Қазақстанның премьер-министрі Сингапурде іс-сапармен жүр
Бүгін Сингапурға жасаған ресми сапарының аясында Қазақстан Республикасының Премьер-Министрі Кәрім Мәсімов Сингапурдың Премьер-Министрі Ли Сянь Лунмен және сыртқы істер министрі Джордж Ёомен кездесіп, кездесу барысында екіжақты қазақстандық-сингапурлық сауда-экономикалық ынтымақтастықты кеңейту мәселелерін талқылады, деп хабарлайды Kazakhstan Today агенттігінің тілшісі.
Алматы. 14 - қазан. Kazakhstan Today - Бүгін Сингапурға жасаған ресми сапарының аясында Қазақстан Республикасының Премьер-Министрі Кәрім Мәсімов Сингапурдың Премьер-Министрі Ли Сянь Лунмен және сыртқы істер министрі Джордж Ёомен кездесіп, кездесу барысында екіжақты қазақстандық-сингапурлық сауда-экономикалық ынтымақтастықты кеңейту мәселелерін талқылады, деп хабарлайды Kazakhstan Today агенттігінің тілшісі.
Премьер-министр күннің екінші жартысында Сингапурдың Ақпараттандыру және байланыс агенттігінде болып, ақпарттық технология мен "электронды үкімет" тиімділігін арттыру салаларындағы ынтымақтастық туралы келіссөздер өткізді. Сонымен қатар, К.Мәсімов медициналық университет пен "Jurong" индустриалды аралында болып қайтады.
Сондай-ақ, ҚР Үкімет басшысы К.Мәсімов Сингапурдың Тәлімгер-министрі Ли Куан Юмен кездесті. Кездесу барысында қазіргі әлемдік экономикалық жағдай туралы және Қазақстан мен Сингапур арасындағы сауда-экономикалық ынтымақтастықтың болашағы туралы пікіралмасу болды.
CNA хабарлауынша, ҚР премьер-министрі Сингапурмен, атап айтқанда денсаулық сақтау және білім беру саласындағы байланыстары одан әрі дами түседі деп санайтындығын айтып өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.