АСТАНА. 21 маусым. Kazakhstan Today. Қазақстанда қарулы күштерді басқарудың біртұтас автоматтандырылған жүйесі енгізіледі. Бұл туралы бүгін ҚР Қорғаныс министрлігінің алқа мәжілісінде мекеме басшысы Даниал Ахметов мәлім етті,деп хабарлайды Kazakhstan Today тілшісі.
"Біз модернизация туралы сөз қозғағанда, бірінші кезекте қаруды жаңалау туралы емес, қарулы күштерді басқарудың біртұтас автоматтандырылған жүйесін енгізуді, қару мен әскерді басқаруды модернизациялауды айтып жүрміз", - деді Д.Ахметов. "Біз дәл осы салада АҚШ пен басқа да бірнеше ірі әскери державалардың қарулы күштері жүріп өткен жолымен жүре отырып, автоматтандырылған басқару жүйесін құрамыз",- деп атап өтті. "Бейнелей айтсақ, біз әскери басқару мен жоспарлауда секіріс жасаймыз, бұл отты басқаруға түбегейлә әсер етеді",- деп атап көрсетті Д. Ахметов.
Министр, "жаңа технологияларды өңдеу және инновацияны, соның ішінде автоматтандырылған жүйені енгізу үшін министрлік жанындағы әскерлер автоматизация және байланыс бас бас басқармасын құрғандығын" хабарлады.
Д. Ахметов сондай-ақ, еліміздің қарулы күштерінде жауынгерлік құрам мен әскер құрылымын белсендіруге қатысты жұмыстардың басталғандығын еске сала кетті. "Біз әсери дайындыққа аса назар аударып отырмыз, және де бүгінде қаржы қайта бөлу есебінен әскерлердің әскери дайындығына бөлінген қаржы үстіміздегі жылы екі есеге - 10,6 млрд теңгеге дейін өсті",* деп атап өтті ол. "Біз әскери дайындықтың жаңа деңгейі білім берудің де жаңа деңгейге көтерілуін талап етеді деп санаймыз",- деді министр. Осыған байланысты, оның айтуынша, қазіргі уақытта министрлік "әскери мамандарды дайындау жүйесін өзгертудің басты бағыттарын" пысықтаған. "Жыл сайын үш мыңнан астам офицерлер мен сержанттар қайта дайындықтан өтетін болады",- деп атап көрсетті ол.
Сонымен қатар, министр "азаматтың әскери қызметке келгенінен бастап біртіндеп қызметте өсуін, әскери қызметкердің қызмет баспалдақтарымен көтерілуін қарастыратын офицерлер мен сержанттардың шендік тұрғыда өсуінің типтік схемасы әзірленгендігін" хабарлады. "Бізде біреудің Алматыда жылы орнынан тапжылмауы, ал кейбіреулердің Аягөз, Отар, Сарыөзекте тер төгуі деген болмайды",- деп атап көрсетті ол.
Министрдің хабарлауынша, "Елбасының тапсырмасы бойынша министрлік үстіміздегі жылы қызметтік тұрғын үй жүйесін дамытуға қосымша 2 млрд 615 млн теңге тапқан". "2007 жылы біз 78 мың шаршы метрден астам тұрғын салуды жоспарлап отырмыз, 1800 жуық әскери қызметкер жаңа пәтер алады",- деп атап көрсетті ол. Д. Ахметов сондай-ақ, министрліктің 2008 жылғы бюджетінде әскери қызметкерлерге арналған тұрғын үй құрылысына 1,7 млрд теңге көлемінде қаржы бөлу жоспарланғандығын хабарлады. "Орташа мерізімді келешекте жыл сайын 75 мың шаршы метрден кем емес тұрғын үй салу жоспарланған, бұл жыл сайын 1200 әскери қызметкерді пәтермен қамтамасыз етуге мүмкіндік береді",- деп қорытындылады ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанда қарулы күштерді басқарудың біртұтас автоматтандырылған жүйесі енгізіледі
тақырып бойынша жаңалықтар
Қазақстан Республикасының жаңа Цифрлық даму министрі тағайындалды
2024 жылғы 6 мамырда Мемлекет басшысы Қасым-Жомарт Тоқаев жаңа цифрлық даму министрін тағайындады, деп хабарлайды Ақорданың баспасөз қызметінен.
Мемлекет басшысының Жарлығымен Жаслан Хасенұлы Мәдиев Қазақстан Республикасының Цифрлық даму, инновациялар және аэроғарыш өнеркәсібі министрі лауазымына тағайындалды", -деп көрсетілген Жарлық мәтінінде.
Жаслан Мәдиев 1983 жылы Алматы қаласында дүниеге келген. Әл-Фараби атындағы Қазақ ұлттық университетін, Колумбия университетін, Массачусетс технологиялық институтын тәмамдаған.
