ЕАДБ қолдауымен құрылған жаңа электрондық алаңда Қазақстан билігі мемлекеттік-жеке меншік әріптестік жобасының конкурсын алғаш рет жариялады
Сурет: Depositphotos
Электрондық алаң құру жөніндегі жұмысты 2022 жылы Қазақстан Республикасы Ұлттық экономика министрлігі (ҚР ҰЭМ) және "Қазақстандық мемлекеттік-жекешелік әріптестік орталығы" АҚ (МЖӘ ҚазОрталығы) Мемлекеттік-жеке меншік әріптестік (МЖӘ) жобаларын жоспарлау және іске асыру процесінің ашықтығын көздейтін портал құруды және оның жұмыс істеуін қамтамасыз ету мақсатында бастады. МЖӘ туралы Заңға өзгерістер енгізу арқылы әдіснамалық негіз дайындалды (ақпараттың ашықтығы мен қолжетімділігі қағидаты енгізілді). "Электрондық қаржы орталығы" АҚ-мен бірлесіп конкурстық рәсімдерді өткізу және МЖӘ шарттарын жасасу үшін 3 модуль әзірленді.
Процесті цифрландыруға Еуразиялық даму банкінің (ЕАДБ) Техникалық көмек қорының (ТЖҚ) қаражатынан арнайы алаң құру үшін грант ұсынды.
Әзірленген жүйе кең функционалдық мүмкіндіктерге ие және бір терезе режимінде МЖӘ жобалары бойынша барлық конкурстық рәсімдер мен ақпаратқа қол жеткізуді қамтамасыз етеді. Оны Қазақстан Республикасының басқа ақпараттық жүйелерімен интеграциялау жоспарлануда.
ЕАДБ-ға қатысушы елдерде мемлекеттік-жеке меншік әріптестік құралдарын дамытуға ерекше мән береміз, өйткені олар көлік, білім беру, коммуналдық инфрақұрылым және халықтың өмір сүру сапасын жақсартуға, логистикалық маршруттарды кеңейтуге және экономиканың басқа да секторларына тікелей әсер ететін маңызды салаларда инфрақұрылымдық жобаларды іске асыруға ықпал етеді. Қазақстандағы жаңа электрондық сервис - бұл инновациялық шешім ғана емес, сонымен қатар жобалар туралы ақпараттың ашықтығы мен қолжетімділігін жақсартуға бағытталған маңызды қадам. Бұл шешім инвестицияларды тартуда және өңірде стратегиялық маңызды инфрақұрылымдық жобаларды құруда шешуші рөл атқаратынына сенімдіміз", - деп атап өтті ЕАДБ Басқарма төрағасының орынбасары Ярослав Мандрон.
МЖӘ конкурстық рәсімдерін өткізу порталы бәсекелестікке жол ашады, жеке әріптесті іріктеу процесінің ашықтығы есебінен инвесторлардың МЖӘ жобаларына қызығушылығы артады", - деп толықтырды Қазақстандық МЖӘ орталығының Басқарма төрағасының орынбасары Нұртас Қайыров.
Порталдың функционалы электрондық мемлекеттік сатып алуларға ұқсас, бұл жергілікті және орталық атқарушы органдардың қағаздан цифрлық форматқа көшуін жеңілдетеді. МЖӘ ерекшелігін ескере отырып, портал МЖӘ конкурстық рәсімдері процесінде тәртіпті арттыруға мүмкіндік беред", - деп атап өтті Қазақстандық МЖӘ орталығының ақпараттық-цифрлық қамтамасыз ету департаментінің директоры Марат Аталин.
Қазақстанның жаңа электрондық алаңында (ppp.ecc.kz) МЖӘ жобасы бойынша жеке инвесторды айқындаудың конкурстық рәсімі алғаш рет өткізіледі. Қазіргі уақытта хабарлау рәсімі іске қосылды, оның шеңберінде әлеуетті жекеше әріптестер жобаны іске асыру үшін өз ұсыныстарын енгізе алады.
