Владимир Путин РФ президенттігіне үміткер ретінде ұсынған Дмитрий Медведевтің кандидатурасын қолдады
Владимир Путин РФ президенті постына үміткер ретінде ұсынған Дмитрий Медведевтің кандидатурасын қолдады
Мәскеу. 10-желтоқсан. "Қазақстан Бүгін" - Ресей Федерациясының президенті Владимир Путин бірінші вице-премьер Дмитрий Медведевтің РФ президенті постына үміткер ретінде ұсынған кандидатурасын қолдады. Бұл туралы бүгін Ресей Федерациясы президентінің төрт партия жетекшілерімен кездесуі барысында белгілі болды, деп хабарлайды "Қазақстан Бүгін" агенттігінің тілшісі.
«Біртұтас Ресей», «Иділетті Ресей», «Аграрлық партия» және «Азаматтық күш» партиялары кездесу барысында Ресей Федерациясының президенттігіне кандидат ретінде бірінші вице-премьер Дмитрий Медведевті ұсынды және де бұл ұсынысты президент Владимир Путин қолдады.
«Біз Сізге өзіміз әркез қолдайтын кандидатты ұсынғымыз келді. Бұл үкімет төрағасының бірінші орынбасары Медведев Дмитирий Анатолбевичтің кандидатурасы»,- деді Ресей Федерациясының президенті Владимир Путинге қарап сөйлеген сөзінде біртұтас ресейліктердің жетекшісі Борис Грызлов төрт партия жетекшілерінің атынан. Ресей Федерациясының президенті Владимир Путин өз кезегінде: «Дмитрий Анатольевич Медведевтің кандидатурасына тоқталатын болсақ, мен онымен 17 жылдан бері өте жақын таныспын және де мен бұл кандидатураны толық қолдаймын», деп атап өтті.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.