Система Orphus

Жол ережесін бұзушылар айыппұлдың жартысын төлеу мүмкіндігінен айырылуы мүмкін

25.07.2022, 16:16 8821
Жол ережесін бұзушылар айыппұлдың жартысын төлеу мүмкіндігінен айырылуы мүмкін
НҰР-СҰЛТАН. 25 ШІЛДЕ - Ішкі істер министрлігі жол ережесіне қатысты бірнеше өзгерісті қарастыруға кірісті.
 
Әкімшілік полиция комитеті төрағасының орынбасары Жандос Мұратәлиевтің айтуынша, өзгерістердің ішінде жол ережесін жиі бұзатын көлік жүргізушілеріне қатысты бір ұсыныс бар. Атап айтқанда, олар жеңілдікпен айыппұл төлеу мүмкіндігінен айырылуы мүмкін.
 

Қазіргі кезде ішкі істер министрлігі бірнеше өзгерісті пысықтап жатыр. Соның бірі – бір жыл ішінде бес рет әкімшілік құқықбұзушылық жасаған тұлғаларға жол ережесін бұзғаны үшін 50 проценттік жеңілдікпен айыппұл төлеу мүмкіндігін алып тастау", - деді Мұратәлиев бүгінгі онлайн брифингте.

 
Оның сөзіне қарағанда, алдағы уақытта тасжолдарда орташа жылдамдықты асырғаны үшін айыппұл болады.
 
Бұдан бөлек, самокат мінетіндердің құқықтық статусы анықталып, олардың жолда жүру тәртібі анықталады.
 
Ақпарат көзі: sputnik.kz
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

Ең көп оқылғаны