Тоқаев Солтүстік Қазақстан облысындағы көктемгі егіс науқанының барысымен танысты

Мемлекет басшысы Glencore компаниясының бас директоры Гэри Нейглді қабылдады, деп хабарлайды Ақорданың баспасөз қызметінен.

Кездесу барысында Қасым-Жомарт Тоқаевқа Glencore компаниясы қызметінің нәтижелері мен алдағы кезеңге арналған жоспары туралы мәлімет берілді.

Бұдан бөлек, еліміздің тау-кен, металлургия және энергетика салаларындағы компания жұмысының негізгі аспектілері талқыланды.

Президент экологиялық стандарттарды қатаң сақтау және өндіріс процесіне инновациялық технологияларды енгізу қажет екеніне айрықша назар аударды.

 

Еліміздегі алғашқы ең ұзын автомобиль туннелі пайдалануға берілді, деп хабарлайды ҚР Көлік министрлігінің баспасөз қызметінен.

Бүгін ҚР Көлік вице-министрі Сәтжан Аблалиевтің қатысуымен тоннелдің ресми түрде ашылуы өтеді.

Түркістан облысы Шақпақ Баба асуындағы екі жолақты тоннелдің ұзындығы 840 метрді құрайды. Ені - 11 метр, биіктігі - 8 метр.

Қауіпсіздікті қамтамасыз ету мақсатында тоннелдің екі жағында жарықтандыру, желдету, дабыл беру және бағдаршамдарды реттеу үдерістерін басқаратын диспетчерлік пункттер қарастырылған.

Сонымен қатар нақты уақыт режимінде тоннелді бақылауға мүмкіндік беретін бейнебақылау және өрттен қорғау жүйелері орнатылған.

Тоннелдің жанында жүргізушілер мен жолаушылардың ыңғайы үшін жол жөндеу пункті, жанармай құю бекеті, тікұшақ алаңдары және сауда аймақтары қарастырылған.

Автожол тоннелінің ашылуы қарсаңында 100 адам және 15 бірлік арнайы техника жұмылдырып, арнайы оқу-жаттығулары өткендігін атап өткен жөн. Арнайы жаттығулар шеңберінде тоннелдің қауіпсіздік жүйелері, соның ішінде желдету және өрт сөндіру жұмыстары сыналды. Сондай-ақ төтенше жағдай кезінде көлік құралдарын жедел сүйреу және жол-пайдалану техникасының қозғалысын ұйымдастыру бойынша іс-әрекеттер пысықталды. Жол қызметтеріне нұсқаулық берілді.

 

Қазақстан Республикасы Бас прокурорының орынбасары Жандос Өміралиев АЭС салу жөніндегі алдағы референдумға байланысты азаматтарға үндеу жариялады. Ол оны дайындау және өткізу тәртібін түсіндірді.

Естеріңізге сала кетейік, мемлекет басшысының Жарлығына сәйкес (2024 жылғы 2 қыркүйектегі №636 Жарлық) 2024 жылғы 6 қазанда "Сіз Қазақстанда атом электр станциясының салуға келісесіз бе?" деген сауалға республикалық референдум өтеді.

Оны әзірлеу мен өткізу тәртібі "Республикалық референдум туралы" және референдум туралы заңнамаға қайшы келмейтін бөлігінде "Қазақстан Республикасындағы сайлау туралы" Конституциялық заңдарымен реттеледі.

Атап айтқанда, республикалық референдумға байланысты қоғамдық пікірге сауал салу "Қазақстан Республикасындағы сайлау туралы" Қазақстан Республикасының Конституциялық заңында белгіленген талаптарға сәйкес оған дайындық пен өткізу кезеңінде жүргізілуге тиіс ("Республикалық референдум туралы" Конституциялық заңының 7-1-бабы).

Қоғамдық пікірге сауал салуды Қазақстан Республикасының заңнамасына сәйкес тіркелген, қоғамдық пікірге сауал салуды жүргізу бойынша кемінде 5 жыл тәжірибесі бар заңды тұлғалар тиісті құжаттардың көшірмелерін қоса беріп, бұл туралы Орталық сайлау комиссиясын жазбаша түрде алдын ала хабардар ете отырып жүргізуге құқылы.

Орталық сайлау комиссиясына жіберілетін хабарламада сауал салуды жүргізуге қатысатын және осы салада жұмыс тәжірибесі бар мамандар туралы, қоғамдық пікірге сауал салу жүргізілетін өңірлер туралы, қолданылатын талдау әдістері туралы мәліметтер көрсетіледі.

Қоғамдық пікірге сауал салу нәтижелерiн дауыс берiлетін күннің алдындағы 5 күн ішінде және дауыс берiлетiн күні бұқаралық ақпарат құралдарында, онлайн-платформаларда жариялауға жол берілмейдi.

