Система Orphus

Премьер-Министр мектеп оқушыларын ауыр сөмкелерден арылтуды тапсырды

03.10.2022, 14:58 6441
Премьер-Министр мектеп оқушыларын ауыр сөмкелерден арылтуды тапсырды
Әлихан Смайылов оқу процесін цифрландыруды тездету қажеттігін атап өтті.
АСТАНА. 3 ҚАЗАН - Үкімет үйінде өткен кеңес барысында ҚР Премьер-Министрі Әлихан Смайылов "Жайлы мектеп" ұлттық жобасын іске асыру жөнінде тапсырма берді, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.
 
Сондай-ақ ол оқу процесін цифрландыруды тездету қажеттігін атап өтті.
 

Осыған байланысты оқулықтарды цифрлық форматқа көшіруді жеделдету және балаларды ауыр сөмкелерден арылту қажет. Сондай-ақ әкімдіктермен бірлесіп, оқушыларды планшеттермен қамтамасыз ету мәселесін шешуді қолға алу керек. Атап айтқанда, "Қазақстан халқына" қорымен бірлесіп, оларды ауылдық мектептердің балалары үшін сатып алу мүмкіндігін пысықтау керек", - деп атап өтті Әлихан Смайылов.

 
Премьер-Министр Мемлекет басшысы Реформалар жөніндегі Жоғары кеңестің отырысында "Жайлы мектеп" ұлттық жобасының негізгі тәсілдерін мақұлдағанын, оның шеңберінде 800 мың оқушыға арналған жаңа форматтағы мектептер салу жоспарланғанын еске салды.
 

Ұлттық жобаны іске асыруға жедел кірісуіміз керек. Алайда бүгінде өңірлердегі 143 мектептің жер учаскелерін анықтау бойынша сұрақтар шешілмеген. Бұл жұмысты барынша тездету қажет: қазан айының соңына дейін құрылысы 2023 жылы және жыл соңына дейін 2024 жылға жоспарланған мектептер бойынша мәселені шешу керек", - деді Әлихан Смайылов.

 
Кеңес соңында ол Цифрлық даму, инновациялар және аэроғарыш өнеркәсібі министрлігіне байланыс операторларымен бірлесіп, еліміздің барлық мектептерін сапалы жылдамдығы жоғары интернетпен қамтамасыз етуді тапсырды.
 
Бұған дейін хабарланғандай, Қазақстанда мемлекеттік инвестициялар есебінен 800 мың оқушы орнын құру жоспарлануда.
 

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.


тақырып бойынша жаңалықтар

Ең көп оқылғаны