ЕурАзЭҚ Интеграциялық комитеті Кедендік одақты құру бойынша 2010 жылға дейінгі іс-әрекеттер жоспарын мақұлдады
ЕурАзЭҚ Интеграциялық комитеті Кедендік одақты құру бойынша 2010 жылға дейінгі іс-әрекеттер жоспарын мақұлдады
Алматы. 28 сәуір. "Қазақстан Бүгін" - ЕурАзЭҚ Интеграциялық комитеті Кедендік одақты құру бойынша 2010 жылға дейінгі іс-әрекеттер жоспарын мақұлдады, деп хабарлайды агенттік ЕурАзЭҚ баспасөз қызметіне сілтеме жасап.
ЕурАзЭҚ бас хатшысы Тайыр Мансұровтың айтуынша, "Кедендік одақты құру бойынша бұдан былайғы іс-қызмет аясы айқындалды". Ол Ресей, Беларусь пен Қазақстанның кедендік одағын құрудың құқықтық негіздерін қалыптастыру жұмыстары аяқталғанын еске салды. "Кедендік одақты 2010 жылға дейін құру жөніндегі басты мақсаттарды шешуге мүмкіндік беретін 13 құжатқа қол қойылды", -деді Т.Мансұров.
Отырысқа қатысушылар сондай-ақ, кедендік қызметтердің ақпараттық ықпалдастығының біртұтас принциптері туралы және инвестицияларды өзара қорғау туралы келісімдердің жобасын мақұлдады.
ЕурАзЭҚ 2000-жылдың қазан айында құрылған. Қоғамдастыққа Беларусь, Қазақстан, Қырғызстан, Ресей, Өзбекстан және Тәжікстан енеді. Армения, Молдова және Украина Қоғамдастық жанындағы бақылаушы мәртебесіне ие. ЕурАзЭҚ аясындағы Кедендік одақ бірінші кезеңде Ресей, Беларусь пен Қазақстанның қатысуымен құрылады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.