Анықтама үшін:
Еуразиялық Даму Банкі (ЕАДБ) - еуразиялық кеңістікте инвестициялық қызметті жүзеге асыратын халықаралық қаржы ұйымы. 17 жылдан астам уақыт бойы ЕАДБ экономикалық байланыстарды нығайтуға және кеңейтуге және қатысушы елдердің жан-жақты дамуына жәрдемдесіп келеді. ЕАДБ жарғылық капиталы 7 млрд АҚШ долларын құрайды. ЕАДБ портфеліндегі негізгі үлесті көлік инфрақұрылымы, цифрлық жүйелер, жасыл энергетика, ауыл шаруашылығы, өнеркәсіп және машина жасау салаларындағы интеграциялық әсері бар жобалар алады. Банк өз қызметінде БҰҰ-ның Тұрақты даму мақсаттарын және ESG қағидаттарын басшылыққа алады.
ЕАДБ техникалық жәрдемдесу қорының (ТЖҚ) қаражаты инвестициялық жобаларды іске асыру және қатысушы елдерде дамыту үшін қолайлы жағдайлар жасауға бағытталған. ЕАДБ ТЖҚ қаражатынан ЕАДБ миссиясының мақсаттарына жауап беретін инвестициялық жобаларды кредиттеу бойынша Банктің мүмкіндіктерін кеңейту іс-шаралары қаржыландырылады, болашақ жобаларды дайындау сатысында әлеуетті қарыз алушыларға да, жобалары институционалдық ортаны дамытуға және экономикалық даму мен өсуге жәрдемдесуге бағытталған ұлттық үкіметтерге немесе ұйымдарға да қаржылық қолдау көрсетіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Ыстанбұлда қазақстандық кәсіпкерлердің даму әлеуеті талқыланды
Сурет: gov.kz
Қазақстанның Ыстанбұлдағы Бас консулдығының бастамасымен Ыстанбұл қаласында кәсіпкерлік қызметпен айналысып жүрген қазақстандық кәсіпкерлердің ағымдағы жағдайы, сондай-ақ олардың қызметі барысында туындайтын өзекті мәселелерді талқылау, ынтымақтастықты одан әрі дамыту перспективаларын айқындау, іскерлік байланыстарды кеңейту мақсатында дөңгелек үстел ұйымдастырылды, деп хабарлайды Қазақстан Республикасы Сыртқы істер министрлігінің баспасөз қызметінен.
Кездесуге Қазақстан кәсіпкерлерінің құқықтарын қорғау жөніндегі уәкілі кеңесшісі Сафарауль Йылмаз, Ыстанбұлдағы туризм, HoReCa, логистика, сауда және өнеркәсіп салаларында жұмыс жүргізіп жүрген кәсіпкерлер қатысты. Іс-шара ашық әрі конструктивті диалог форматында өтіп, қатысушылар өз тәжірибелерімен бөлісіп, нақты мәселелерді ортаға салды.
Кездесу барысында кәсіпкерлер тарапынан бизнес жүргізу кезінде кездесетін құқықтық және әкімшілік кедергілер, салық салу ерекшеліктері, лицензиялау мен рұқсат алу рәсімдері, сондай-ақ Қазақстан мен Түркия арасындағы сауда-экономикалық ынтымақтастықты, оның ішінде қазақстандық өнімдердің экспортын одан әрі ілгерілетуге қатысты бірқатар ұсыныстар көтерілді.
Қазақстанның Ыстанбұлдағы Бас консулы Нуриддин Аманқұл өз сөзінде шетелде кәсіпкерлік қызметпен айналысып жүрген іскер азаматтарды қолдау мемлекет үшін маңызды басымдықтардың бірі екенін атап өтіп, Бас консулдық тарапынан тиісті консулдық-құқықтық қолдау көрсетіле беретінін жеткізді.
