polisia.kz
2023 жылғы 30 қарашада Мәжіліс кулуарында ҚР Бас прокурорының орынбасары Жандос Өміралиев Ұлттық экономиканың экс-министрі Қуандық Бишімбаев пен оның туысы нақты қандай күдікке ілінгенін айтты, деп хабарлайды Zakon.kz.
Бишімбаевқа қатысты аса қатыгездікпен жасалған кісі өлтіру дерегі бойынша қылмыстық іс қозғалып, оның туысы да қылмыстың осы түрін жасырғаны және қылмыс туралы полицияға хабарламағаны үшін ұсталып, уақытша ұстау изоляторына қамалды. Сол күні ол қасында болған және полицияға ауыр қылмыс жасалғаны туралы хабарламаған. Оның үстіне бұл қылмысты жасыруға көмектескен", - дейді бас прокурордың орынбасары.
Прокуратура өкілі қылмыстық іс аясында зерттеу жұмыстары жүргізіліп жатқанын, соның қорытындысы бойынша тергеу органдары қосымша ақпарат беретінін мәлім етті.
Жауапкершілік жағынан - қылмыстық жауапкершілік. Бұл ауыр қылмыс - ерекше қатыгездікпен адам өлтіру - онда бас бостандығынан айыру санкциясы бар. Бишімбаевтың ісі Бас прокурордың ерекше бақылауында. Қылмыстық іс жүргізу кодексінің талаптарын ескере отырып, мен сотқа дейінгі тергеп-тексеру деректерін жария ете алмаймын, бірақ бұл іс апта сайын Бас прокурордың тікелей бақылауымен талқыланады деп айта аламын", - деді Жандос Өмірәлиев.
2023 жылғы 9 қараша күні БАҚ-тарда экс-министр Қуандық Бишімбаев әйелін өлтірді деп күдікке ілінгені жөнінде ақпарат тарады.
2023 жылғы 11 қарашада Астана қаласының мамандандырылған ауданаралық тергеу соты күдікті Қуандық Бишімбаевты 2 ай мерзімге күзетпен ұстау түріндегі бұлтартпау шарасын санкциялады.
Қасым-Жомарт Тоқаев Бишімбаев ісі бойынша Ішкі істер министрлігіне арнайы тапсырма берен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.