Нидерландының Бас прокуроры Стати ісі бойынша шешімнің күшін жоюды ұсынады
Қазақстан Республикасының Әділет министрлігі Бас прокурордың негізгі уәждерін келтіреді, олар мынадай:
- тиісті емес голланд соты экзекватура туралы Статидің өтініші бойынша шешім қабылдағанына байланысты юрисдикциялық аргумент негізінде Жоғарғы сотқа апелляция рұқсат етіледі;
- Қазақстан 2017 жылы іс басталған кезде мәлімдегендей, Статидің өтінішін Амстердамның апелляциялық соты емес, Амстердамның аудандық соты қарауы керек еді;
- Стати бұл айырмашылық маңызды емес деген мәлімдемесі қате, себебі "абсолютті юрисдикция ережесі" "қоғамдық тәртіп" мәселесі болып табылады.
Амстердам округтік сотындағы жаңа іс талқылауы Қазақстан Республикасының сәтті кассациялық шағымынан кейін ұзаққа созылған істі дамыту үшін шешуші болуы мүмкін. Себебі, алаяқтықтың елеулі дәлелдемелерін болдырмау үшін Стати Амстердам апелляциялық сотындағы талқылаудың материалдарымен манипуляция жасағанын Қазақстан аша алады", - деп бөлісті ведомствоның баспасөз қызметінде.
Колумбия университетінің профессоры Джордж Берманн атап өткендей, Стати Амстердам апелляциялық сотына 2016 және 2019 жылдары КПМГ мен Стати арасындағы хат-хабарларға қатысты "жаңылыстыратын" мәлімдемелер жасады.
2016 жылғы хат-хабарда КПМГ "қаржылық есептіліктің дұрыстығына күмән келтірді және Стати тарабы Қазақстан атап өткен алаяқтыққа қатысты КПМГ сұрақтарына жауап беруден бас тартқанын" көрсетті. 2019 жылғы хат-хабарда КПМГ Қазақстан ұсынған Статидің алаяқтық дәлелдемелерін және "өзінің жұмыс құжаттарын" "тәуелсіз бағалауды аяқтағаны" туралы Статиге ақпарат берді. Осы "бағалауға" негізделе отырып, КПМГ Стати компанияларының 2007-2009 жылдардағы қаржылық есептілігі үшін шығарылған аудиторлық есептерді "одан әрі немесе болашақта пайдаланудың алдын алу үшін барлық қажетті шараларды дереу қабылдау" туралы Статиге жүгінді. Сондай-ақ, КПМГ Статиден "тиісті қаржылық және аудиторлық есептерді алатындардың барлығына... осы оқиға туралы" хабарлауды сұрады. PwC қорытындысы бойынша, Стати мен КПМГ-ның осы хат алмасуы "қаржылық есептіліктегі барлық қаржылық ақпаратқа қатысты өзінің аудиторлық қорытындыларын КПМГ-ның толық "қайтарып алуын" білдіреді", - деп хабарлады Әділет министрлігі.
Стати 2016 жылғы да, 2019 жылғы да КПМГ хат-хабарларын Амстердамның апелляциялық сотында ашқан жоқ. Қазақстан мұны тек 2019 жылдың қазан айында, яғни Нидерландыда талқылау жабылған кезде ғана тапты. Қазақстанның бірнеше рет ресми сұрауына қарамастан, Стати материалдарға түзетулер енгізуден және осы маңызды дәлелдемені голландиялық сотқа беруден бас тартты.
Бұдан бұрын хабарланғандай, 2021 жылдың ақпан айында Люксембург кассациялық соты КПМГ дәлелдемелеріне сілтеме жасай отырып, төменгі соттың төрелік шешімді тану туралы шешімін жойды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Президентке биылғы І тоқсанда жұмсалған республикалық бюджет қаражаты туралы есеп берілді
Сурет: akorda
Мемлекет басшысы Қаржы министрі Мәди Такиевті қабылдады, деп хабарлайды Ақорданың баспасөз қызметінен.
Президентке мемлекеттік қаржының негізгі параметрлері, оның ішінде биылғы І тоқсанда жұмсалған республикалық бюджет қаражаты туралы есеп берілді. Осы ретте 3 айдың қорытындысы бойынша мемлекеттік бюджетке 4,5 триллион теңгеге жуық кіріс кірген.
Қасым-Жомарт Тоқаевқа өнімсіз бюджет шығындарын оңтайландыру жұмыстары жөнінде мәлімет берілді. Мәди Такиевтің айтуынша, жүргізілген сараптама нәтижесінде биыл 300 миллиард теңгеден астам соманы қысқарту ұсынылған. Бұл қаражат экономикалық қайтарымы барынша жоғары шараларға жұмсалады.
Мемлекет басшысына бюджетті басқару тиімділігін арттыру бағытында қабылданып жатқан жұмыстар туралы баяндалды. Аталған шаралар жаңа Бюджет кодексіне енгізілген.
Бұдан бөлек Президентке салықтық-кедендік әкімшілендіру ісіндегі жаңа бастамалар таныстырылды. Министрдің айтуынша, жаңа Салық кодексінің жобасында салықтық әкімшілендірудің сервистік моделі енгізілген, тексерулер санын қысқарту жөніндегі нормалар қарастырылған, камералық бақылау және салық берешегін өндіріп алу тәсілдері өзгертілген.
Сонымен қатар Қасым-Жомарт Тоқаевқа Еуразиялық экономикалық одақтың үшінші елдермен кедендік шекарасындағы инфрақұрылымды жаңғырту жұмыстары жөнінде ақпарат берілді. Жобаның жүзеге асырылуы өткізу мүмкіндігін 6 есеге дейін ұлғайтып, өту уақытын 2 есе қысқартуға, сондай-ақ тауарлар мен көлік құралдарын тексеру ісін тәулік бойы онлайн режимде бақылауға мүмкіндік береді. Барлық өткізу пунктін реконструкциялау жұмыстарын жыл соңына қарай аяқтау жоспарланып отыр.
Мәди Такиев мемлекеттік сатып алу жүйесін реформалау жоспары жөнінде айтты. Оның мәліметінше, "Мемлекеттік сатып алу туралы" жаңа Заң жобасында сатып алу рәсімдерін жеңілдету және бюрократиядан арылту, құрылыс нарығында монополияға жол бермеу, барлық мемлекеттік және квазимемлекеттік ұйымның сатып алуларын бірыңғай платформаға көшіру көзделген.
Кездесу соңында Президент мемлекеттік қаржының жағдайын жақсарту, атап айтқанда, бюджеттің теңгерімділігін қамтамасыз ету, сондай-ақ салықтық және кедендік әкімшілендіру салаларын цифрландыру арқылы жетілдіру жөнінде бірқатар тапсырма берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.