АСТАНА. 14-қараша. Kazakhstan Today. Швейцария Қазақстанның 2009-жылы Еуропадағы қауіпсіздік және ынтымақтастық жөніндегі ұйымының төрағасы болу туралы бастамасын қолдайтынын тағы бір мәрте растады. Бұл туралы Kazakhstan Today агенттігіне ҚР СІМ-нің баспасөз қызметі хабарлады.
Қазақстанның 2009-жылы Еуропадағы қауіпсіздік және ынтымақтастық жөніндегі ұйымына төраға болу мәселесіне Швейцария мен Қазақстан сыртқы істер министрліктерінің кеше Бернде өткен консультацияларында баса назар аударылды. Оған қатысқан еліміздің өкілдерін ҚР СІМ-нің бірінші орынбасары Рахат Илиев басқарды.
Швейцария жағы Қазақстанның кандидатурасын қолдау тұрғысында ұйымға мүше елдердің бір пікірге келуіне қол жеткізу қажет деп пайымдайды.
Келіссөздер барысында атап көрсетілгеніндей, Қазақстанда жүргізіліп жатқан саяси реформалардың оң нәтижелері, демократиялық институттардың құрылуы, ұлтаралық келісім мен діни төзімділікке қол жеткізілуі баса көңіл бөлуге тұрарлық жетістіктер.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Швейцария Қазақстанның Еуропадағы қауіпсіздік және ынтымақтастық жөніндегі ұйымының төрағасы болу туралы бастамасын қолдайтынын тағы бір мәрте растады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.