Мамыр айында қазақстандықтар қанша күн демалады
2021 жылдың мамыр айында бес күндік жұмыс аптасында қазақстандықтарды 18 жұмыс және 13 демалыс күні күтеді.
АЛМАТЫ. 9 СӘУІР - 2021 жылдың мамыр айында бес күндік жұмыс аптасында қазақстандықтарды 18 жұмыс және 13 демалыс күні күтеді, деп хабарлайды KAZAKHSTAN TODAY.
Қазақстан халқының бірлігі күні 1 мамыр сенбіге түсетіндіктен, демалыс күні 3 мамыр, дүйсенбіге ауыстырылады.
Ұлы Отан соғысындағы Жеңіс күні қазақстандықтар 4 күн - 7, 8, 9, 10 мамырда демалады. 7 мамыр - Отан қорғаушылар күнін мерекелеуге байланысты демалыс. 9 мамыр жексенбіге келеді, осыған байланысты демалыс күні дүйсенбі, 10 мамырға ауыстырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматының жаңа бас жоспарында тау бөктерлерін игеруге қатаң шектеулер енгізілген
Бас жоспарды талқылау кезінде алматылықтарды ауа сапасы, экология, көлік және нүктелік құрылыс толғандырды
Алматы. 27 қаңтар. KAZAKHSTAN TODAY - Алматы қаласы әкімдігі мен "Алматыбасжоспар" ҒЗИ" ЖШС-нің бастамасымен Алматы қаласының 2040 жылға дейінгі жаңа Бас жоспарының үш күндік қоғамдық талқылауы аяқталды, деп хабарлайды Алматы қаласы әкімдігінің баспасөз қызметі.
Жалпы алғанда қаланың барлық сегіз ауданының тұрғындары мен сарапшылар Бас жоспардың көлік және әлеуметтік инфрақұрылымды дамыту, инженерлік желілерді жаңғырту, сонымен қатар, ауаның ластану мәселесін шешу жолдары мен экологиялық жағдайды жақсарту шараларын қамтитын бөлімдерін талқылады", - деп хабарлайды Алматы әкімдігі.
Жаңа Бас жоспар қала құрылысының әлемдік тәжірибесін ескеріп, Алматы қаласын дамытудың векторы болып табылатын, агломерациямен тиімді байланысқан үйлесімді мегаполис, қала тұрғындары мен қонақтарының тұруы, жұмыс істеуі және демалысы үшін тартымды және жайлы орынды көздейді.
Мамандар Бас жоспардың қоршаған ортаға, қоғамдық көлікке, солтүстік бағыттағы инфрақұрылымды дамытуға қатысты бөлімдері бойынша дұрыс ұсыныстар жасады. Мамандар тауларды қорғау қажеттігін де атап өтті. Барлық ұсыныс қала құрылысы құжатында ескеріледі.
Іле Алатауының етегіндегі бау-бақшаларды сақтау мәселесіне қатысты мамандар бас жоспарда қаланың жасыл қорын сақтау мен ұлғайту қарастырылғанын, тау бөктерлерін дамытуға қатаң шектеулер енгізілген түсіндірді. Қоғам белсенділерінің барлық ұсынысы да есепке алынып, егжей-тегжейлі жоспарлау жобасы әзірлеушілерге беріледі", - делінген ақпаратта.
Қоғамдық талқылаулар барысында барлық сегіз ауданның тұрғындары өз шағын аудандарының әлеуметтік нысандар, инженерлік желілер және т.б. инфрақұрылымдық құрылысты дамыту барысымен танысты. Олардың сұрақтары мен ұсыныстары негізінен нақты салаларға қатысты болды және бас жоспардың негізгі тарауларына әсер еткен жоқ. Дегенмен жұмыс тобының мүшелері олардың ескертулерін қарап, ескеретін болады.
Әкімдік үш күндік қоғамдық талқылау барысында сарапшылар мен азаматтардан түскен барлық ұсыныстар мен ескертулер Алматы полиорталықтарының бас жоспарларын әзірлеу бойынша техникалық тапсырмаларды (ТТ) белгілеу кезінде ескерілетінін атап өтті.