Кездесу қорытындысы бойынша тараптар Ыстанбұлдағы қазақстандық кәсіпкерлермен өзара байланысты одан әрі нығайтуға, сондай-ақ осындай форматтағы кездесулерді алдағы уақытта да тұрақты негізде өткізуге уағдаласты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мемлекет басшысының ШОБ-ты қолдау жөніндегі тапсырмаларын жүзеге асыру: Үкімет "Іскер аймақ" бірыңғай бағдарламасын бекітті
Сурет: primeminister.kz
Премьер-министр Олжас Бектеновтің төрағалығымен өткен Үкімет отырысында "Іскер аймақ" бизнесті қолдауға арналған бірыңғай бағдарламасы қаралып, бекітілді. Жиында Премьер-министрдің орынбасары - ұлттық экономика министрі Серік Жұманғарин, қаржы министрі Мәди Такиев, сондай-ақ "Атамекен" ҰКП және Бухгалтерлер одағының өкілдері баяндама жасады, деп хабарлайды Үкіметтің баспасөз қызметінен.
Бүгінде елімізде 2,2 млн-нан астам ШОБ субъектісі жұмыс істейді, сала бойынша шамамен 4 млн адам жұмыспен қамтылған.
Премьер-министр кәсіпкерлікті дамыту Мемлекет басшысының әрдайым ерекше назарында тұрған мәселе екенін, өйткені ол халық табысының маңызды көзі саналатынын атап өтті.
Қуатты әрі бәсекеге қабілетті кәсіпкерліктің дамуы - орнықты экономикалық өсудің негізгі факторы. Өздеріңізге мәлім, жуырда Мемлекет басшысы іскерлік белсенділікті ынталандыру үшін жедел түрде шағын бизнесті қолдаудың бірыңғай бағдарламасын қабылдауды тапсырды. Үкімет шағын және микробизнесті нақты қолдауға, өңірлердің ерекшелігін ескере отырып, өндірісті дамытуға бағытталған кешенді құжатты әзірледі", - деп атап өтті Олжас Бектенов.
Ұлттық экономика министрлігі келтірген деректер бойынша, "Іскер аймақ" шағын бизнесті қолдаудың бірыңғай бағдарламасы ауыл шаруашылығы шикізатын өңдеу мен тамақ өнімдерін өндіруден бастап ағаш өңдеу мен қолөнер қызметіне дейінгі жедел әлеуметтік-экономикалық әсері бар технологиялық қарапайым және тез іске асырылатын жобаға баса назар аудара отырып, ең алдымен ауылдық жерлер мен шағын қалаларда кәсіпкерлікті дамытуға бағытталған. Бағдарламаны жүзеге асыру үш бағыт бойынша: қаржылық, қаржылық емес және инфрақұрылымдық шаралар қарастырылған.
Үкімет бизнес-қоғамдастықпен тығыз іс-қимыл жасай отырып, кәсіпкерлерді қолдауға бағытталған жаңа салық саясатын қалыптастыруда. Отырыс барысында кәсіпкерлікті одан әрі дамыту үшін бизнес жүргізу қағидаларын жетілдіріп, оның неғұрлым түсінікті әрі ашық болуын қамтамасыз етуге көңіл бөлінді.
Атап айтқанда, негізгі маңызды өзгеріс - сервистік модельге көшу. Кәсіпкерді тіркелген сәтінен бастап, қызметінің барлық кезеңінде фискалдық қолдау жүйесі енгізілуде.
Салық органдарының алдында тұрған міндет - қателіктер үшін жазалау емес, керісінше қателеспеуге көмектесу.
Салықтық есептілік 30%-ға, ал салықтар мен алымдардың саны 20%-ға қысқарады. Бұл кәсіпкердің есеп беруге жұмсалатын уақытын азайтып, өз бизнесін дамытуға көбірек көңіл бөлуіне ықпал етеді.
Тексерулер тек тәуекелдер бойынша ғана жүргізілетін болады. Біз жоспарлы салық тексерулерінен толық бас тарттық. Микро және шағын бизнес үшін маңызды мәселе - 2026 жылға дейінгі кезеңдер бойынша салық тексерулері мен камералдық бақылау алынып тасталады. Сонымен қатар бұзушылықтардың алдын алуға баса назар аударылуда - ықтимал заң бұзушылықтар орын алған кездел алдын ала хабардар ету тетігі енгізіледі. Бұл бизнеске іс-әрекетін қаржылық шығындарсыз күні бұрын түзетуіне мүмкіндік береді.