Сондай-ақ сайлау күнi дауыс беруге арналған үй-жайда немесе пунктте қоғамдық пiкiрге сауал салуды жүргізуге тыйым салынады ("Қазақстан Республикасындағы сайлау туралы" ҚР Конституциялық заңының 28-бабының 9-тармағы).

Бұл талаптарды бұзғаны үшін Әкімшілік құқық бұзушылық туралы кодекстің 120-бабына сәйкес әкімшілік жауаптылық көзделген.

Сонымен бірге дайындықтың алғашқы күндерінен бастап прокуратура органдары аталған заңнамалық актілерінің талаптары бұзылған фактілерді анықтады.

Бүгінге республикалық референдумға қатысты заңсыз қоғамдық пікірге сауал салуды жүргізудің 8 фактісі анықталды.

6 жағдайда оларды жеке тұлғалар, ал 2-уінде заңды тұлғалар Орталық референдум комиссиясын алдын ала хабардар етуінсіз жүргізген.

Аталған фактілер бойынша прокуратура органдары 4 азамат пен 2 заңды тұлғаны Қазақстан Республикасының Әкімшілік құқық бұзушылық туралы кодексінің 120-бабының 3-бөлігі бойынша әкімшілік жауаптылыққа тартты, оларға айыппұл салынды.  

Қалғандары бойынша оларды көзделген жауаптылыққа тарту жөнінде жұмыстар жүргізілуде.

Референдумға қойылған мәселе бойынша азаматтар мен қоғамдық бірлестіктер үгіткезінде жиналыстарда, митингілерде, азаматтардың жиындарында, бұқаралық ақпарат құралдарында өз пікірлерін білдіруге құқылы екенін назар аудартамыз ("Республикалық референдум туралы" Конституциялық заңның 7-бабы).

Жиналыстар мен митингілер "Қазақстан Республикасында бейбіт жиналыстарды ұйымдастыру және өткізу тәртібі туралы" Заң шеңберінде ұйымдастырылып, өткізілуі тиіс.

Бейбіт жиналыстар өткізу талаптарын сақтамау Қазақстан Республикасының Әкімшілік құқық бұзушылық туралы кодексінің 488-бабына сәйкес әкімшілік жауаптылыққа әкеп соғады.

Үгіт кезеңі 3 қыркүйекте басталды және 2024 жылғы 4 қазанға дейін жалғасады (сағат 24:00-ге дейін).  

Референдумның қарсаңындағы және референдум күндері, яғни 2024 жылғы 5 және 6 қазанында үгіт жүргізуге тыйым салынады.

Конституциялық заңға сәйкес ("Республикалық референдум туралы" Конституциялық заңның 7-бабының 2, 3, 4-тармақтары) барлық баспа үгiт материалдарында оларды шығарған ұйымдар, оларды басып шығарған орын мен таралым, оларды шығаруға жауапты адамдар туралы мәлiметтер болуға тиiс.

Бұқпантай үгiт материалдарын таратуға тыйым салынады.

Үгiт материалдарын ескерткiштерге, ескерткіш тұғырларға, тарихи, мәдени немесе сәулеттiк құндылығы бар үйлер мен ғимараттарға, сондай-ақ дауыс беруге арналған үй-жайларға iліп қоюға рұқсат етілмейді.

Оларды сақтамау Қазақстан Республикасының Әкімшілік құқық бұзушылық туралы кодексінің тиісінше 102, 113 және124-баптары бойынша жауаптылыққа әкеп соғады.

Сондай-ақ Республиканың конституциялық құрылысын күштеп өзгертуге, тұтастығын бұзуға, мемлекет қауiпсiздiгiне нұқсан келтiруге, соғысқа, әлеуметтiк, нәсiлдiк, ұлттық, дiни, тектiк-топтық және рулық астамшылыққа, сондай-ақ қатыгездiк пен зомбылыққа табынуға үгiттеуге тыйым салынған.

Аталған теріс әрекеттері үшін кінәлі тұлға Қазақстан Республикасының Қылмыстық кодексінің 174-бабы (әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру)және 179-бабы (билiктi күшпен басып алуды немесе билiктi күшпен ұстап тұруды, мемлекет қауіпсіздігіне нұқсан келтіруді не Қазақстан Республикасының конституциялық құрылысын күштеп өзгертуді насихаттау немесе оған жария түрде шақыру) бойынша қылмыстық жауаптылыққа тартылады.

Конституцияға сәйкес (83-бап) прокуратура органдары референдум өткізудің барлық кезеңдерінде заңдылықтың сақталуын қадағалауды қамтамасыз етеді.

Жоғарыда баяндалғанды ескеріп, Бас прокуратура азаматтарды, қоғамдық ұйымдар мен бұқаралық ақпарат құралдарын республикалық референдумға дайындық және оны өткізу кезінде қолданыстағы заңнаманы қатаң сақтауға шақырады.