Айта кетейік, 25 қаңтарда Алматы қаласының әкімдігі мен "Алматыбасжоспар" ҒЗИ" ЖШС Алматы қаласының 2040 жылға дейінгі жаңа Бас жоспарын қоғамдық талқылауды бастады. Қазіргі бас жоспар осыдан 20 жылдан астам уақыт бұрын - 2002 жылы бекітілген, және онда қаланың өсіп келе жатқан қажеттіліктері ескерілмеген. Бас жоспарға енгізілген түзетулер оны жан-жақты жетілдіре алмады: құжат өзгерістер ескермеді, өзектілігін жоғалтты және түбегейлі қайта қарауды қажет етті. Сондықтан былтыр Алматы қаласының әкімі Ерболат Досаевтың тапсырмасы бойынша осы жылдың бірінші тоқсанында қабылданады деп жоспарланған 2040 жылға дейінгі қаланың жаңа бас жоспары бойынша жұмыс басталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Үкіметте инвестициялық ахуалды жақсарту жөніндегі шаралар қаралды
Жобалар үшін техникалық шарттар мен жер учаскелерін алу кезінде кездесетін кедергілерді алып тастау бойынша ұсынымдар әзірленді
Сурет: primeminister.kz
Астана. 27 қаңтар. KAZAKHSTAN TODAY - Премьер-Министр Әлихан Смайыловтың төрағалығымен өткен Экономикалық саясат жөніндегі кеңестің отырысында Үкіметтің инвестициялық блогының жұмысын күшейту жөніндегі ұсыныстар қаралды, деп хабарлайды ҚР Үкіметінің баспасөз қызметі.
Отырысқа қатысушылар инвестициялық дауларды қарау процесін жеделдету, инвесторларды құқықтық қорғауды күшейту және мемлекеттік органдардың шарттық міндеттемелерді орындамау себептерін жою жөніндегі шараларды талқылады.
Сонымен қатар өңірлерде инвестиция тартуды ынталандыру, салықтық және кедендік әкімшілендіруді жеңілдету, кәсіпкерлердің қаржы көздеріне қолжетімділігін кеңейту бойынша ұсыныстар қаралды.
Бұдан басқа, отырыста инвесторлардың жобалар үшін техникалық шарттар мен жер учаскелерін алу кезінде кездесетін кедергілерді алып тастау бойынша ұсынымдар әзірленді. Атап айтқанда, бұл тәуекелдерді басқару жүйесін автоматтандыру және қолдану, сондай-ақ бағалау компанияларының жауапкершілігін арттыру арқылы рұқсат беру процесін цифрландыруға қатысты.
Талқылау қорытындысы бойынша, Кеңес Үкіметтің инвестициялық блогын күшейту жөніндегі шаралардың жаңа пакетін пысықтауды тапсырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Теміртауда ЖЭО-2-де қазандық қондырғылары жөндеу жұмыстарына тоқтатылды
Бүгін күннің соңына дейін жұмыс аяқталады
Теміртау. 26 қаңтар. KAZAKHSTAN TODAY - Теміртауда ЖЭО-2-де қазандық қондырғылары жөндеу жұмыстарына тоқтатылды, деп хабарлайды қала әкімдігінің баспасөз қызметі.
Құрметті тұрғындар, қазіргі таңда No1, No2, No4, No6 қазандық агрегаттары жұмыс істеп тұр. Түтін құбырындағы жөндеу жұмыстарын жүргізу үшін No3 қазандық қондырғысы тоқтатылды. No5 қазандық қондырғысында бу қыздырғышындағы фистулаларды жою жұмыстары жүргізілуде", - деп хабарлады "АрселорМиттал Теміртау" АҚ.
Бүгін күннің соңына дейін жұмыс аяқталып, қазандық қондырғысы іске қосылып, температуралық режим қажетті 87 градусқа дейін тұрақталады.
Қазіргі уақытта жылу беру температурасы 69 градусты құрайды.
Бұған дейін Теміртау ЖЭО-2-ге қатысты жоспардан тыс тексеру жүргізілген болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Экология министрлігі 1815 киік атуға рұқсат бермекші
Қазақстанның төрт облысында ақбөкендерді атуға рұқсат етіледі
Сурет: Depositphotos
Астана. 26 қаңтар. KAZAKHSTAN TODAY - Елімізде киік аулауға рұқсат берілетін болды. Бірақ кім көрінген оңды-солды киікті қыра бермейді. Ақбөкендерді тек ғылыми зерттеу жүргізу үшін ғана аулауы мүмкін. Қазір осы жобаны экология министрлігі қоғамдық талқылауға шығарып отыр.
Киік аулау үшін еліміздің төрт өңірі таңдалған. Әзірге 1815 бас ақбөкенді атуға рұқсат сұрады. Қарағанды мен Ақмола аймақтарынан 700 киік, ал Қостанай мен Батыс Қазақстан облыстарынан 200 бастан киік ауланады, деп хабарлайды КТК телеарнасы.