Жаңа Бюджет кодексі шағын бизнестен түсетін барлық салық түсімдерін әкімдіктердің иелігінде қалдыруды көздейді. Енді әкімдер әрбір кәсіпкердің табысқа жетуіне мүдделі болады, өйткені ол жергілікті бюджет кірістерінің өсуіне тікелей ықпал етеді. Салық төлеуші "Цифрлық бюджет" арқылы аударым қаражатының өзі тұратын ауданды көркейтуге қалай әсер етіп жатқанын көре алады.
Жалпы, бюджеттің кіріс бөлігін жаңа салық-бюджет саясаты есебінен ұлғайту қосымша қаражатты қазақстандық бизнесті дамытуға және қолдауға бағыттауға мүмкіндік береді.
Бәйтерек" холдингіне "Атамекен" палатасымен бірлесіп, ісін жаңа бастаған кәсіпкерлерді оқыту мен оларға сервистік қолдау көрсетуді ұйымдастыруды тапсырамын.
Іскер аймақ" бағдарламасын кәсіпкерлердің, әсіресе ауылдық жерлер мен шағын қалалардағы бизнес-өкілдерінің сұраныстарына дер кезінде берілген жауап ретінде бағалауға болатыны атап өтілді. Осылайша, мемлекет жай ғана субсидия бөлу әдісінен, өңірлердің ортақ жауапкершілігі моделіне көшеді. Негізгі мақсат - тек несие беру емес, тұрақты өндірістер құрып, өнім шығару көлемінің нақты өсімін қамтамасыз ету.
Іскер аймақ" бағдарламасын тиімді жүзеге асыру үшін Олжас Бектенов бірқатар тапсырма берді.
Бірінші. Қаржы министрлігі "Іскер аймақ" бағдарламасын қаржыландыруды қамтамасыз етсін. Бағдарламаны жергілікті бюджеттер есебінен де қоса қаржыландыру көзделуі қажет.
Өңір әкімдіктері бірінші деңгейдегі субсидияларды бөлу үшін аймақтардың ерекшелігін ескере отырып, барынша қысқа мерзімде басым салалардың тізбесін қалыптастырсын.
Шағын бизнестің өндірістік инфрақұрылымға қолжетімділігін қамтамасыз етіп, өндірістік ғимараттарды жеңілдікпен жалға алуына мүмкіндік жасаған жөн. Сонымен қатар шағын бизнесті қолдаудың өңірлік бағдарламаларын әзірлеу маңызды іс екені атап өтілді.
Мәселен, Алматы қаласында кәсіпкерлікті дамыту бағдарламасы аясында биыл жергілікті бюджеттен шағын және орта бизнесті дамытуға 25,5 млрд теңге бөлінді. Бұл жалпы мемлекеттік қолдау шараларымен қамтылмаған, қала үшін неғұрлым басым бағыттардың дамуын ынталандыруға мүмкіндік берді.
Табысты мысалдардың бірі ретінде алада жылдық 6%-ға дейін жеңілдікті несиелер беру арқылы шағын өнеркәсіптік парктерді дамыту ісін айтуға болады. Басқа да өңірлерде оң тәжірибе бар. Оны бүкіл еліміз бойынша кеңінен тарату қажет.
Екінші. Өңдеуші сектордың жалпы ішкі өнімдегі үлесін одан әрі ұлғайту үшін кәсіпорындардың өндірістік қуатын арттырып, оларды жаңғырту жұмыстарын ынталандыру керек. Оны шағын және орта бизнес өндірістерін қайта жабдықтау есебінен де іске асырған жөн.
Өнеркәсіп министрлігіне келесі жылдың қаңтар айынан бастап өңдеу өнеркәсібінде өндірістік қуаттарды жаңғырту үшін лизингтік қаржыландыруды іске қосуды тапсырамын.
Шағын және микробизнес кепілдіксіз 300 млн теңгеге дейін өз өндірістерін жаңғырту мүмкіндігіне ие болады. Өндірісті қайта жабдықтау кәсіпорындардың өнімділігін ұлғайтып, бәсекеге қабілеттілігін арттыруға ықпал етеді.
Үшінші. Бизнесті оңайлатылған декларация режимін қолданатын жеткізушілермен жұмыс кезінде шығыстарды шегеруге тыйым салу мәселесі алаңдатып отыр. Бұл - шамамен 400 мың шағын және микробизнес өкілінің мүддесіне қатысты. Аталған санаттағы кәсіпкерлер өз кәсібінің болашағына алаңдамауы тиіс.
Қаржы министрлігі салықтық әкімшілендірудің сервистік моделін енгізіп, тиісті түсіндіру жұмыстарын жүргізу арқылы оларды қолдап отыруы қажет. Сонымен қатар Ұлттық банкпен бірлесіп, шағын бизнес үшін салық есептілігін автоматты түрде толтыруды жедел қамтамасыз етсін.
Ұлттық экономика министрлігі мүдделі мемлекеттік органдармен бірлесіп, жалпыға бірдей белгіленген салық салу режимінде жұмыс істейтін шағын және орта бизнесті қолдаудың қосымша салықтық емес шараларын әзірлесін.
Тиімді тетіктердің бірі "Өрлеу" бағдарламасы аясында қаржыландыру критерийлерін кеңейту.
Төртінші. Мемлекет басшысының тапсырмасы бойынша салықтық әкімшілендіру "Таза парақтан" жүргізіледі. Бұл шаралар барлық микро- және шағын бизнес субъектілеріне оң әсерін тигізеді.
Нормативтік құқықтық актілерді қабылдауды және ақпараттық жүйелердің дайындығын қамтамасыз ете отырып, бүкіл ұйымдастыру шараларын жедел түрде жүргізу тапсырылды.
Бесінші. Бағдарламаның мақсаты - негізінен шағын және моно қалалардағы және ауылдық жерлердегі кәсіпкерлерді қолдау. Шағын бизнеске айналым қаражатын толықтырып, борыш жүктемесін азайту мүмкіндігі беріледі.
Банктік несие бойынша номиналды мөлшерлеменің шамамен 9%-ын субсидиялау көзделген: Екінші деңгейлі банктердің ағымдағы номиналды мөлшерлемесі - 22%, субсидияланатыны - 8,8%.
Қорыта айтқанда, бірыңғай бағдарламаның жаңалықтары мен ережелерін бизнес субъектілеріне қарапайым тілмен түсіндіріп, тиісті әдістемелік ұсынымдарды шығару керек. Оларды бұқаралық ақпарат құралдарында және әлеуметтік медиада кеңінен таратқан жөн.
Бухгалтерлер одағы бизнесті тегін оқыту және кеңес беру бағдарламасын іске қосу жөнінде игі бастама көтерді. Мемлекеттік органдарға бұл процесті толық қолдап, жәрдем көрсетуі тиіс.
Жұмыс барлық жерде, тіпті ауыл-аймақтарға дейін жүргізілуі тиіс. Бухгалтерлер одағы, салалық қауымдастықтар мен ұйымдар мемлекеттік кірістер органдары мен әкімдіктердің қажетті инфрақұрылымын пайдалана алады.
Қаржы министрлігі әсіресе, мемлекеттік кірістер органдары жұмыс тәсілін түбегейлі өзгертуі керек екеніне назар аударылды. Бұзушылықтардың профилактикасы мен алдын ала ескертуге баса назар аудару керек.
Фискалдық органдар салық төлеушілер үшін серіктеске айналуы қажет.
Бизнес үшін салық төлеуден жалтарғаннан гөрі, таза жұмыс істеп, оны төлеу тиімді болатындай жағдай жасалуы қажет. Бұл бағытта кешенді әрі үйлесімді жұмыс жүргізілуі тиіс.
Үкімет әрі қарай да цифрлық платформаларды дамытып, әкімшілік рәсімдерді жеңілдетеді, инклюзивтілікті қолдап, орнықты өсу үшін шағын бизнесті қажетті құралдармен қамтамасыз етеді.
