Система Orphus

Алматыда қоғамдық көлік қалыпты жұмыс кестесіне оралды

19.01.2022, 16:41 32106
Алматыда қоғамдық көлік қалыпты жұмыс кестесіне оралды
АЛМАТЫ. 19 ҚАҢТАР - Алматыда 19 қаңтардан бастап қоғамдық көліктер қалыпты режим бойынша жұмысын жандандырады. Бұл туралы Алматы қалалық мобильділік басқармасы мәлім етті.
 

Алматыда коменданттық сағат пен төтенше жағдай режимінің аяқталуына байланысты қоғамдық көлік (автобус, троллейбус, метрополитен) 19 қаңтардан бастап таңғы сағат 06:00-ден түнгі 23:00-ге дейін, метрополитен 00:00-ге дейін жұмыс істейтін болады", - делінген басқарма таратқан хабарламада. 

 
Еске салайық, 5 қаңтарда Президент Қасым-Жомарт Тоқаевтың жарлығымен елдегі жағдайға байланысты Төтенше жағдай жарияланып, түнгі сағат 23:00-ден таңғы 7:00-ге дейін коменданттық сағат енгізілген болатын.

Айта кетейік, 19 қаңтарда жарым түннен кейін Қазақстанның барлық өңірінде төтенше жағдайдың күші жойылды. 

Сонымен қатар, Алматы комендатурасы қалада террористік қауіптіліктің "қызыл" деңгейі сақталып отырғанын еске салады. Терроризмге қарсы іс-шаралар шеңберінде Алматы ПД, Ұлттық Ұлан және ҚР Қорғаныс министрлігі әскери қызметшілерінің күшімен қаланы тәулік бойы патрульдеу қамтамасыз етіледі. Блокпосттар жұмысын жалғастыруда.
 
Террористік қауіптіліктің сыни "қызыл" деңгейі кезінде құқық қорғау органдарына азаматтардың жеке басын тексеруге және заттарын, көлік құралдарын тексеруге, сондай-ақ олардың қозғалысын уақытша шектеуге немесе тыйым салуға рұқсат етіледі. Шерулер мен митингтерді өткізуге тыйым салынады.

Комендатурада құқық қорғау органдарының жұмысына түсіністікпен қарауды және олардың заңды талаптарын сақтауды сұрайды. Терроризмге қарсы операцияның аяқталу мерзімі туралы қосымша хабарланады.
 
Ақпарат көзі: inform.kz 
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны