Тәжікстанның Қазақстандағы жаңа елшісі тағайындалды
Бахром Холназаров Тәжікстанның Қазақстан Республикасындағы төтенше және өкілетті елшісі болып тағайындалды. Бұл туралы қаулыға Тәжікстанның елбасы Эмомали Рахмон қол қойды.
"ҚАЗАҚСТАН БҮГІН". 22 - тамыз. ДУШАНБЕ. Бахром Холназаров Тәжікстанның Қазақстан Республикасындағы төтенше және өкілетті елшісі болып тағайындалды. Бұл туралы қаулыға Тәжікстанның елбасы Эмомали Рахмон қол қойды, деп хабарлайды "ҚАЗАҚСТАН БҮГІН" агенттігінің тілшісі Тәжікстан Республикасы президентінің баспасөз қызметіне сілтеме жасай отырып.
Сонымен қатар, баспасөз қызметінің ақпараттарына сүйенсек, Тәжікстан президентінің өкімімен 5 жыл бойы Тәжікстан Республикасының Қазақстан Республикасындағы дипломатиялық өкілеттілігінің басшысы болған Акбаршо Искандаров лауазымынан босатылған болатын.
Баспасөз қызметінің хабарлауынша, Б. Холназаров Қазақстандағы елші лауазымына тағайындалғанға дейін Тәжікстанның Сыртқы істер министрлігінің консулдық басқармасын басқарған.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.