Үйлестіру Премьер-министрдің орынбасары - ұлттық экономика министрі Серік Жұманғаринге жүктелді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Петромидия" мұнай өңдеу зауытының негізгі операциялық көрсеткіштері тұрақты өсіп келеді
Сурет: t.me/kmgpress
Алдын ала бағалауға сәйкес, 2025 жылы Румыниядағы "Петромидия" мұнай өңдеу зауытында 5,88 млн тонна шикізат өңдеу жоспарланып отыр, бұл 2024 жылғы көрсеткіштен 27% жоғары. Жеңіл мұнай өнімдерін шығару көлемі 87% деңгейінде күтілуде. Көрсеткіштердің өсуі технологиялық режимдерді оңтайландыру, операциялық тиімділікті арттыру және өңделетін шикізат құрылымын жақсарту есебінен қамтамасыз етілді, деп хабарлайды ҚазМұнайГаз баспасөз қызметінен.
Биылғы 11 айдың қорытындысы бойынша өнім шығару көлемі былтырғы жылдың осындай кезеңімен салыстырғанда едәуір артты:
- авиациялық отын - 528 мың тонна (өсім 48%);
- бензин - 1,51 млн тонна (өсім 35,4%);
- дизель отыны - 2,28 млн тонна (өсім 24%).
Кәсіпорын энергия тиімділігіне ерекше ден қояды, мұны энергетикалық қарқындылықтың (EII) 92,75-ке дейін төмендеуі растап отыр. Өнеркәсіптегі қауіпсіздік және еңбекті қорғау саласында зауыт жарақат алудың "нөлдік" деңгейін және оқыс оқиғалар болмауының тұрақты көрсеткіштерін сақтап келеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ШҚО-да 1075 басқа арналған жаңа сүт-тауарлы ферма ашылды
Сурет: gov.kz
Шығыс Қазақстан облысының әкімі Алтай ауданына жұмыс сапарымен барды, деп хабарлайды Шығыс Қазақстан облысының әкімдігінің баспасөз қызметінен.
Полянское ауылында 1075 басқа арналған сүт-тауарлы фермасының салтанатты ашылу рәсімі өтті.
Жаңа нысан "Мойылды-Байқоңыр" ЖШС жүзеге асырып жатқан ауқымды инвестициялық жоба аясында салынды. Кәсіпорын ауыл шаруашылығы саласында 21 жылдан бері табысты жұмыс істеп келеді.
Жобаның жалпы инвестиция көлемі 10,151 млрд теңгені құрайды, оның ішінде 5,4 млрд теңгеден астамы - кәсіпорынның өз қаражаты.
Құрылыс жұмыстары өткен жылдың сәуір айында басталып, 2025 жылдың қараша айында аяқталды.
Жобаның бас мердігері - "ШығысАгроХолдинг" ЖШС. Қазіргі таңда нысанда заманауи жабдықтар орнатылып, қажетті техника сатып алынған. Сондай-ақ жемшөп базасын дамыту бағытында қарқынды жұмыс жүргізілуде.
Алдағы уақытта ферма жоғары өнімді техникамен толық жабдықталып, голштин тұқымындағы асыл тұқымды ірі қара әкелу көзделіп отыр.
Жоба іске қосылғаннан кейін кәсіпорында жылына 6 мың тоннаға дейін сүт өндіру жоспарланған. Қазіргі уақытта компанияда 82 адам тұрақты жұмыспен қамтылған. Жоба "Ертіс" әлеуметтік-кәсіпкерлік корпорациясының қолдауымен іске асырылуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Кувейтте Қазақстанның экономикалық, инвестициялық және туристік әлеуеті таныстырылды
Сурет: gov.kz
Қазақстан Республикасының Кувейт Мемлекетіндегі Елшілігі Кувейттің бұқаралық ақпарат құралдарының өкілдері үшін "Kazakhstan - a country of opportunities" атты брифинг өткізді, деп хабарлайды Қазақстан Республикасы Сыртқы істер министрлігінің баспасөз қызметінен.
