"Барыс" Құрлықтық хоккей лигасының матчында ЦСКА-ны жеңді
"Барыс" ЦСКА-ны овертаймда 6:5 есебімен жеңді
Сурет: www.cska-hockey.ru
Мәскеу. 6 ақпан. KAZAKHSTAN TODAY - "Барыс" Құрлықтық хоккей лигасындағы кезекті ойынын бүгін Ресейде ЦСКА (Мәскеу) командасына қарсы өткізді.
Екі команда турнир кестесінде әрқалай орналасқан. Ресейлік клуб алдыңғы үштікте келе жатса, елордалық команда соңғы орындарды місе тұтып тұр.
Плей-офф сатысына шығуды алдына мақсат тұтқан "Барыс" үшін әрбір кездесудің маңызы зор. Сондықтан олар аталған кездесуде жеңіске жету жолын іздейтін еді.
Кездесу тартысты өтті. Екі команда бір-бірінің қақпасы маңында жиі шабуыл ұйымдастырды. Үшінші кезеңнде командалар 5:5 есебімен тең тұрды.
Оны "Барыс" сапынан Кирилл Савицкий 16, Егор Петухов 29, Антон Сагадеев 40, 46, Никита Михайлис 50-минутта өзінің еншесіне жазды. Ал ресейлік клубтан Владислав Каменев 10, 50 , Никита Нестеров 19, Николай Макаров 22, Максим Мамин 39-минутта мергендік танытты.
Негізгі кезең 5:5 есебімен тең аяқталып, ойын овертаймға ұласты. Жеңіс шайбасын Никита Михайлис соқты.
Осылайша "Барыс" қарсыласын овертаймда 6:5 есебімен жеңді.
Енді "Барыс" алдағы ойынын 13 ақпанда елордада Ресейдің СКА (Санкт-Петербург) командасына қарсы өткізеді.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Футболдан Қазақстан құрамасы сенсациялық түрде Данияны жеңді
Сурет: Sports.kz
Матч Астанада өтті
Астана. 27 наурыз. KAZAKHSTAN TODAY - Футболдан 2024 жылғы Еуропа чемпионатының іріктеу сатысында кеше Қазақстан құрамасы өз алаңында Даниямен кездесті.
Ел құрамасы құрлықтық додада H тобында сынға түседі. Қарсыластары - Дания, Словения, Финляндия, Солтүстік Ирландия және Сан-Марино.
Кешегі кездесуде даниялық футболшылардың басымдығы байқалып тұрды. Нәтижесінде олардың қатарынан Расмус Хёйлунн 21, 36-минутта қос гол соғып, басымдықты арттырды.
Екінші кезеңде қазақстандық құраманың да белсенділігі байқалды. Қарсыластар қақпасы маңында жиі бой көрсетті. Ойынның 73-минутында даниялық футболшылар өзінің айып алаңында ереже бұзды. Қақпаға белгіленген пенальтиден Бактиёр Зайнутдинов мүлт кеткен жоқ.
Ал, 86-минутта Асхат Тағыбергеннің алыстан шірене тепкен добы қақпа торында тулап жатты. Қазірге дейін 43 ойын өткізген ол алғашқы голын соқты. Сондай-ақ, 89-минутта әуелеп келген допты Абат Айымбетов баспен қақпаға енгізді.
Осылайша, Қазақстан қарсыласынан 3:2 есебімен басым түсті. Екі команда бұған дейін төрт мәрте кездескен еді. Оның барлығында даниялық футболшылар жеңіске жеткен болатын. Бұл жолы қазақстандық құрама сол кеткен есені қайтарды.
Енді Қазақстан алдағы ойынын 16 маусымда сырт алаңда Сан-Мариноға қарсы өткізеді.
Кеше Н тобында, сондай-ақ Словения - Сан-Марино, Солтүстік Ирландия - Финляндия құрамалары кездесті.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Рыбакина Miami Open турнирінің үшінші айналымына өтті
Елена Рыбакина үшінші айналымда әлемнің 29-ракеткасы, испаниялық Паула Бадосамен кездеседі
Сурет: ktf.kz
Астана. 24 наурыз. KAZAKHSTAN TODAY - Қазақстанның бірінші, әлемнің 7-ракеткасы Елена Рыбакина Майами WTA 1000 турнирінің үшінші айналымына өтті, деп хабарлайды Қазақстан теннис федерациясы.
Мастерс жарысының 10-ракеткасы болып тіркелген Рыбакина доданы екінші айналымнан бастап, дүниежүзілік рейтингте 64-орында тұрған ресейлік Анна Калинскаямен шеберлік байқасып 7:5, 4:6, 6:3 есебімен жеңіске жетті.