Мамандар түз жануарларының етін асып жеп, мүйізін пайдалануға ешкімнің құқығы жоқ деп отыр. Ақбөкендерді атқан бойда, өлексесі ветеринарлық, жұқпалы ауруларды зерттейтін институттарға жеткізіледі. Ондағы ғылыми қызметкерлер ғана сынама алып пайдаланады. Дегенмен былтыр киіктің көбейіп кетуіне қатысты Ақмола мен Батыс Қазақстандағы шаруалар шу шығарған. Ақбөкендер егіс алқабын таптап кетіп, талай шаруаны шығынға батырған. Экология министрлігі атуға рұқсат береміз дегенде, керсінше, жануарларды қорғаушылар қарсы шығып тоқтатқан болатын. Содан бері осы мәселе әлі шешілмей келеді.
Тым аз көлемде ауланады. Бұл зерттеу жұмысына қажет. Киіктердің көбеюін, денсаулығын, қандай індетпен ауырады немесе жұқтырған ауруы бар ма, соны анықтайды. Бір-ақ бас киіктен ондағы үйірдің жағдайын білу мүмкін емес. Сондықтан бір аумақтан, кем дегенде 100-ден аулану керек", - деді М. Өтемісов атындағы БҚУ ғылыми қызметкері Михаил Шпигельман.
Құжат "Ашық НҚА" сайтында орналастырылған. Оның қоғамдық талқылауы ағымдағы жылдың 7 ақпанына дейін жалғасады.
Бұрын хабарланғандай, сарапшылар ақбөкенге қатысты мемлекеттік деңгейде қабылданған шешімдер мен статистикаға күмән келтіреді.
Өткен жылы Қазақстанның Экология министрлігі шаруалардың ақбөкендер таптаған дақылдарға шағымданғаннан кейін мал басын азайту үшін аң аулауға рұқсат беру ниеті туралы мәлімдеді. Президент бұл бастаманы соңғы шара деп атаса, экологтар киіктерді ату туралы ұсыныстың сын көтермейтінін айтты. Шілде айында Мемлекет басшысы сол кездегі экология министрі Серікқали Брекешевке ақбөкендер популяциясын реттеудегі тиімсіз қызметі үшін сөгіс жариялады.
Ақпарат көзі: ktk.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Екібастұзтеплоэнерго"-ға тексеруден кейін айыппұл салынды
Айыппұл сомасы бір миллион теңгеден асты
Сурет: ortcom.kz
Екібастұз. 26 қаңтар. KAZAKHSTAN TODAY - "Екібастұзтеплоэнерго" ЖШС екі әкімшілік бап бойынша жазаланды.
Технологиялық бұзушылықтың себептерін тергеу үшін Екібастұз ЖЭО-да екі комиссия құрылды. Біріншісі - ЖЭО-да, екіншісі - жылу желілерінде бұзушылықтарды зерттеді, деп хабарлайды Pavlodarnews.kz.
Екібастұз ЖЭО-да технологиялық бұзушылықтың себебі химиялық цех персоналының импульстік желісінің қатып қалуына байланысты болды. Мұнда жылу желісінің кері құбырындағы қысымның электрконтактілі манометрінің дұрыс көрсетілмеуіне орай қоректендіру сорғыларын қате қосқан", - деп хабарлады Атом және энергетикалық бақылау комитетінің аумақтық департаментінің басшысы Ринат Кәкімжанов.
"Екібастұзтеплоэнерго" ЖШС екі әкімшілік бап бойынша жауапқа тартылды.
Біріншіден, әкімшілік кодекстің екі бабы бойынша. 300-ші бап бойынша - электр станциялары мен желілерін техникалық пайдаланудың бекітілген ережелерін бұзғаны үшін, электр станциялары мен жылу желілерінің жылу механикалық жабдықтарын пайдалану кезіндегі қауіпсіздік техникасы, тұтынушылардың электр қондырғыларын техникалық пайдалану, энергия тұтынудың белгіленген режимдерді бұзса, сондай-ақ 301-2-ші бапта технологиялық бұзушылықтар туралы ақпарат беру туралы талаптарды бұзғаны үшін айпталды.
Осыдан кейін ЖШС жоспардан тыс тексеруден соң ҚР ӘҚБтК 300-бабы бойынша жазаланды.
Істер Әкімшілік құқық бұзушылық туралы іс бойынша қысқартылған іс жүргізу тәртібімен қаралды. Салынған айыппұлдар сомасы 1 110 750 теңгені құрады.
Қаңтар айының соңына қарай Екібастұзда тұтынушыларды жылумен жабдықтау жөніндегі станция жұмысының неғұрлым тұрақты режимін қамтамасыз ету жоспарлануда.
Екібастұзда 2022 жылғы 27 қарашада зақымданған жылу желілерін қалпына келтіру жұмыстары жалғасуда. Төтенше жағдай қала тұрғындарын 30 градус аязда жылусыз қалдырды. Апаттың алғашқы сағаттарында жылу желілерінде 70 үзіліс болса, оның 15-і ірі көлемде болған. Тұрғын үйлер, сондай-ақ әлеуметтік нысандар: мектептер, балабақшалар мен ауруханалар жылытудан ажыратылды. Технологиялық бұзушылық кезінде қаладағы 689-дан 149 көпқабатты тұрғын үй, сондай-ақ 200-ге жуық жеке үйлер мен 10 мектеп пен балабақша жылумен жабдықтаусыз қалды. Қалада төтенше жағдай жарияланды. Әлеуметтік орталықтардың кейбір балалары мен аурухананың кейбір пациенттерін эвакуациялауға тура келді. Балабақшалар жұмысын тоқтатты, ал оқушылар уақытша қашықтықтан оқытуға ауыстырылды.
Ақпарат көзі: pavlodarnews.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ағымдағы жылы ArtSport бағдарламасымен 560 мыңнан астам бала қамтылады - МСМ басшысы
Мемлекеттік спорттық және шығармашылық тапсырысты жалғастыру мақсатында жергілікті атқарушы органдардан 86,7 млрд теңге бөлінді
Астана. 25 қаңтар. KAZAKHSTAN TODAY - Мәдениет және спорт министрлігінің алқасында ведомство басшысы Асхат Оралов 2023 жылы ArtSport бағдарламасы аясында 560 мыңнан астам бала мен жасөспірім қамтылатынын хабарлады.
Асхат Оралов балалардың спортпен, дене шынықтырумен тұрақты шұғылдануына жіті назар аударылатынын атап өтті. Бұл ретте, мемлекеттік спорттық және шығармашылық тапсырыс бойынша жұмыстар жалғасын табады.
Мемлекеттік спорттық және шығармашылық тапсырысты жалғастыру мақсатында 2023 жылы 560 мыңнан астам бала мен жасөспірімді қамту үшін жергілікті атқарушы органдардан 86,7 млрд теңге бөлінді",- деді министр.
Ведомствоның ақпараты бойынша, 2022 жылы 4 жастан 17 жасқа дейінгі 400 мыңнан астам бала мен жасөспірім 13 мың спорт секциясы мен шығармашылық үйірмелерге тегін баруға мүмкіндік алды.
Еске салайық, Алматыда ArtSport бағдарламасы бойынша 2,5 млрд теңге ұрланған болатын.
Бұған дейін Бас прокуратура ArtSport бағдарламасында миллиардтан астам теңге ұрлық анықталғанын хабарлады. Қадағалау органы 1,1 миллиард теңге бюджет ақшасын ұрлау фактісін анықтады, ол үшін сыбайлас шенеуніктер алты мыңға жуық баланы үйірмелер мен секцияларға қабылдаудың күрделі схемасын әзірлеген, бірақ олар іс жүзінде ешқайда қатыспаған. Бірқатар облыстарда - Алматы, Батыс Қазақстан, Шығыс Қазақстан, Маңғыстау облыстарында мектеп оқушыларын біліктілігі мен білімі жоқтар ғана емес, спортқа қатысы жоқ адамдар да дайындағаны хабарланды. Тіпті, бұрын жезөкшелікке және жыныстық қол сұқпауға қарсы қылмыс жасағаны үшін сотталғандар да бар.
Өткен жылдың шілде айында Мәдениет және спорт министрлігі МСМ-нің мемлекеттік бағдарламаға өзгерістер енгізуіне белсенділер қарсылық танытқаннан кейін Дәурен Абаевтың бұйрығының жобасын кері қайтарып алған болатын. Кейін Шымкент қаласының сыбайлас жемқорлыққа қарсы ведомствосы жергілікті шенеуніктерді ArtSport бағдарламасы бойынша 10 миллион теңге ұрлады деп күдіктенетінін мәлімдеді.
Сондай-ақ, Шығыс Қазақстан облысында ArtSport бағдарламасын жүзеге асыруда көптеген бұзушылықтар анықталды. Алматы әкімдігі АrtSport бағдарламасы "өлі жандарды" тіркейтінін мәлімдеді. Қонаевта әкімдік қызметкеріне ArtSport бағдарламасы бойынша пара алғаны үшін 12 млн теңгеге айыппұл салынды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.