Іс-шара барысында Қазақстан Республикасының Кувейт Мемлекетіндегі Елшісі Ержан Елекеев журналистерді Қазақстан Республикасының Президенті Қасым-Жомарт Тоқаевтың Қазақстан халқына Жолдауының негізгі бағыттары туралы хабардар ете отырып, тұрақты экономикалық өсудің, цифрлық трансформацияның, жасанды интеллектті енгізудің, сондай-ақ инвестициялық ахуалды одан әрі жетілдірудің стратегиялық басымдықтарына тоқталды.
Елші Қазақстан Орталық Азияның ірі экономикасы бола отырып, инвесторларға тұрақты, ашық және болжамды іскерлік ортаны ұсынатынын атап өтті. Ол 2024 жылдың қорытындысы бойынша елдің жалпы ішкі өнімі шамамен 291 млрд АҚШ долларын құрағанына, ал тәуелсіздік алғаннан бері тартылған тікелей шетелдік инвестициялардың жиынтық көлемі 474 млрд АҚШ долларынан асты, бұл аймақтағы барлық ТШИ-дің жартысына жуығына тең екендігіне назар аударды.
Брифинг барысында Қазақстанның туристік әлеуетіне ерекше назар аударылды. Елші еліміздің бай мәдени-тарихи мұрасының бірегей үйлесімін, табиғи ландшафттардың алуан түрлілігін, сондай-ақ заманауи туристік инфрақұрылымның үдемелі дамуын атап өтті. Дипломат 2024 жылы Қазақстанға Кувейт Мемлекетінен 4 мыңға жуық турист келгенін хабардар етті. Бұл 2022 жылғы көрсеткіштерден бес есе артық және Қазақстанға заманауи, жайлы және тартымды туристік бағыт ретінде қызығушылықтың тұрақты өсуін айқын көрсетеді.
Брифинг аясында журналистерге Қазақстанның барлық өңірлерінің туристік және мәдени көрікті жерлерін көрсететін бейнематериалдар ұсынылды, олар іс-шараға қатысушылар тарапынан қызу қызығушылық тудырды.
Іс-шара соңында Елші Қазақстан Республикасының Кувейт Мемлекетімен экономика, инвестициялар және туризм салаларындағы екіжақты ынтымақтастықты одан әрі нығайтуға мүдделілігін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Солтүстік Македония инвестициялық және сауда-экономикалық ынтымақтастықтың перспективаларын талқылады
Сурет: gov.kz
Қазақстанның Солтүстік Македониядағы Елшісі Сатыбалды Бұршақов Шетелдік инвестициялар және экспортты ілгерілету агенттігінің директоры Рефик Джемайлимен кездесті, деп хабарлайды Қазақстан Республикасы Сыртқы істер министрлігінің баспасөз қызметінен.
Қазақстан Елшісі македон тарапын Президент Қасым-Жомарт Тоқаевтың басшылығымен еліміздегі саяси және экономикалық реформалармен таныстырды, сондай-ақ Мемлекет басшысы Жолдауының негізгі ережелері туралы хабардар етті.
С.Бұршақов жаңа Жолдаудың тұжырымдамалық шеңбері елдің терең цифрлық трансформациясы, экономиканы әртараптандыру және цифрландыру, жасанды интеллектті дамыту идеясы болғанын атап өтті.
Президент Гордана Силяновска-Давкова мен Сыртқы істер және сыртқы сауда министрі Тимчо Муцунскидің ағымдағы жылдың мамыр-маусым айларында Астанаға жұмыс сапарлары барысында маңызды уағдаластықтар аталып өтті.
Ең алдымен, бұл іскерлік кеңес құру, бизнес-форум өткізу, екіжақты сауданы ұлғайту.
Агенттік басшылығы Қазақстан Республикасына шетелдік инвестицияларды тарту жөніндегі Елшіліктің презентациямен қызығушылықпен танысып, сауда-экономикалық ынтымақтастық саласында жоғары деңгейде қол жеткізілген өзара уағдаластықтарды ілгерілетуге жәрдемдесуге дайын екенін білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.