05.12.2022, 12:28 7841

Онлайн-платформа қызметкерлері үшін арнайы салық енгізіледі

ҚР Әлеуметтік кодексінің жобасы Мәжілісте таныстырылды
Онлайн-платформа қызметкерлері үшін арнайы салық енгізіледі
Астана. 5 желтоқсан. KAZAKHSTAN TODAY - Қазақстанда "Яндекс Такси", Glovo және басқа да онлайн платформалар арқылы еңбек қызметін жүзеге асыратын тұлғалар үшін арнайы салық режимі енгізіледі. Бұл туралы Қазақстан Республикасының Еңбек және халықты әлеуметтік қорғау министрі Тамара Дүйсенова Мәжілістегі Үкімет сағатында хабарлады.

Онлайн платформалар арқылы (Яндекс Такси, Яндекс GO және т.б.) жұмыспен қамтылған азаматтар үшін арнайы салық режимі енгізіледі. Бұл ретте салық агенттері рөлінде онлайн платформалар операторларын айқындау ұсынылады. Олар осында жұмыс істейтін азаматтар атынан тиісті төлемдерді жүргізеді", - деді ведомство басшысы.


Сонымен қатар ол Әлеуметтік кодекс жобасында әлеуметтік тәуекелдерден сақтандыру және азаматтарды зейнетақымен қамсыздандыруға мәселесі ескерілгенін айтты.

5 әлеуметтік тәуекелден сақтандыруды көздейтін қолданыстағы сақтандыру жүйесі халықаралық стандарттарға және нақты экономикалық жағдайларға сай келетін жүйе ретінде сақталады. Дегенмен, оның мақсатты міндеті өзгеріске ұшырайды. Жүйе тек әлеуметтік төлемдер төлеуге ғана бағытталмай, ең алдымен, ол азаматтарды ресми түрде жұмыспен қамтылуға ынталандыруды көздейтін болады. Осыған орайда Салық кодексіне шағын бизнестің жалдамалы жұмыскерлері үшін бірыңғай міндетті төлемді енгізуге қатысты өзгерістер енгізіледі. Олар үшін салық жүктемесі ендігі жылы 33 пайыздан 20 пайызға дейін төмендейтін болады", - деді Т. Дүйсенова.


Ақпарат көзі: inform.kz
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны