Астанада ЕҚЫҰ саммиті ашылды
Астанада ЕҚЫҰ саммиті ашылды, деп хабарлайды Kazakhstan Today агенттігінің тілшісі.
Астана. 1 - желтоқсан. Kazakhstan Today - Астанада ЕҚЫҰ саммиті ашылды, деп хабарлайды Kazakhstan Today агенттігінің тілшісі.
Астанада ЕҚЫҰ Саммитінің пленарлық отырысы ресми түрде ашылды. Саммитті ашқан ҚР Президенті Нұрсұлтан Назарбаев Саммитте ұсынылып отырған Астана декларациясы мен іс-жоспарларының жобалары Ұйымның барлық мүшелері тарапынан қолдау табатынына сенім білдірді.
Бұрын хабарлағанымыздай, ЕҚЫҰ мүше мемлекеттер мен оның серіктестерінің барлығы да саммитке қатысатындықтарын растаған болатын. Бұл туралы 29-қараша күні өткен баспасөз мәслихатында Сыртқы істер министрлігі ЕҚЫҰ департаментінің директоры, Ерекше тапсырмалар жөніндегі елші Сержан Ибдікәрімов мәлім еткен болатын.
Естеріңізге сала кетсек, ЕҚЫҰ ең соңғы саммиті 1999 жылы Стамбул қаласында өткен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.