Елена Рыбакина үшінші айналымда әлемнің 29-ракеткасы, испаниялық Паула Бадосамен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина WTA 1000 турнирінің чемпионы атанды
Сурет: ktf.kz
Ол өз спорттық жолында алғаш рет әлемдік рейтингіде жетінші орынға көтерілді
Астана. 20 наурыз. KAZAKHSTAN TODAY - Қазақстанның бірінші ракеткасы Елена Рыбакина алғаш рет Индиан-Уэллс WTA 1000 турнирінің чемпионы атанды, деп хабарлайды Қазақстан теннис федерациясының баспасөз қызметі.
Қазақстандық теннисші финалда әлемнің 2-ракеткасы, Беларусь өкілі Арина Соболенкомен кездесті.
Бір сағат 20 минутқа созылып, тартысты өрбіген бірінші партияда Рыбакина тай-брейкте жеңісті жұлып алды - 7:6 (13:11). Ол екінші сетте де есесін жібермеді - 6:4.
Екі сағаттан астам уақытқа созылған бәсеке барысында Елена 7 эйс жасап, 10 брейк-пойнттың үшеуін пайдаланды.
Осылайша, алғаш рет WTA 1000 жарысының жеңімпазы атанған Е.Рыбакина А.Соболенкодан Аустралия ашық чемпионатының финалында кеткен есені қайтарды.
Сондай-ақ Елена Рыбакина өз спорттық жолында алғаш рет әлемдік рейтингіде жетінші орынға көтерілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисші Рыбакина Индиан-Уэллстегі "Мастерс" жартылай финалына шықты
Елена Рыбакина финалға шығу үшін әлемнің 1-ракеткасы, Польша өкілі Ига Швентекпен кездеседі
Сурет: ktf.kz
Астана. 17 наурыз. KAZAKHSTAN TODAY - Қазақстанның бірінші, әлемнің 10-ракеткасы Елена Рыбакина АҚШ-та өтіп жатқан Индиан-Уэллс WTA 1000 турнирінің жартылай финалына шықты, деп хабарлады Қазақстан теннис федерациясының баспасөз қызметі.
Қазақстандық теннисші ширек финалда әлемнің 76-ракеткасы, чехиялық Каролина Муховамен ойнады.
Қарсыластар осыған дейін 2019 жылы АҚШ ашық чемпионатында кездесіп, онда чехиялық спортшы 6:4, 6:4 есебімен басым түскен еді. Бұл жолы бірінші партияда Мухова брейк жасап, 4:2 есебімен алға кетті. Бірақ ол сетке доп бергенде, Елена таразы басын теңестірді - 5:5. Сосын тай-брейкте сәтті өнер көрсетті - 7:6 (7:4).
Екінші сетті Мухова брейкпен бастады - 2:0. Содан кейін тағы бір брейкпен бітірді - 6:2.
Үшінші, шешуші партияда Рыбакина брейкпен алға кетті - 3:1. Есеп 5:3 болған мезетте Елена екі матчболды пайдалана алмады. Дегенмен өзі доп бергенде, есесін жіберген жоқ - 6:4.
Елена Рыбакина финалға шығу үшін әлемнің 1-ракеткасы, Польша өкілі Ига Швентекпен кездеседі.
Еске сала кетейік, бұған дейін Елена Рыбакина Australian Open финалынан кейін WTA рейтингінде оныншы орын алғаны хабарланған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисші Рыбакина Дубай жарысының үшінші айналымына өтті
Рыбакина ширек финалға шығу үшін әлемнің 6-ракеткасы, америкалық Коко Гауфпен таласады
Сурет: ktf.kz
Абу-Даби. 22 ақпан. KAZAKHSTAN TODAY - Қазақстанның бірінші, әлемнің 10-ракеткасы Елена Рыбакина Дубай WTA 1000 турнирінің үшінші айналымына шықты, деп хабарлады Қазақстан теннис федерациясы.
Рыбакина екінші айналымда әлемнің 26-ракеткасы, чехиялық Мария Боузковамен шеберлік байқасты. Осыған дейін қарсыластардың өзара үш рет жолдары тоқайласып, бәрінде де қазақстандық теннисші жеңген еді.
Бұл жолы Елена матчты брейкпен бастағанымен, Боузкова таразы басын теңестіре алды. Дегенмен Елена тағы бір брейк жасап, 6:5 есебімен алға шықты. Сосын сетке доп бергенде, өз мүмкіндігін жіберген жоқ - 7:5.
Қазақстандық теннисші екінші партияны да брейкпен бастады - 2:0. Содан кейін тағы бір эйс жасап, матчты жеңіспен түйіндеді - 6:2.
Рыбакина ширек финалға шығу үшін әлемнің 6-ракеткасы, америкалық Коко Гауфпен таласады. Ол екінші айналымда рейтингте 43-орында тұрған Беларусь өкілі Александра Сасновичті тізе бүктірді - 6:0, 6:4.