 

Қор қызметкерлері "Донор күні" акциясына қатысты. Шараның қоғамдық маңызы зор. Танфузиология орталығының міндеті - қан банкін толықтыру ғана емес, сонымен қатар қазақстандықтардың белсенді қатысуына ықпал ету, олардың ұлттық денсаулық сақтау жүйесінің қауіпсіз қанға және оның құю компоненттеріне қажеттілігі туралы, оған аса мұқтаж адамдар үшін өтеусіз ерікті қан донорлығының маңыздылығы туралы хабардар болуын арттыру.

Әлеуетті донорлар сауалнамалар толтырып, гемоглобин деңгейін және басқа көрсеткіштерді анықтау үшін қан анализін тапсырды, дәрігердің қарауынан өтті. Қан алу рәсімін Қордың көптен бергі серіктесі - Трансфузиология ғылыми-өндірістік орталығының мобильді бригадасының қызметкерлері қамтамасыз етті.

 

Ляньюньган қаласында (ҚХР) ішкі істер және қоғамдық қауіпсіздік министрлерінің “Орталық Азия – Қытай” форматындағы алғашқы кездесуі өтті, – деп хабарлайды Polisia.kz.

 

Іс-шараға Қазақстан, Қырғызстан, Тәжікстан, Түрікменстан, Өзбекстан ІІМ және Қытайдың Қоғамдық қауіпсіздік министрлігінің басшылығы қатысты.

Қазақстандық делегацияны ішкі істер министрі Ержан Саденов басқарды.

Отырысқа қатысушылар қоғамдық қауіпсіздік саласындағы ынтымақтастықтың, трансұлттық қылмыс, экстремизм, есірткінің заңсыз айналымы, киберқылмыс және адам саудасы сияқты заманауи сын-қатерлерге қарсы іс-қимылда тәжірибе алмасудың өзектілігін атап өтті.

Сонымен қатар Қазақстанның ішкі істер министрі мен Қытайдың қоғамдық қауіпсіздік министрі арасында екіжақты келіссөздер жүргізіліп, онда қызметтің нақты бағыттары бойынша бірқатар мәселелер талқыланды.

Сапар аясында Ержан Саденов Қоғамдық қауіпсіздік саласындағы ынтымақтастықтың жаһандық форумының конференциясына қатысты. Онда 100-ден астам елдің күштік құрылымдарының өкілдері бой көрсетті. Қазақстанның ішкі істер министрі әріптестерін қылмысқа қарсы күрес бойынша қабылданып жатқан шаралар туралы хабардар етіп, қоғамдық қауіпсіздікті қамтамасыз етуде одан әрі ведомствоаралық өзара іс-қимылға және ынтымақтастықты дамытуға дайын екенін жеткізді.

Сондай-ақ форум аясында Қазақстан ішкі істер министрінің Түркия және Пәкістан ІІМ басшылығымен екіжақты кездесулері өтті.

 

 

 

Түркістан облысының "Орда" таулы оқу-жаттығу полигонында Әзербайжан, Қазақстан, Катар, Пәкістан, Түркия және Өзбекстан арнайы мақсаттағы бөлімшелерінің көпұлтты оқу-жаттығуының салтанатты ашылу рәсімі өтті, деп хабарлайды ҚР Қорғаныс министрлігінің баспасөз қызметінен.

Иордания мен Қырғызстан Қарулы күштерінің өкілдері жаттығуға бақылаушы ретінде шақырылды.

Салтанатты рәсімге қатысушыларды құттықтаған ҚР Қарулы күштері Арнайы операциялар күштерінің қолбасшысы полковник Айдос Мырзахметов жаттығудың маңыздылығын атап өтіп, әскери қызметшілердің оқу-жауынгерлік тапсырмаларды сәтті орындап шығуға тілек білдірді.

- Қорғаныс министрлігінің атынан қонақжай қазақ жеріне қош келдіңіздер деймін. Біздің еліміздің аумағында алты мемлекеттің арнайы мақсаттағы бөлімшелерінің қатысуымен осындай ауқымда оқу-жаттығу алғаш рет өткізіліп отыр. Оқу-жаттығу барысында алынған тәжірибе бөлімшелердің жауынгерлік дағдыларын ғана емес, мемлекеттеріміздің қорғаныс қабілетін арттыруға ықпал ететініне сенімдімін, - деді ол.

Жаттығудың шарықтау шегінде арнайы операциялар іске асырылады. Әскери контингенттерге елді мекенге кірген заңсыз қарулы құралымға тосқауыл қойып, оларды жою міндеті жүктелді.

Оқу-жаттығу тәжірибе алмасуға, басқару органдары мен әскери контингенттердің жедел үйлесімді іс-қимылға көшу деңгейін арттыруға, бөлімшелер жеке құрамының дербес және топтық білімін күшейтуге бағытталған.