Еңбек жолын 2004 жылы "Альянс Банк" АҚ Халықаралық қатынастар департаментінің Халықаралық қаржы институттарымен жұмыс басқармасының маманы болып бастаған.
2020 жылғы қазаннан бастап қазіргі таңға дейін Қазақстан Республикасының Стратегиялық жоспарлау және реформалар жөніндегі агенттігі төрағасының орынбасары қызметін атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ұлытау облысынан Қызылорда облысының көлдеріне 839 млн текше метрден астам тасқын суы жіберілді
Сурет: gov.kz
Су тасқыны кезінде Ұлытау облысының Кеңгір су қоймасынан 839 млн текше метрден астам су жіберілді. Осының нәтижесінде, алғаш рет Кеңгір су қоймасынан жіберілген су Сарысу өзені арқылы Қызылорда облысының көлдеріне жетті, деп хабарлайды Gov.kz.
Кеңгір су қоймасынан 307 млн текше метр су, Жезді су қоймасынан 81 млн текше метр су жіберілді, ал Сарысу өзеніндегі "Қызылжар темір жол станциясы" су бекеті арқылы 451 млн текше метр су келді.
Бүгінгі таңда Қызылорда облысының Телікөл көлдер жүйесінің қарқынды су жинағаны байқалады, бұл өңірдің ауыл шаруашылығына жағымды әсер етуі тиіс. Жиналған су одан әрі облыстағы күріш алқаптарына жіберілетін болады", - деді Су ресурстары және ирригация министрлігінің ресми өкілі Мөлдір Әбдуәлиева.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев су тасқынына қарсы күреске қатысқаны үшін бірқатар әскери қызметшілерге арнаулы атақтар, шендер мен наградалар табыс етті
Сурет: Akorda
Президент мемлекеттік наградалар, жоғары әскери және арнаулы атақтар, сыныптық шендер тапсыру рәсіміне қатысты, деп хабарлайды Ақорданың баспасөз қызметінен.
Мемлекет басшысы - Қазақстан Қарулы Күштерінің Жоғарғы Бас қолбасшысы Қасым-Жомарт Тоқаев жиынға қатысушыларды Отан қорғаушы күнімен және алда келе жатқан Жеңіс күні мерекесімен құттықтап, осы екі мейрам жауынгерлік дәстүрдің сабақтастығын паш ететінін, батыр бабаларымыздың даңқты жолын қазір өскелең ұрпақ жалғастырып келе жатқанын атап өтті.
Бүгінде айбынды армиямыз - елдегі тұтастық пен тыныштықтың мықты қалқаны. Қуатты әскеріміз бейбітшілік пен берекелі өмірді қас қақпай күзетіп тұр. Олар қай кезде де қастерлі Отанымызды қорғауға дайын. Ерлік майданда ғана жасалмайды. Ерлікке бейбіт заманда да орын бар. Биыл біз соңғы 80 жылдағы ең жойқын тасқынға тап болдық. Елге қатер төнген сәтте сарбаздарымыз алдыңғы шептен табылды. Ұлттық ұлан, Ішкі істер министрлігі, Ұлттық қауіпсіздік комитеті, Төтенше жағдайлар министрлігі және Мемлекеттік күзет қызметінің жеке құрамы антқа адал болудың үлгісін көрсетті. Алапат тасқынға төтеп беру үшін 9 мыңнан астам әскери қызметші жұмыла еңбек етті. Мыңнан астам техника жеткізілді. Сын сағатта халқымыздың асыл құндылықтары анық байқалады. Осы орайда Солтүстік Қазақстан облысында апатқа қарсы күрескен 300 сарбаздың еңбегін ерекше атап өткім келеді. Олар күні-түні бөген салып, қаланы қарғын судан құтқаруға атсалысты. Жергілікті тұрғындар бұл сарбаздарға айрықша риза болды, оларды зор құрметпен шығарып салды. Міне, халық пен армияның мызғымас тұтастығы дегеніміз - осы. Мұндай мысалдар аз емес", - деді Президент.
Қасым-Жомарт Тоқаев Жеңіс күнін жақындатуға атсалысқан майдангерлер мен тыл еңбеккерлеріне әрқашан құрмет көрсетілетінін айтты. Осы ретте ардагерлерге мерекеге орай жыл сайын қосымша төлемақы берілетінін, ал биыл оның көлемі үш миллион теңгеге дейін өскенін жеткізді. Сонымен қатар өзінің бастамасымен биылдан бастап "Айбын" орденінің үш дәрежесі даңқты батырларымыз - Сағадат Нұрмағамбетовтің, Бауыржан Момышұлының және Рақымжан Қошқарбаевтың атымен аталатынын еске салып, ұлт перзенттерінің батылдығы мен батырлығы бүгінгі және болашақ ұрпақ үшін үлгі-өнеге болатынына назар аударды.