Тағы бір қазақстандық, рейтингте 46-сатыдағы Юлия Путинцева Дубайда екінші айналымда әлемнің 15-інші, осы жарыстың 12-ракеткасы, чехиялық Петра Квитовамен кездесіп, 4:6, 4:6 есебімен жол берді.
Еске салайық, Елена Рыбакина Australian Open финалынан кейін WTA рейтингінде оныншы орын алған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Рыбакина мен Путинцева Дубай турнирінің екінші айналымына шықты
Қазақстандық әйелдердің келесі қарсыластары чехиялық спортшылары болмақ
Сурет: ktf.kz
Астана. 20 ақпан. KAZAKHSTAN TODAY - Қазақстанның бірінші, әлемнің 10-ракеткасы Елена Рыбакина Дубай WTA 1000 турнирінің екінші айналымына өтті. Жарыстың 9-ракеткасы болып тіркелген қазақстандық теннисші алғашқы айналымда қазіргі кезде дүниежүзілік рейтингте 36-орында тұрған канадалық, 2019 жылғы АҚШ чемпионы Бьянка Андреескумен шеберлік байқасып 6:3, 6:4 есебімен ұтты, деп хабарлайды Қазақстан теннис федерациясы.
Рыбакина екінші айналымда әлемнің 26-ракеткасы, чехиялық Мария Боузковамен кездеседі", - деді федерацияда.
Қазақстанның екінші, әлемнің 46-ракеткасы Юлия Путинцева Дубай WTA 1000 турнирінің бастапқы кездесуін әлемнің 28-ракеткасы, хорватиялық Петра Мартичпен өткізді. Бірінші партияда брейк жасаған Путинцева сол басымдылығын сақтап қалды - 6:4. Есесіне екінші сетте бірде-бір гейм алған жоқ - 0:6. Дегенмен шешуші, үшінші партияда сәтті ойнай білді - 6:2.
Юлия екінші айналымда әлемнің 15-ракеткасы, чехиялық Петра Квитовамен шеберлік байқасады", - деп хабарлады ҚТФ.
Еске салайық, Елена Рыбакина Australian Open финалынан кейін WTA рейтингінде оныншы орын алған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисші Рыбакина Дубайдағы турнирді жеңіспен бастады
Елена Рыбакина Дубайда өткен жұптық турнирдің екінші айналымына өтті
Сурет: ktf.kz
Абу-Даби. 20 ақпан. KAZAKHSTAN TODAY - Қазақстанның бірінші, әлемнің 10-ракеткасы Елена Рыбакина жұптық сында Дубай WTA 1000 турнирін сәтті бастады.
Қазақстандық теннисші ресейлік Анастасия Павлюченковамен бірге алғашқы айналымда осы жарыстың 8-ракеткалары болып тіркелген бельгиялық Кирстен Флипкенс - германиялық Лаура Зигемундпен кездесті.
Қазақстандық-ресейлік жұп 6:2, 6:4 есебімен жеңіске жетті.
Бір сағаттан астам уақытқа созылған бәсеке барысында Рыбакина мен Павлюченкова 2 эйс жасап, 8 брейк-пойнттың тең жартысын пайдаланды. Бельгиялық-германиялық бір брейкпен шектелді.
Е. Рыбакина мен А. Павлюченкованың келесі қарсыластары кейін анықталады.
Елена Рыбакина жекелей сында бастапқы кездесуін ертең канадалық Бьянка Андреескумен өткізеді.
Ақпарат көзі: inform.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық Денис Никиша шорт-тректен Әлем кубогының жеңімпазы атанды
Ол 500 метр қашықтықта жалпы есепте көш бастап, 402 ұпаймен бірінші орын иеленді
Сурет: Images | gov.kz
Астана. 13 ақпан. KAZAKHSTAN TODAY - Қазақстандық спортшы Денис Никиша шорт-тректен Әлем Кубогінің алты кезеңі бойынша жалпы есепте жеңімпаз атанды, деп хабарлайды ҚР Мәдениет және спорт министрлігі.
Ол 500 метр қашықтықта жалпы есепте көш бастап, 402 ұпаймен бірінші орын иеленді. Алғашқы ондыққа тағы бір қазақстандық - Абзал Әжғалиев та енді. Ол 228 ұпай жинап, 8 орын алды", - делінген ақпаратта.
Екінші орынды канадалық конькимен жүгіруші Стивен Дюбуа (348 ұпай) иеленді; үшіншісі - Польша өкілі Диан Селье (326 ұпай).
Бұған дейін қазақстандық жеңіл атлеттер Астанада өткен Азия чемпионатының бірінші күнінде екі медаль жеңіп алған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.