Әскери маневрлерге үш жүзге жуық әскери қызметші жұмылдырылып, брондалған техника, армиялық авиация тобы және ұшқышсыз басқарылатын құрылғылар тартылған.

 

Энергетика министрлігі Ақмола, Қарағанды, Павлодар, Қостанай, Солтүстік Қазақстан және Шығыс Қазақстан облыстарының аграршыларының өтінімдері бойынша астықты кептіру агрегаттары үшін 67,7 мың тонна көлемінде арзандатылған дизель отынының қосымша көлемін бөлді. Бұл туралы Энергетика министрлігі 9 қыркүйекте вице-премьер Серік Жұманғариннің төрағалығымен Үкіметте өткен күзгі-дала жұмыстары мәселелері жөніндегі жеделштаб отырысында хабарлады.

Сұйытылған газды жеңілдетілген бағамен бөлу мәселесі өзекті болып отыр. Астық егетін алты өңірдің бүкіл жинау маусымына кептіргіштердің жұмысы үшін жалпы қажеттілігі 21,5 мың тонна сұйық отын болса, (қыркүйек-қазан) қазіргі уақытта 5 мың тонна бөлінді. Сұйытылған газ сұйық отынмен жұмыс істейтін кептіргіштердің ең көп саны орналасқан Ақмола, Павлодар және Солтүстік Қазақстан облыстарына таратылды. Басқа үш облыстың фермерлерін кептіру агрегаттарын сұйытылған газбен жедел қамтамасыз ету үшін Серік Жұманғарин бөлінген отын көлемін қажеттілік туындаған өңірлерге қайта бөлуді тапсырды. Астық жинау маусымына газ қажеттілігін толық қамтамасыз ету үшін өндірушіден сұйытылған газдың коммерциялық бағасын арзандату мүмкіндіктері қарастырылады. Сонымен қатар ішкі нарықта сұйытылған газға деген жоғары сұранысты ескере отырып, өңірлерге кептіру агрегаттарының мүмкіндіктері кезінде отынның екі түрімен жұмыс істеу, соның ішінде дизельді таңдау ұсынылды.

Жеделштабта "ҚазАгроҚаржы" АҚ Басқарма төрағасы Айдар Прашев егін жинау кезеңінде астық кептіргіштерді жылдық 9%-бен сатып алуға кредит беру үшін қаржы құралы әзірленгенін хабарлады. Фермерлерден 260 млн теңге сомаға 6 өтінім келіп түсті. Айта кету керек, ауыл шаруашылығы техникасының осы түрі құнының 30% мемлекет субсидиялайды.

10 қыркүйектегі жағдай бойынша еліміз бойынша шамамен 4,7 млн га дәнді және бұршақты дақылдар жиналды немесе 28%, орташа өнімділік 14,9 ц/га құрайды, шамамен 6,9 млн тонна астық бастырылды.

5 қыркүйектегі жағдай бойынша республика элеваторларына 880,5 мың тонна астық түсті, оның ішінде ылғалдылығы 14,5%-ға дейін - 40,1% болса, 14,6-дан 17,0%-ға дейін - 23,1%. 260,4 мың тонна (29,6%) кептірілді, 321,8 мың тонна (36,5%) өңделді.

 

Қасым-Жомарт Тоқаев Қостанай қаласындағы балаларға арналған IQostanay smart орталығының қызметімен танысты, деп хабарлайды Ақорданың баспасөз қызметінен.

Қазіргі уақытта мұнда екі мыңға жуық оқушы қосымша білім алады. Өскелең ұрпақтың игілігі үшін 24 үйірме жұмыс істейді.

Оқушылар сарайында жоғары технологиялық құралдармен жабдықталған киберспорт, инженерия, авиамодельдеу кабинеттері, жаңартылатын энергия көздері, химия және физика-техникалық зертханалары, сондай-ақ мәжіліс, оқу және хореография залдары бар.

Орталықтағы робот техникасы, инженерия және авиамодельдеу үйірмелеріне қатысатын балалар Президентке өз жобаларын таныстырып, виртуалды зертханада тәжірибе жасап көрсетті.

- Болашақта өз білім-біліктеріңізді іске асыруға мол мүмкіндік бар деп ойлаймын. Өйткені мұның бәрі қазіргі заманда, экономикада және басқа да салаларда сұранысқа ие. Біз уақыт талабына сай технологияны меңгерген ұлтқа айналуымыз қажет. Елімізге отандық технологияны дамытатын сіздер секілді азаматтар керек, - деді Мемлекет басшысы.

Оқушылар Қасым-Жомарт Тоқаевқа техникалық мамандықтарға арналған білім гранттарын көбейткені үшін рақмет айтты.