14.04.2021, 21:00 38086
Astra Consulting agensy қаржы пирамидасының қызметінен 600 млн теңгеден астам шығын келді
Достарға айту
Алматы қалалық ПД Тергеу басқармасы осы компанияның басшылығы мен қызметкерлеріне қатысты алғашқы мәлімдеме полицияға 2019 жылдың желтоқсанында түскенін еске түсірді. Бүгінгі күні зардап шеккендердің ресми саны – 124 адам.
Азаматтарды ақша салуға тарту және ай сайынғы девиденттерді төлеуге уәде беру бойынша бірқатар алаяқтық іс-әрекеттерді жасады деген күдікпен компанияның алты қызметкері ұсталып, қамауға алынды. Оның жетекшісі халықаралық іздеуге жарияланды. Күдіктілердің іс-әрекеттері ҚР ҚК-нің 217-бабы 3-бөлігі (Қаржылық пирамида) бойынша квалификацияланған. 124 салымшыға келтірілген материалдық шығынның жалпы сомасы 601 миллион 245 мың 283 теңгені құрады. Сотқа дейінгі тергеп-тексеруді ПД тергеу Басқармасы жүргізеді. Заңсыз әрекеттердің басқа қатысушыларын, сондай-ақ жәбірленушілерді анықтау жұмыстары жалғасуда. Осыған байланысты біз жоғарыда аталған компания өкілдерінің қылмыстық әрекеттерінен зардап шеккен азаматтарды тергеушіге мына телефон нөмірі 8-701-732-86-54 арқылы байланысуға немесе Алматы қаласы, Масанчи көшесі 55 үйге келіп ресми өтініш жазуға шақырамыз", – деді Алматы қалалық Полиция департаменті бастығының орынбасары Рүстем Әбдрахманов.
Ақпарат көзі: Polisia.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
18.03.2024, 11:19 2801
Астана қоймаларында болған ірі өрт сөндірілуде
Достарға айту
Астана қоймаларында болған ірі өрт сөндірілуде, деп хабарлайды ҚР ТЖМ баспасөз қызметінен.
Сағат 07.20-да Астана қ.ТЖД бөлімшелері Байқоңыр ауданында орын алған өрт орнына шықты. Өрт сөндірушілердің келіп жетуі бойынша 1000 ш.м. алдын ала алаңда отпен толық оранған бір қабатты қойма үй-жайы жанып жатқаны анықталды. Өрт кезінде ғимараттың алдыңғы қабырғасы мен шатыры құлады. Оқиға орнында үш жауынгерлік учаске құрылды", деп көрсетілген хабарламада.
Өрт сөндіру жұмыстарына жеке құрамның 70-ке жуық адамы, 15 техника жұмылдырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.03.2024, 14:52 10086
Қызылорда облысында бассейнде суға батқан бала құтқарылды
Достарға айту
Қызылорда облыстық ҚАЖД бастығы бассейнде суға батқан баланы құтқарып қалды, деп хабарлайды Polisia.kz.
Облыстық ҚАЖ департаментінің бастығы Шаймерден Есенкелдиев демалыс орнына отбасымен барған. Қайтуға жиналып жатқанда әйелдің бассейннен шыға алмай қалған баланы құтқаруды сұраған айқайлаған дауысын естіді. Бассейн түбінде жасөспірімнің жатқанын байқаған Есенкелдиев бірден суға секіріп, баланы сыртқа алып шықты.
Бар ойым бассейннен баланы аман-есен алып шығу болды. Бала көкпеңбек болып, демала алмай жатты. Жедел жәрдем келем дегенше жасанды тыныс алу жаттығуларын жасап, алғашқы медициналық көмек көрсеттім. Содан соң есін жиған жасөспірімді жедел-жәрдем қызметкерлері облыстық балалар ауруханасына алып кетті. Жағдайын хабарласып біліп отырдым. Мен бұл әрекетімді ерлік деп санамаймын. Өзім де әкемін, 8 балам бар. Бұл бала тоғызыншы балам болады", - дейді ҚАЖД бастығы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
16.03.2024, 14:48 10301
Полиция мен күзетшілер ер адамды үсіп қалудан құтқарды
Зардап шеккен адамға жедел жәрдем шақырылып, дәрігерлерге тапсырылды
Достарға айту
Полиция мен күзетшілер ер адамды үсіп қалудан құтқарды, деп хабарлайды Polisia.kz.
Рудныйдың 62 жастағы тұрғыны жұбайымен жанжалдасып, саяжайға кетіп қалады. Ер адам көлік тоқтатып біраз жер жүрген. Алайда, саяжайға жол болмағандықтан сапарын жаяу жалғастырған. 1,5 шақырым жүріп өткеннен кейін қар құрсауында қалып қояды. Кешқұрым күзетшілер аумақты бақылап жүріп адам іздерін аңғарған.
Іздерді көріп ұрылар екен деп ойладық. Алайда, от жағып жылынып отырған адамның үстінен түстік", - дейді күзетшілердің бірі.
Оқиға орнына патрульдік полиция қызметкерлері Серік Оспанов пен Асхат Алдешов келді. Ер адам астматик және қатты суықтан аяқтары тартылған.
Біз Рудный тұрғынын жылыту үшін көліктің чехолына жатқызып, қызметтік көлікке дейін сүйреттік", - деп атап өтті Серік Успанов.
Зардап шеккен адамға жедел жәрдем шақырылып, дәрігерлерге тапсырылды. Адасқан ер адамның жұбайы күйеуін құтқарғандарға алғыс білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
12.03.2024, 15:19 19671
Шымкентте 300-ден астам абонент жарықсыз қалды
Достарға айту
Шымкентте 300-ден астам абонент жарықсыз қалды, деп хабарлайлы "Отырар" баспасы.
Солтүстік Саяжай", "Достық", "Нұршуақ", "Солтүстік Батыс" шағын аудандарында 300-ден астам абонент электр жарығынсыз қалды. Оған апаттық жағдайлар себеп болған.
Қазіргі таңда арнайы бригада ақауды қалпына келтіру бойынша тиісті жқндеу жұмыстарын жүргізіп жатыр. Тұрғын үйлерге шамамен 2 сағат көлемінде электр жарығы қайта беріледі деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
07.03.2024, 19:56 39936
Жетісу облысында өртеніп жатқан пәтерден екі бала құтқарылды
Өрттің шығу себебі анықталып жатыр
Достарға айту
Жетісулық құтқарушылар өртеніп жатқан пәтерден екі баланы құтқарды, деп хабарлайды ҚазАқпарат.
Облыстық Төтенше жағдайлар департаментінің мәліметінше, 7 наурыз күні сағат 10:18-де Алакөл ауданы Үшарал қаласындағы көпқабатты тұрғын үйлердің бірінде пәтер өртеніп жатқаны туралы хабарлама келіп түскен.
Қабылданған шаралар барысында баспалдақ маршы арқылы екі азамат құтқарылды. Үш тізелі баспалдақ арқылы екі бала құтқарылып, жедел медициналық көмек қызметкерлеріне тапсырылды", - деп хабарлады ведомстводан.
Өрт сөндіру бөлімдері келгенге дейін 40 азамат, оның ішінде 16 бала тұрғын үйден өз бетінше эвакуацияланған. 20 шаршы метр аумақты қамтыған өрт сағат 10:57-де сөндірілді.
Өрттің шығу себебі анықталып жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
06.03.2024, 20:35 44446
Алматыдан 266 шақырым қашықтықта жер сілкінді
Достарға айту
ҚР Төтенше жағдайлар министрлігіне қарасты сейсмикалық стансалар желісі 6 наурыз күні сағат 18:19-да жер сілкінісін тіркеді, деп хабарлайды ҚазАқпарат.
Жер сілкінісінің ошағы Алматыдан оңтүстік-шығысқа қарай 266 шақырым жерде, Қытай аумағында орналасқан.
Жер сілкінісінің энергетикалық класы - 9,6. MPV магнитудасы - 3.9. Координаттары 41,27°с.е. 78,80° ш. б. Тереңдігі - 5 км.
Сезілуі туралы ақпарат (MSK-64 шкаласы бойынша): Қазақстан Республикасының аумағында - жоқ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
06.03.2024, 14:03 44811
2 млн қазақстандықтың дербес деректері желіге тарап кеткен
Сурет: Depositphotos
Достарға айту
2024 жылғы 5 наурызда "Мемлекеттік техникалық қызмет" АҚ zaimer.kz ("МҚҰ "Робокэш.кз" ЖШС) микроқаржы ұйымының клиенттері саналатын қазақстандықтардың 2 млн.-нан астам жеке деректерінің таралуын анықтады, деп хабарлайды ҚР ЦДИАӨМ баспасөз қызметінен.
Жалпы, Robo.finance платформасында жұмыс істейтін микроқаржы ұйымдары клиенттерінің 36 млн-нан астам (РФ - 23,6 млн. (zaimer.ru - 16.8 млн., adengi.ru -6.8 млн.); Филиппин - 5 млн. (digido.ph); Вьетнам - 2 млн. (vietloan.vn) деректері анықталды.
Сондай-ақ, "Мемлекеттік техникалық қызмет" АҚ таратылған деректерге талдау жүргізді, Цифрлық даму министрлігі клиенттердің жеке басын анықтау нәтижелері бойынша азаматтарға EgovMobile мобильді қосымшасы арқылы тиісті хабарламалар жолдайтын болады.
Қазақстан Республикасының Дербес деректер және оларды қорғау туралы заңнамасының талаптарын бұзғаны үшін "Әкімшілік құқық бұзушылық туралы" Қазақстан Республикасы Кодексінің 79-бабына және 641-бабы бірінші бөлігінің 1) тармақшасына сәйкес әкімшілік жауапкершілік, сондай-ақ Қазақстан Республикасы Қылмыстық кодексінің 147-бабына сәйкес қылмыстық жауапкершілік көзделгенін атап өткен жөн.
Осы факт бойынша қазақстандықтардың дербес деректері тараған дерекқор операторларына қатысты жоспардан тыс тексерулер жүргізу жоспарлануда.
Тексеру нәтижелері бойынша деректер базасының операторларына қатысты заңнама талаптарын бұзушылықтар анықталған кезде анықталған бұзушылықтарды жою туралы ұйғарымдар беріледі, сондай-ақ субъектінің санатына және құқық бұзушылық құрамына байланысты 100-ден 1000 АЕК-ке дейінгі мөлшерде әкімшілік айыппұлдар жазылады.
ЦДИАӨМ өз тарапынан дербес деректердің тарап кетуіне байланысты жауапкершілікті қатаңдату жөнінде шаралар қабылдайды.
Осылайша 2023 жылғы 11 желтоқсанда "Қазақстан Республикасының кейбір заңнамалық актілеріне ақпараттық қауіпсіздік, ақпараттандыру және цифрлық активтер мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойылды, ол дербес деректерді қорғауды күшейтуге және ақпараттандыру объектілерінің ақпараттық қауіпсіздігін қамтамасыз ету кезінде өзара іс-қимылдың жаңа тетіктерін айқындауға бағытталған.
Заң келесі жаңалықтарды қарастырады:
‒ дербес деректерді қорғау саласындағы уәкілетті органға (ЦДИАӨМ) Қазақстан Республикасының Дербес деректер және оларды қорғау туралы заңнамасының сақталуын мемлекеттік бақылау функциясын беру;
- мемлекеттік органдардың және (немесе) мемлекеттік заңды тұлғалардың ақпараттандыру объектілерімен интеграциясы болмаған, технологиялық құралдарды пайдалана отырып субъектіні сәйкестендіру мүмкін болмаған жағдайларды қоспағанда, сондай-ақ Қазақстан Республикасының заңдарында көзделген өзге де жағдайларда жеке басын куәландыратын, дербес деректері бар құжаттардың көшірмелерін жинауға, өңдеуге тыйым салуды белгілеу;
- азаматтарды дербес деректердің таралып кету фактілері туралы хабардар ету;
- "ақ хакерлер" институтын реттейтін ақпараттық қауіпсіздік зерттеушілерімен (BugBounty) өзара іс-қимыл бағдарламасын құру;
банктік қарыздарды алудан ерікті түрде бас тартуды белгілеу.
Бұдан басқа, Қазақстан Республикасы Мәжілісінің депутаттары "Әкімшілік құқық бұзушылық туралы" Қазақстан Республикасының Кодексіне түзетулер енгізуге бастамашылық жасады. Ол бойынша келесілер көзделеді:
жеке тұлғалар мен заңды тұлғалар үшін дербес деректерді және электрондық цифрлық қолтаңбаны қорғау саласында әкімшілік құқық бұзушылық жасағаны үшін әкімшілік жауаптылыққа тартудың ескіру мерзімін жасалған күннен бастап бір жылға дейін ұлғайту;
2) дербес деректерді қорғау және ақпараттық қауіпсіздікті қамтамасыз ету жөніндегі талаптарды бұзғаны үшін әкімшілік айыппұлдардың мөлшерін 3 есеге дейін ұлғайту.
Сонымен қатар, қазіргі уақытта ақпараттық қауіпсіздік және дербес деректерді қорғау салаларында мемлекеттік бақылауды жүзеге асыратын бөлімшелердің штат санын 5 адамға дейін ұлғайту мәселесі қаралуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
04.03.2024, 20:34 52356
Каспий жағалауындағы өрт тікұшақтың көмегімен бақылануда
Сурет: ТЖМ
Достарға айту
Каспий жағалауындағы өрт тікұшақтың көмегімен бақылануда, деп хабарлайды ҚР Төтенше жағдайлар министрлігінің баспасөз қызметінен.
Атырау облысында Каспий теңізінің жағалауында Құрманғазы ауылынан 40 км жерде, Құрманғазы орманшылығы КММ аумағында 1000 га алаңда қамыс өсімдіктері жанды. Елді мекенге қауіп жоқ.
Әуеден барлау жүргізу үшін ТЖМ "Қазавиақұтқару" АҚ МИ-8 тікұшағы жұмылдырылды.
Жалпы жанған аумақ көлемі 1000 га құрайды. Оның ішінде 200 га аумақ ТЖД күштерімен сөндірілді, ал 780 га аумақ өздігінен сөнді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
18.03.2024, 12:08Алматыда жеті жасар Каринаны өлтірген өгей ана сотталды 18.03.2024, 15:53 16806АИТВ, қант диабеті және басқа да әлеуметтік маңызы бар аурулармен ауыратын науқастар тегін емделеді - Денсаулық сақтау министрлігі18.03.2024, 16:16 16491Қызылорда облысының прокурорлары екі айда 40 млн. тг. алимент өндірді18.03.2024, 16:21 15331Храпунов шығарған жедел медициналық жәрдем кешенінің бір бөлігі Алматыға қайтарылды18.03.2024, 16:40 14991Бектенов ЕАДБ басшысымен инвестициялық ынтымақтастықты кеңейту мәселелерін талқылады
14.03.2024, 22:03 94756Астана қаласында су тасқынына дайындық жұмыстары қарқынды жүргізілуде14.03.2024, 22:00 94486Самұрық-Қазына президентке есеп берді14.03.2024, 21:57 91386Цифрлық даму министрлігі Қаржы мониторингі агенттігімен кездесу өткізді16.03.2024, 15:08 59491Семей қаласыда табиғи сипаттағы төтенше жағдай жарияланды14.03.2024, 21:54 59351Түркістан облысындағы су құрылыстарын реконструкциялау қарқынды жүргізілуде
06.03.2024, 20:30 119231Су тасқыны кезеңіне дайындық аясында ШҚО-да мұзды ұсату жұмыстары жүргізілуде06.03.2024, 20:19 110011Үрімшіде Қазақстан мен Қытайдың туристік әлеуетін ілгерілету және туризм саласындағы ынтымақтастықты нығайту мақсатында туристік форум өтті07.03.2024, 15:56 105401Қазақстан мен Сауд Арабиясы бірге жел электр станциясын салады06.03.2024, 20:08 104951Көлік министрлігі халықаралық жүк автотасымалдау нарығын алыпсатарлардан тазартуға ниетті07.03.2024, 13:23 104731Қазақстан тұтыну несиелерінің мөлшерлемесін төмендетуді жоспарлап отыр