Система Orphus

Қостанай облысында 80 санитарлық автокөлік сатып алынды

10.04.2020, 23:23 7750

Алматы. 10 сәуір. Kazakhstan Today -Бүгін Қостанай қаласында 15 санитарлық автокөліктің кілті табысталды. Олар облыс өңірлері арасында бөлініп беріледі.

Барлығы 80 санитарлық автокөлікті сатып алуға жергілікті бюджеттен 475 млн. теңге бөлінді.

Отандық өндірістен шыққан УАЗ модельді 70 санитарлық автокөлікті сатып алуға "СарыАрқаАвтопром" ЖШС-мен және 10 бірлікті сатып алуға "Азия Авто" АҚ-мен шарт бекітілді.

Бүгінгі күні "СарыАрқаАвтопром" ЖШС оның 39 бірлігінің жеткізілімін жүзеге асырды. Ал қалған 41 автокөлік сәуірдің аяғында жеткізіледі.

Сатып алынған көліктердің басым бөлігі, яғни, 70 бірлігі аудандар арасында таратылса, 10 автокөлік Қостанай қаласында қалады.

Сонымен бірге, облыста коронавирустық індеттің таралуына жол бермеу мақсатында белсенді жұмыстар жүргізілуде.

Атап айтқанда, облыста індетке қарсы күрес мақсатында 1 214 төсек орын, немесе облыстың барлық төсек орын қуатының 26%-ы (4 600 төсек) әзірленді.

Провизорлық, карантиндік стационарлар мен жұқпалы індеттерге арналған төсек орындарына 178 адам жатқызылды, COVID-19 індетіне тексеру бойынша кері нәтиже көрсеткен 191 адам ауруханадан шығарылды.

1Б-санатты елдерден келген (ТМД елдері және Республикадағы індет бойынша жағдай нашар өңірлерден келген, провизорлық стационарлардағы карантиннен кейінгі) 2 121 адам үй карантинге жіберілді.

Медициналық және эпидемияға қарсы іс шараларды жүргізу мақсатында медициналық құрал-жабдықтар, дезинфекциялық құралдар, қорғаныс комбинезондары мен бетперделер сатып алуға жергілікті бюджеттен 2,1 млрд. теңге бөлінді.

60 төсекжаны мониторларын, өкпенің жасанды вентилляциясына арналған 40 аппарат, 20 ларингоскоп, 20 дефибриллятор, 2 қан құрамындағы газ анализаторларын, 20 хирургиялық сорғыш сатып алуға келісім- шарт жасалды.

Сонымен бірге облыстағы медициналық ұйымдарға арнап 11 мың қорғаныс комбинезоны, 3,5 мың қорғаныш көзілдірігі, 800 бірлік дезинфекциялық құрал, 10 мың марль таңғыштар, медициналық бетперделер сатып алынды.

Оларды тасымалдау жүргізіле бастады, тауардың бір бөлігі блок-посттарға, сондай ақ жұқпалы аурулар ауруханаларына, провизорлық және карантиндік стационарларға таратылды.

Бұдан бөлек, мемлекеттік резерв қаражатынан облысқа 535 млн. теңгенің жеке қорғаныс құралдары түспекші.

"Медициналық ұйымдардың материалдық-техникалық базасын жақсарту халыққа уақытылы әрі сапалы көмек көрсетуге мүмкіндік береді", - деді облыс әкімі Архимед Мұхамбетов.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны