Елбасының Америка Құрама Штаттарына ресми сапарының қорытындысы бойынша Қазақстан-американ бірлескен мәлімдемесі қабылданды
Құрама Штаттар Президент Нұрсұлтан Назарбаевтың стратегиясына сәйкес Қазақстанның әлемдегі бәсекеге барынша қабілетті елу елдің қатарына ену жөніндегі жоспарын қолдайды.
Құрама Штаттар Қазақстанды Дүниежүзілік Сауда Ұйымына мүшелікке өтуге деген ұмтылысын қолдайды және рынокқа қол жеткізу туралы келісім еркін саудаға ықпал етіп, жаңартылуы жалғастырылып жатқан Қазақстан экономикасына үлес қосатынын мойындай отырып, Қазақстанның мүшелікке дайындық бағытындағы күш-жігерін қолдайды.
Құрама Штаттар Қазақстанның Еуразия мен Ауғанстанға айтарлықтай инвестицияларын қоса алғанда өңірлік интеграциялардағы көшбасшылығын қолдайды.
Бүгін қол жеткізген уағдаластықтарды жүзеге асыру бойынша ортақ көзқарас танытуды қуаттай отырып, біз энергетика, әскери ынтымақтастық, сауда-саттық пен инвестициялар, демократияландыру жөніндегі стратегиялық үнқатысуларды әрі қарай да стратегиялық әріптестік жолымен нығайта түсуге ниеттес екенімізді білдіреміз. Біздің елдеріміздің стратегиялық әріптестігін кеңейту XXI ғасырда қауіпсіздікке, өсіп-өркендеуге және демократияны дамытуға оң ықпал ететініне нық сенімді екенімізді білдіреміз, - делінген Бірлескен мәлімдемеде.
Сапар аясында сондай-ақ Қазақстан Республикасының Көлік және коммуникация министрлігі мен АҚШ Федеральдық теміржол басқармасы арасындағы ынтымақтастық туралы меморандумға, Қазақстан Республикасының Үкіметі мен "Federal Express Corporation" арасындағы халықаралық әуе жүк тасымалы туралы келісімге, Ауыл шаруашылығы саласындағы ынтымақтастық жөніндегі өзара түсіністік туралы меморандумға қол қойылды.
Ақ үйдегі кездесу аяқталғаннан кейін Қазақстан президенті Нұрсұлтан Назарбаев бірқатар американдық БАҚ өкілдеріне сұхбат берді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.