Мемлекет басшысының айтуынша, геоосаяси тұрақсыздық белең алған қазіргі жағдайда мықты әрі дайындығы сақадай сай әскердің маңызы айтарлықтай арта түсті.
Біздің әскери қызметшілеріміз БҰҰ аясындағы түрлі бітімгерлік операцияларға қатысып, өздерінің кәсібилігі мен жоғары деңгейдегі жауынгерлік машығын көрсетіп келеді. Жуырда Қазақстан Голан жоталарындағы миссиясын дербес орындау жөніндегі Біріккен Ұлттар Ұйымының мандатына алғаш рет ие болды. Соңғы жылдары әлем елдерінің әскери қуаты туралы рейтингтегі орнымыз едәуір жақсарды. Бұл әскеріміздің дайындығы жоғары екенін әрі үйлесімді әрекет ететінін білдіреді. Қазақстан жер-жаһанға өзін бейбіт ел ретінде танытты. Біз барлық мемлекетпен достық қатынас орнаттық. Кез келген шиеленісті сындарлы диалог арқылы шешу керек деп есептейміз. Бірақ арқаны кеңге салып, қамсыз отыруға болмайды. Қуатты әскеріміз түрлі қатерге сақадай сай тұруға тиіс. Мықты әскер - елдіктің тірегі", - деді Президент.
Қасым-Жомарт Тоқаев Қазақстанның айбынды армиясы кәсіби тұрғыдан білікті әрі заманға сай озық болуы үшін Қарулы Күштерімізді одан әрі нығайту жұмыстары жалғасатынын жеткізді.
Күні кеше ғана елімізде жаңа авиация базасы ашылды. Бұл - ұлттық қорғаныс жүйесінің әлеуеті арта түсті деген сөз. Біз армияның беделін көтеруге айрықша мән береміз. Отан қорғау - баршамызға ортақ парыз. Мұны, әсіресе, өскелең ұрпақ терең түсінгені абзал. Мемлекет жас сарбаздарға жан-жақты қолдау көрсетіп жатыр. Оларға арнайы білім гранттары бөліне бастады. Несиені өтеу мерзімі кейінге шегерілді. Енді армияда жүріп, нақты мамандық алуға болады. "Ер жігітке жарасар, қолындағы найзасы" деп әйгілі Бұқар жырау батырлық пен ерлікті ерекше дәріптеген. Шын мәнінде, әскер - мемлекеттің аса маңызды символы. Мен сарбаздарымыздың жауынгерлік рухы жоғары болғанын мақтан етемін", - деді Мемлекет басшысы.
Салтанатты жиында Қасым-Жомарт Тоқаев Отан қорғаушылардың еліміздегі ынтымақ пен тыныштықты сақтауға зор үлес қосып келе жатқанын атап өтіп, офицерлерге әскери және арнаулы атақтар, сыныптық шендер тапсырды.
Мемлекет басшысының Жарлығымен әскери және арнаулы атақ, сыныптық шен алған офицерлердің тізімін мына сілтеме арқылы көруге болады.
Бұдан бөлек, Президент әскери және қызметтік борышын атқаруда көрсеткен ерлігі мен жанқиярлығы, елдің ұлттық қауіпсіздігі мен қорғаныс қабілетін қамтамасыз етуге, заңдылық пен құқықтық тәртіпті нығайтуға қосқан үлесі үшін бір топ азаматты мемлекеттік наградалармен марапаттады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда "Жеңіс пойызы" жолға шықты
Жеңіс күніне орай рәсімделген пойыз Астанадан Павлодарға жолға шықты, деп хабарлайды "Қазақстан темір жолы" ҰК" АҚ баспасөз қызметінен.
9 мамыр қарсаңында Астанадан Павлодарға Жеңіс күніне орай арнайы рәсімделген №7502 электр пойызы жолға шықты. Безендірілген электр пойызы соғыс жылдары бейбітшілік үшін құрбан болған қазақ жауынгерлерінің ерлігін еске алуға арналған.
Құрам Жеңіс лентасының және Ұлы Отан соғысының батырлары Бауыржан Момышұлы, Мәншүк Мәметова, Әлия Молдағұлова, Қасым Қайсенов, Талғат Бегелдинов және басқалардың суреттерімен безендірілген. Мереке құрметіне жолсеріктер жолаушыларды салтанатты формамен қарсалды. Жолаушылар "Жеңіс пойызының" алдында суретке түсіп, лезбіздерін білдірді.
Жыл сайын "Жолаушылар тасымалы" АҚ мерекеге сәйкес пойыздарды безендіріп, жолаушылардың сапарын ерекшелендіруге қызмет етеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.